4
Fimnak Òhathnemnak
Maw ka fapale hna, nan pa
cawnpiaknak hi ngai u law,
hngalhnak nan ngeih khawh nakhnga
òha tein ngai tuah u;
Zeicahtiah nunchimhnak
kan pekmi hna cu
a òhami nunchimhnak an si i
kan cawnpiaknak hna hi
hlaw hlah u.
Ka pa caah ngakchia ka rak si i
ka nu caah fapa dawt, a nomi
ka rak si lioah khan,
Ka pa nih cun a ka cawnpiak i,
“Ka bia hi na lung in fek tein
i tlaih hna,
ka nawlbia hi zul hna law
nung tuah;
Ka chimmi bia hi philh hna hlah law i
theihter duh loin um hna hlah.
A hmasa bik ah a herhmi cu
fimnak hmuh hi a si;
hngalhthiamnak kha
na ngeihmi vialte na hloh dih ding
a si zongah i cawk.
Fimnak cu hlaw hlah, amah nih cun
him tein an zohkhenh lai;
amah cu daw law an huhphenh lai;
Na lung chungah i chiah law
sangpi ah an cawi lai,
i pom law upatnak an phakter lai.
Aa dawhmi pangpar rual
na lu cungah a chiah lai i
nangmah cu sunparnak luchin
an pek lai,” tiah a ti.
 
10 Ka fapa, ka bia cu ngai law pom hna,
na nunkhua a sau lai.
11 Fimnak lam kha kan cawnpiak lai i
dinnak lam ah khan kan hruai lai.
12 Na kal tikah na ril lai lo i
na tlik zongah
zeihmanh nih an tlukter lai lo.
13 Cawnpiaknak kha i tlaih peng law
thlah hlah;
Cucu zul peng tuah, na nunnak a si.
14 Miòhalo hna lam ah cun lut hlah,
miòhalo hna lam cu zul hlah;
15 Hrial law a cungah cun kal hlah,
pialtak law kaltak ko.
16 Zeicahtiah annih cu thil sual
pakhat tal an tuah lo ahcun
an it kho lo i
mi pakhat tal an tlukrilhter hna lo
ahcun an i hngilh kho lo.
17 Òhat lonak changreu kha an ei i
zaang-ennak zu kha an din.
18 Sihmanhsehlaw miding
mi hna lam cu
zingka ceunak, chun laicer tiangin
a ceu chin lengmangmi bantuk a si.
19 Miòhalo hna lam cu zan muihnak
bantuk a si,
zei cungah dah kan tluk i
kan rilh ti kha an hngal lo.
 
20 Ka fapa ka bia cu ngai hna law
ka chimmi cu na hna
chi tuah hna.
21 Na lung chungah i chiah hna law
lohter hna hlah.
22 Zeicahtiah aa hmuhmi caah cun
nunnak an si i
a pum dihlak damnak an si.
23 Na lung kha òha tein veng tuah,
Zeicahtiah cuka cun nunnak
cerhti kha a put.
24 Hrokhrawl bia cu na kaa chungin
chuahter hna hlah law
Depdetnak bia cu hlaw diam ko hna.
25 Na mit nih ding tein hmailei kha
zoh ko hna seh,
Na hmai i a ummi thil cu fek tein
i zohchih ko.
26 Na ke nih a lamhmi lam kha
òha tein zoh law cuticun
him tein na kal kho lai. Ref 4.26: Heb 12.13
27 Orhlei ah siseh, kehlei ah siseh,
pial hlah;
Òhat lonak vialte kha hrial dih hna.