PETER
Cakuat Pahnihnak
1
1 Jesuh Khrih lalang le lamkaltu keimah Simon Peter nih kan Pathian le kan khamhtu Jesuh Khrih dinnak ruangah a sunglawimi kan zumhnak he aa khatmi hna nan sinah ca kan kuat hna.
2 Pathian le Jesuh kan Bawipa nih vel le daihnak cu nan caah karhter chinchin ko seh.
3 A sunparnak le a òhatnak in a kan autu amah kan hngalhnak caah kan nunnak ca le Pathian òihzah awkah kan herhmi vialte kha a thiangmi a òhawnnak in a kan pek.
4 Cu thil hna cun a lianngan i a sunglawimi a biakam cu a kan pek i hornak ruangah vawlei i a ummi rawhralnak cun luat in a thiangmi a sining cu kan i hrawm kho cang.
5 Hi ruang theng te ah hin nan zumhnak in òhatnak, òhatnak in hngalhnak,
6 hngalhnak in i sum khawhnak, i sum khawhnak in Pathian òihzahnak,
7 Pathian òihzahnak in pakhat le pakhat i tlaihchannak, pakhat le pakhat i tlaihchannak in i dawtnak, dirhòhoh awk a phunkip in nan i zuam awk a si.
8 Zeitintiah cu thil hna cu nan ngeih i nan lakah a karh chinchin ahcun kan Bawipa Jesuh Khrih hngalhnak ah santlailo le theitlai lo sinak kha an hrialter hna lai.
9 Zeitintiah hi thil hna hin a chambaumi cu an hmuhnak a tawi i an mit a caw i an sualciami thianter a si hmanh kha philh an hmang.
10 Cucaah cun u le nau hna, auh le thim nan sinak kha fehter awkah nan lungtho chinchin u, zeitintiah cucu nan tuah ahcun nan tlu bal lai lo.
11 Cuticun kan Bawipa le kan khamhtu Jesuh Khrih pennak a hmunmi chung i luhnak cu kaupi in onhpiak nan si lai.
12 Cu a si caah hi thil hna hi nan hngalh ko cang i nan sinah a rami biadik ah khan nan fek ko cang nain in chimh chih lengmang hna kaa tim.
13 Hi pumsa in ka um chung paoh cu kan theihter òhan lengmang hna kha a hman ko tiah ka ruah;
14 Ka thih caan cu a phan dengmang ko cang ti ka hngalh, zeitintiah kan Bawipa Jesuh Khrih nih a ka chimh ko.
15 Hi thil hna hi kan kal tak hna hnuah zeitik caan paoh i nan hngalh òhan lengmang nakhnga a si khawh chungin kaa zuam lai.
(Mat 17:5; Mar 9:7; Luk 9:35)
16 Kan Bawipa Jesuh Khrih a ratnak le a huham nan sin i kan phuan ah khan fim ngaiin phanchommi tuanbia kan zulh si loin, a lianhngannak kha mit hrimhrim in a hmutu kan si.
17 Zeitintiah Pathian le kan Pa sinin upatnak le sunparnak a rak hmuh ah khan a liannganmi sunparnak aw nih, “Hihi ka dawtmi ka fapa, ka dawt cikcek i a cungah ka lung a simi cu a si,” a rak ti.
18 Cu aw cu van in a rat ah khan tlang thiang ah amah he kan um lio a si i kanmah zong nih kan theih ve ko.
19 Cu a si caah profet chim chung bia kha fehter chinnak kan ngei. Cu ni cu a phanh i nan lungthin chungah deirel arfi bantukin a ceu hlan paoh cu muihnak i meiinn a ceu bantukin cucu nan ngeih peng ah a òha lai.
20 A hmasa bik ah nan hngalh awk cu hihi a si, profet chim chungmi Cathiang zeihmanh hi mah lawng ruahnak i fianter ding a si lo.
21 Zeitintiah profet chimchung bia zeihmanh minung ruahnak in a rami a si lo, Pathian nih Thiang Thlarau in bia a chim i a cawlcanghtermi nu le pa hna sin tu in a chuahmi a si.