SALM 111
Bawipa Thangòhatnak
Bawipa cu thangòhat u!
Bawipa cu a mi hna an i
pumhnak ah ka lungthin a dih
umnak in ka lawmh lai.
Bawipa nih a tuahmi thil cu
zeitluk in dah khuaruahhar a si!
A tuahmi thil cung i
aa lawmmi hna nih cun
an sullam kha hngalh an duh.
A tuahmi thil cu upatnak le
lianhngannak in a khat;
a dinnak cu zungzal in a hmun.
 
Bawipa nih thil khuaruahhar
a tuahmi hna kha
philh loin a kan umter;
amah cu mi cungah vel a ngei i
zaangfah a thiam.
Amah a òihtu kha rawl in a cawm hna,
bia aa kammi kha zeitikhmanh ah
a philh lo.
A òhawnnak cu a mi hna
sinah khan a langhter,
ramdangmi hna ram cu
a mi kha a pek hna.
 
A tuahmi thil kip ah zumhawktlak le
miding a si;
a nawlbia kha i bochan awktlak
an si;
zungzal in an hmun;
biatak le dinnak in pek an si.
A mi cu khamhnak a pek hna i
zungzal hmunmi biakamnak kha
an sinah a ser.
Amah cu a thiang i a òhawngmi a si.
10  Bawipa òih hi
fim hram i thawk cu a si;
cu bantukin a nungmi cu
hngalhnak ah an òhang,
Bawipa cu zungzal in
thangòhat si ko seh. Ref 111.10: Job 28.28; Phut 1.7; 9.10