SALM 104
Sertu Pathian Thangòhatnak
(Gen 1.1-31)
1 Maw ka nunnak, Bawipa cu
thangòhat tuah!
Bawipa ka Pathian,
zeitluk in dah na lianhngan!
Sunparnak le lianhngannak in
naa thuam i
2 ceunak in naa tuam.
Van khi puan thlam bantukin
na samh hna i
3 cunglei i a ummi ti cungah khin
na inn cu na sak.
Khuadawm cu rangleng ah
na hman hna i
thlitu cu an thla cung cit awkah
na hman hna.
4 Thlitu cu na lamkaltu ah
na hman hna i
nimtlau cu na sal ah na hman hna. Ref 104.4: Heb 1.7
5 Vawlei cu a umnak hmun ah khan
fek tein na bunh i
ahohmanh nih an òhial kho lo.
6 Vawleicung cu rili in puan bangin
na khuh i
a tlang cu ti nih a khuh hna;
7 sihmanhsehlaw ti cu
na sik hna tikah an le
na au thawng kha an theih tikah
an zam.
8 Tlang cung khan nelrawn ah
an vung luang i
an ca i na sermi hmun ah khan
an um;
9 an lonh khawh lomi ramri kha
na chiah i
vawlei kha an khuh òhan kho ti lo.
10 Nelrawn ah cerh kha
na putter hna i
ti cu tlang le tlang karah an luang.
11 Ramlak saram kha ti din awk
an pek hna i
ramlak laa nih khan an tihal riam in
an din hna;
12 an pawngkam thingkung cungah
vate nih bu an i ser i hla an sa.
13 Vancung khin tlang cungah ruah
na run surter i
vawlei cu na thluachuahnak in
a khat.
14 Saòil caah ram na khohter,
minung hman awk caah thing
na khohter
cucaah minung nih cun tirawl kha
an cin khawh hna i
15 an lung a lawmhtertu dingah
mitsur hang kha an chuahter;
an tha an nuamtertu dingah
oliv chiti kha an chuahter i
thazang a petu dingah
16 Lebanon Tlang sidar thingkung cu
ruah tampi an hmu,
annih cu Bawipa nih amah caah
aa cinmi thingkung an si.
17 Cuka ah cun vate nih bu an i ser i
vaca nih farkung ah bu an i ser ve.
18 Sathar kha tlang sang ah an um i
sahniar cu lungpang ah an i thup.
19 Thla relnak ah thlapa na ser,
ni nih khin tlak caan amah tein
aa hngalh.
20 Zan kha na ser i mui ah saram kha
an chuak.
21 Chiandeih no kha rawl an kawlpah in
an awn,
Pathian nih a pekmi hna rawl kha
an kawl.
22 Ni a chuah in an kir i an kua chungah
khan an bawk.
23 Cun mi cu an rianòuan awkah
an chuak i zanlei tiang an òuan.
24 Bawipa, na sermi thil hi an tam
hringhran ko!
An dihlak in fimnak in na ser hna.
Vawlei cu na sermi thil in a khat.
25 A ngan ngaingai i a kau ngaingaimi
rilipi kha na ser,
a chungah thilnung a hme he
a ngan he
a rel rel cawk loin an um;
26 a cungah sangphawlawng kha
an kal i
a chungah Leviathan rulpi kha
lente aa celh,
Leviathan cu rili chung rulpi
nangmah nih na sermi kha a si. Ref 104.26: Job 41.1; Slm 74.14; Isa 27.1
27 An herhmi an rawl hmuhnak ah,
an dihlak in nangmah kha
an in bochan.
28 Nang nih na pek hna i an ei,
rawl cu na pek hna i an khim,
29 Naa mer tikah an awlok a chong,
na thaw kha na tlaihkanh hna tikah
an thi i
an chuahkehnak vawlei ah khan
an kir òhan.
30 Sihmanhsehlaw thaw na pek hna
tikah an nung;
vawlei cu nunnak thar na pek.
31 Bawipa sunparnak cu zungzal in
hmun ko seh,
a sermi thil cungah Bawipa cu
i lawm ko seh.
32 Vawlei kha a zoh tikah vawlei cu
a ther in a ther,
tlang kha a tawngh tikah
33 Ka nun chung vialte Bawipa cu
hla in ka thangòhat lai;
ka nunnak a um chung ka Pathian
thangòhatnak hla cu ka sa lai.
34 Pathian nih lunglawmhnak
a ka pek zat in,
ka thangòhatnak hla nih amah cu
a lunglawmhter ve seh.
35 Misual mi cu vawleicung hin hloh
si hna seh,
miòhalo cu um ti hna hlah seh.
Ka nunnak, Bawipa cu thangòhat ko!
Bawipa cu thangòhat ko!