SALM 112
Miòha Lunglawmhnak
Bawipa cu thangòhat u!
Bawipa a òihmi cu
milunglawm an si.
A nawlbia zulh a nuam in
a theimi cu milunglawm an si.
Cu bantuk mi hna fale cu
ram chungah hin miòhawng an si lai,
miòha mi hna fale cu
thluachuah hmumi an si lai.
An innchungkhar hna cu an rum
an lian lai i
khua-awng an pem zungzal lai.
 
Miòha mi hna caah cun muihnak
chungah khan ceunak a tlang,
mi cungah vel a ngeimi le
mi zaangfah a thiammi le
miding mi hna caah cun
ceunak kha a tlang.
Mi chaw a cawih hna tikah
siang ngaiin a cawih i
a rian a òuannak ah lihchim lo tein
a ummi cu milunglawm an si.
Miòha cu an sung bal lai lo,
philh an si bal lai lo.
Thawng chia theih kha a òih lo,
a zumhnak a òhawng i Bawipa kha
aa bochan.
Lungrethei le thinphang in a um lo;
ka ral cu an sung hrimhrim lai
ti kha a hngalh.
A herh a baumi kha siang ngaiin
a pek hna,
mi cung i zaangfahnak
a ngeihmi cu zungzal in a hmun;
amah cu a òhawng lai i
hmaizah a si ko lai. Ref 112.9: 2Kor 9.9
10 Miòhalo pawl nih khan hihi an hmuh i
an ing a puang,
an hacang lawng an rial ko;
an rak i ruahchanmi kha
pakpalawng ah
a can dih bantuk khan
annih zong an lo ve.