SALM 110
Bawipa le A Thimmi Siangpahrang
(Mat 22.44)
David Hla
1 Bawipa nih siangpahrang ka
Bawipa cu a thawh i,
“Na ral cu na ke tangah
ka chiah hna hlan tiang,
ka orhlei kamah hin òhu tuah,”
tiah a ti. Ref 110.1: Mat 22.44; Mar 12.36; Luk 20.42-43; Lam 2.34-35; 1Kor 15.25; Efe 1.20-22; Kol 3.1; Heb 1.13; 8.1; 10.12-13
2 Zion in a rami Bawipa nih,
uknak nawl cu an pek tikah,
“Na ral cu uk hna,” an ti lai i
na nawl ngeihnak cu hmun dang
tiangin a karh lai.
3 Na ral kha na tuk hna ni ah,
na mi nih anmah lungtho tein
an in chuahhnawh lai.
Na tlangval hna cu zinglei
dap bantukin,
na sinah tlang thiang ah khan
4 Bawipa nih a fekmi biakamnak
a tuah i a let òhan lai lo,
“Nang cu zungzal in tlangbawi
na si lai,
Melkhizedek tlangbawi a sining in
na si lai,” a ti. Ref 110.4: Heb 5.6; 6.20; 7.17, 21
5 Bawipa cu na orhlei kamah
a um ko;
a thin a hun ni ah siangpahrang kha
a tei hna lai.
6 Miphun kha an bia a ceih hna lai i
raltuknak hmun kha miruak in
a khahter lai;
vawlei cung dihlak ah
siangpahrang kha a tei hna lai.
7 Lam pawng i a luangmi tiva kha
siangpahrang nih cun a din lai,
a tha aa hrim lai i teitu a si lai.