4
Cu a si caah Khrih nih taksa in a temhin bantukin cu bantuk ruahnak hriam cu i thuam ko u, zeitintiah taksa in a temmi paoh cu sualnak cun aa ngol cang. Cucu nan nun chung vialte minung pumsa duhnak in nung loin Pathian duhnak tu in nan nun nakhnga caah a si. Jentail mi hna nih tuah an duhmi i thlahthlamnak, pumsa duhnak, zuritnak, zu hmun nuamhhnaihnak, luan lak din ei òinak le phunglam ngei lo siasal biaknak i hlan lio nan nunnak kha cu za ko cang seh. Atu cu kha bantuk ningcang lo khuasaknak i nan telpi ve hna lo kha an khuaruah a har i an in thangchiat hna. Mithi le minung biaceih awkah aa timciami Pathian sinah cun an sining cio cu an chim ve te ko lai. Cucaah cun mi thi hna sinah khan thawngòha cu chim a si, taksa in minung bantukin biaceih an si ko lai nain cucu thlarau in Pathian nunning in an nun nakhnga caah a si.
Zeizong vialte dongh caan cu a nai cang. Thlacam awkah fimhrin te le hriphrio tein um u. Zeidang nak hmanh in pakhat le pakhat nan i dawtnak kha thlah hlah u, zeitintiah dawtnak nih cun sualnak tampi a khuh dih ko. Pakhat le pakhat phunzai loin tlun inn i onh u. 10 Ahopaoh nih laksawng nan hmuh ciomi cu Pathian laksawng phun kip kengkawitu òha bantukin pakhat le pakhat caah hmang ko u. 11 Phungchimtu paoh nih Pathian phung a chimmi bantuk chim ko seh, midang caah rian a òuanmi paoh nih Pathian nih thazang a pekning in òuan ko seh, cucu zeipaoh ah Jesuh Khrih thawngin Pathian cu thangòhat a si nakhnga caah a si. Amah cungah sunparnak le pennak cu a zungzal in a zungzal tiang um ko seh. Amen.
12 Ka dawtle hna, hneksaknak fakpi nan cungah a tlungmi kha a si tawn lomi phun dangpi ah ruat in nan khuaruahhar hlah u. 13 Sihmanhsehlaw Khrih temhinnak aa hrawmmi nan si caah nan thanuam ko u law cu bantuk a sunparnak a langh tikah thanuam in i lawm ko u. 14 Khrih min ruangah cun sik nan si ahcun mithluachuak nan si, zeitintiah sunparnak thlarau le Pathian Thlarau nan cungah a um tinak a si. 15 Nan temhinnak cu lainawn ruang le fir ruang le a òha lomi tuah ruang le hnahnawhnak chuahter ruangah si hlah seh. 16 Khrihfa si ruangah a temingmi ahohmanh a ningzak hlah seh, Khrih min in Pathian tu thangòhat ko seh. 17 Zeitintiah atu cu Pathian chungkhar hna in biaceihnak hramthawk caan a phan cang; kanmah cungin aa thawk a si ahcun Pathian thawngòha nawl a ngai lomi hna cu zeitindah an dihdongh lai? 18 Cun,
“Miding hmanh khamh an si set lo ahcun
Pathian hngal lo le misual hna tah zeidah an lawh te hnga?”
19 Cu a si caah Pathian duhnak in a temingmi hna nih cun dinnak tuah hna seh law, zumhtlak a simi Sertu sinah an thlarau cu chia ko hna seh.