29
1 Atu le atu chimhhrin a si ko nain
a lung a òhawng rih komi cu,
damh khawh ti loin chikkhatte ah
a kiak lai.
2 Miding mi hna cu nawl ngeimi
an si tikah mi cu an i lawm,
sihmanhsehlaw miòhalo hna kha
uktu an si tikah mi cu an hrum tawn.
3 Fimnak a duhmi nih a pa cu
a lawmhter,
sihmanhsehlaw hlawhhlangnu
a kommi nih cun a chaw kha
a hlohlak tawn.
4 Dinnak thawngin siangpahrang nih
ram cu a fehter,
sihmanhsehlaw hneknak in
tangka hmuhnak kha a ruah tikah
a ram cu a rawk tawn.
5 A innpa a fakmi cu a ke caah
sur rap a chiahpiak a si.
6 Miòhalo cu amah sualnak nih khan
a foih,
Sihmanhsehlaw miding cu
an i lawm i an luat.
7 Miòha nih cun, sifakmi hna nih
zeidah an covo si awk a si
ti kha a hngalh,
Sihmanhsehlaw miòhalo nih cun cu
bantuk zawnruahnak cu a hngal lo.
8 Mi nihsawh hmangmi nih khua
chungah mei an thawhter tawn,
Sihmanhsehlaw mifim mi nih cun
mi thinlinhnak kha an daihter.
9 Mifim nih mihrut kha
taza a cuai ahcun,
mihrut cu a thin lawng a hung lai i
a nih lawng a chuak men lai i
daihnak zeihmanh a um hlei lai lo.
10 Thisen chuah a duhmi hna nih cun
a sual lomi kha an huat,
Sihmanhsehlaw miding mi nih cun
a nunnak kha an humhakpiak.
11 Mihrut nih cun a thinhunnak kha
a langhter,
Sihmanhsehlaw mifim nih cun
dai tein a um i aa sum.
12 Uktu nih lihbia kha a ngaih ahcun,
a kut toi ummi bawi vialte kha
miòhalo an si lai.
13 Misifak le anmah a hremtu hna nih
khan aa khat in an ngeihmi cu hihi a si:
Bawipa nih an pahnih in
mit a pek veve hna.
14 Siangpahrang nih misifak hna
bia zong kha ruannak in
a ceih ahcun
a bawi òhutdan cu zungzal in
a hmun lai.
15 Fungfek le chimhhrinnak nih
fimnak an pek,
sihmanhsehlaw ngakchia anmah
duh in thlahdorhmi nih cun
an nule kha ningzahnak an phorh hna.
16 Miòhalo hna nawl ngeitu an si tikah
sualnak a karh,
sihmanhsehlaw an tluk kha
miding mi hna nih cun an hmuh lai.
17 Na fapa cu chimhring law
hnangamnak an pek lai;
na lung an lawmhter lai.
18 Pathian nih a hruai lomi miphun cu
ningcang loin khua an sa.
Pathian nawlbia a zulmi cu
lunglawmmi an si.
19 Bia lawngin sinum cu nunchimh
khawh a si lo,
a hngal ko nain zei ah a rel lai lo.
20 Ruah hmasa loin bia a chim
zauzaumi nakcun,
mihrut caah ruahchannak a um deuh.
21 Na sinum kha a ngakchiat lio in
a duhmi paoh na pek ahcun
ni khatkhat cu nangmah thil kha
an chuh dih te ko lai.
22 Thin a tawimi nih rem lonak
an chuahter,
Thin aa sum lomi nih palhnak
an tuah zungzal tawn.
23 Mi cu aa porhlawtnak nih
tangah a òhumh lai,
sihmanhsehlaw toidornak lungthin
a ngeimi cu upatnak a hmu lai.
24 Mifir hawikom a simi cu
amah le amah kha a ral cu
a si ko,
a hmaanmi kha a chim ahcun
dantatnak a hmuh lai,
a chim lo ahcun Pathian nih chiat
a serh lai.
25 Midang nih zeitindah
an ka ruah hnga ti hi
thil òihnung a si,
sihmanhsehlaw Bawipa i bochan hi
himnak a si.
26 Mi kip nih uktu bawi duhdawtnak
hmuh kha an duh,
Sihmanhsehlaw mi nih biading cu
Bawipa sin lawngin an hmuh.
27 Miding mi nih miding lomi kha
an huat hna,
miòhalo nih miding mi kha
an huat ve hna.