28
Miòhalo le Miding
Miòhalo cu ahohmanh nih dawi
loin an zam,
sihmanhsehlaw miding mi cu
chiandeih bantukin an ral a òha.
Ram cu a fimmi le khuaruah
a thiammi hruaitu
a ngeih hna tikah saupi a dir kho,
sihmanhsehlaw uktu kha atu le atu
an i thlen lengmang cu
ram kha a sual caah a si.
Misifak a hremtu hna bawi cu,
rawl zeihmanh a ngan lotu
ruah bantuk a si.
Phung a zul lomi nih cun
miòhalo kha an thangòhat hna,
sihmanhsehlaw phung kha
a zulmi nih cun an doh hna.
Miòhalo nih biading hi zeidah
a si kha an hngal lo,
sihmanhsehlaw Bawipa a kawlmi hna
nih cun tling tein an hngalh cikcek.
Sifak te i nun i lihchim lo tein um hi
lihchim i rum nakin a òha deuh.
Phungbia a zulmi cu fapa fim a si,
sihmanhsehlaw ei din leiah
sumnak a ngei lomi hna
hawikom a simi cu
a pa caah ningzahnak a si.
A miak le a karh in a rumnak
a chap chintu nih,
misifak hna cung i zaangfahnak
a ngeimipa caah khan a khon a si.
Phungbia kha ngai duh loin
a mertakmi cu
a thlacamnak hmanh kha
fihnung a si.
10 Miding mi kha òhat lonak lei
kal awkah a lemtu cu,
amah nih a cawhmi khor
lila ah khan a tla lai;
Lihchim lomi nih cun a òhami
ro kha a hmuh lai i
Sihmanhsehlaw miòhalo nih cun
zeihmanh an hmu lai lo.
11 Mirum nih cun ka fim tiah
an i ruat zungzal,
sihmanhsehlaw hngalhthiamnak
a ngeimi misifak nih khan
anmah nakin a hngalh deuh.
12 Miding mi nih uknak an co tikah
conglawmhnak tampi a um,
sihmanhsehlaw miòhalo an kai tikah
mi cu an i thup dih.
13 A palhnak kha a thupmi cu
khua-awng a tong lai lo,
sihmanhsehlaw a phuang i a hlawmi
nih cun zaangfahnak a hmuh lai.
14  Bawipa a òih zungzalmi cu
mithluachuak an si,
sihmanhsehlaw a lung a hahtermi cu
vanchiatnak chungah an tla lai.
15 Uktu òhalo cu misifak hna caah,
a rawl a òammi chiandeih le
a ti a halmi vom bantuk a si.
16 Thil ruahning a thiam lomi uktu cu
mihremtu a si tawn,
sihmanhsehlaw dinlonak
a huami cu a chan a sau tawn.
17 Mi thisen a chuahtu cu tlaihnak
luatnak caah tikhor chung hmanh
ah khan a zuang lai.
18 Ningcang tein khua a sami cu
him tein an um lai,
sihmanhsehlaw ningcang loin
khua a sami cu lam khatkhat in
a sung òhiamòhiam lai.
19 A vawlei òha tein a thlomi cu
rawl tampi a ngei lai,
sihmanhsehlaw santlailo rian
pakpalawng a dawi
lengmangmi cu a si a fak lai.
20 Zumh awk tlakmi cu thluachuahnak
tampi a hmu lai,
sihmanhsehlaw khulrang in rum
aa zuammi cu dantatnak
hmu loin a um lai lo.
21 Duhdanh ngeih hi a òha lo,
sihmanhsehlaw changreu tlang khat
ruangah mi nih òhat lonak kha
an tuah ko lai.
22 Mikhiar nih cun khulrang in
rum aa hnawh,
sihmanhsehlaw herhbaunak nih
a ka tlunh lai ti kha a hngal lo.
23 A lei in mi a fakmi nakin
a situ nih khan
hmailei ah cun duhdawtnak
a hmuh deuh lai.
24 Nu le pa thil fir cu a poi lo
a timi cu
mifir taktak he zeihmanh
an i dannak a um lo.
25 Hakkauhnak nih cun rem lonak
lawng kha a chuahter ko,
cucaah Bawipa i bochan cu
a òha deuh suaumau.
26 Mah ruahnak i rinh cu hruh a si,
sihmanhsehlaw fimnak lam
a zulmi cu him tein a lan ko lai.
27 Sifakmi a pechan lengmangmi cu
a chambau bal lai lo,
sihmanhsehlaw a mit a chinhkanhtu
hna cu chiatserhnak tampi
a hmu lai.
28 Miòhalo nih uknak an tlaih tikah
mi cu an i thup dih,
sihmanhsehlaw an loh tikah
miding mi nih khan
uknak cu an co ve.