16
1 Minung nih khua cu
an khan ko lai,
sihmanhsehlaw a donghnak bia
a ngeitu cu Pathian a si.
2 Na tuahmi cu a òha dih in
na ruah ko lai,
sihmanhsehlaw Bawipa nih
naa tinhnak na lungthin cu
a hngalh dih.
3 Na tuahmi vialte cu Bawipa sinah
pe law
Na khuakhannak cu a tling kho lai.
4 Bawipa nih zeizong vialte hi
anmah ca i tinh ciomi caah
khan a ser hna,
miòhalo hna hmanh hi,
harnak ni caah a ser hna.
5 Miruamkai cu Bawipa caah
fihnung an si,
hnadai tein um ko, dantatnak
hmu loin an um lai lo.
6 Pathian leiah felte le
zumhawktlak tein um ko law
na sualnak cu an ngaihthiam lai.
Cun Bawipa kha òih law òhat lonak nih
an tlunhnawh lai lo.
7 Mi cu a umtuning kha
Bawipa duhning a si ahcun,
a ral hna hmanh kha
amah he i rem tein a umter hna.
8 Dinlonak in hmuhmi thil tampi nakcun
dinnak in hmuhmi
tlawmte a òha deuh.
9 Minung nih hin a khualtlawnnak ding
khua kha a khan,
sihmanhsehlaw a kephau a hruaitu cu
Bawipa a si.
10 Pathian chimhmi biakhiahnak cu
siangpahrang hmur ah cun a um,
biaceih tikah a kaa nih sualnak
a tuah lo.
11 A dikmi tahnak le khing hna cu
Bawipa duhmi an si,
zal chung i a ummi
cuaithlainak lung vialte hna zong
amah nih a tuahmi an si.
12 Siangpahrang caah cun òhat lonak
tuah hi fihnung a si,
zeicahtiah bawi òhutdan cu
dinnak in fehter a si.
13 Bia hmaan chim cu siangpahrang
lawmhmi a si,
cun biatak a chimmi cu a dawt hna.
14 Mifim nih cun siangpahrang cu
a lung lawmhter aa zuam,
siangpahrang cu a thin a hun ahcun
pakhatkhat thah an si sual lai.
15 Siangpahrang hmai ceunak chungah
nunnak a um, cun
a zaangfahnak cu òhal ruah
a hun ratpitu khuadawm bantuk a si.
16 Fimnak ngeih hi sui nakin
a òha deuh,
hngalhthiamnak ngeih hi
ngun nakin
thim deuh awk a si.
17 Miding hna nih cun òhat lonak
a hrialtu lam kha an zulh,
cucaah khuazei i na kal kha zoh tuah,
na nunnak an khamh khawh lai.
18 Porhlawtnak nih hin rawknak ah
mi a kalpi tawn i
uanthlarnak lungthin nih hin
tluknak ah a hruai tawn hna.
19 Misifak hna he toidornak lungthin in
um cu,
miporhlaw hna he hranchaw
i òhenh nakin a òha deuh.
20 An in cawnpiakmi kha òha tein
ruat law khuaawng na tong lai,
Bawipa kha i bochan law
na lung aa lawm lai.
21 A fim i nutling patling lungthin
a ngeimi cu,
thil a thleidang khomi ti a si i
a awka a thlum deuh paoh ah
mi a lem khawh chin hna.
22 Fimnak cu a ngeitu caah cun
nunnak cerhti a si,
sihmanhsehlaw mihrut cu
a hruhnak nih dantatnak a inter.
23 Mifim nih cun bia a chim hlanah
a ruah hmasa,
cucaah a chimmi cu hmual a ngei.
24 Biathlum cu khuaihliti bantuk a si,
nunnak caah a thlum i
pum caah damnak a si.
25 Na ruahnak i lam ding a si
na timi kha
thihnak lei kalpitu lam a si ko hnga. Ref 16.25: Phut 14.12
26 Rianòuantu cu a rawl duhnak nih khan
fak deuh in a òuanter,
zeicahtiah a rawlòamnak kha
daihter a duh.
27 Mizeiruaramlo nih, congoihnak kha
a vahpi,
a bia cu kanghtu mei bantuk a si.
28 Mi lungthin òhalo nih rem lonak kha
an karhter i
Midupdap nih hawikom òha kha
an òhen hna.
29 Zaang-ennak a hmangmi nih
a innpa kha a hlen i
A òhalo lam ah khan a kalpi.
30 A mit curcudup in aa aumi cu
a lungthin chung i
dawtnak a ngei lomi a si,
a hmur aa iapmi nih cun thil òhalo
kha a tlunter tawn.
31 Òuakpar hi sunparnak bawiluchin
a si,
nun a dingmi nih an hmuh.
32 Thinhun leiah a khul a nuarmi cu
thazang a òhawngmi nakin
a òha deuh.
A lungthin aa uk khomi cu
khuapi a latu nakin a òha deuh.
33 Camcawhfung cu phei cungah
hrilh a si tawn,
sihmanhsehlaw biakhiahnak
taktak cu
Bawipa sin lawnglawng in a si.