SALM
The Psalms
Hi biaknak hla hi phun tampi: Pathian biaknak le thangòhatnak, bawmhhalnak thlacamnak, Pathian sin thluachuah hmuhmi ca i Pathian lawmhnak, ral teinak ca thlacamnak hna an si. Hi thlacamnak hi pumpak thlacamnak zong an si i phun ning thlacamnak zong an si. Hi thlacamnak a cheu ah hin mi nih pumpak in an lungthin chung a thuknak bik hmun i a ummi thil an chimnak kha kan hmuh i a cheu ah hin miphun nih an phun ning in Pathian an herhnak kong an chimnak zong kha kan hmuh.
Salm hi Jesuh zong nih khan a hman hna i Biakam Thar òialtu hna zong nih khan an hman hna. A hramthawk tein Khrihfabu nih an sunhsak ngaingaimi biaknak cauk a si.
SALM 1
David Hla
Lawmhnak Taktak
1 Miòhalo hna khuakhannak ah
aa tel lo i
misual hna lam zong a zul lo i
Pathian a nihsawhmi hna sinah
a òhu lomi cu
thluachuakmi an si.
2 An i lawmhnak cu Bawipa
nawlbia tu ah khan a si i
cu nawlbia cu chunzan in an ruat.
3 Tiva kamah a khomi thingkung,
a caan hmaan tein a thei a tlai i
a hnah a uai bal lomi bantuk an si.
An tuahmi thil kip ah khua awng
an tong. Ref 1.3: Jer 17.8
4 Sihmanhsehlaw miòhalo cu
hi bangin an si lo,
thli nih a choihmi favai bantuk an si.
5 Cucaah miòhalo hna cu Pathian nih
sual a phawt hna lai,
misual mi cu miding mi
bu chungah an i tel kho lai lo.
6 Bawipa nih miding cu
an lam kha a hngalh,
Sihmanhsehlaw miòhalo cu
an lam kha a rawk lai.