2
(Slm 118:22; Isa 28:16)
1 Cu a si caah ziarngeihnak, hlenthawinak, perpetnak, nahchuahnak le mi thangchiatnak vialte hna cu ngol cang u.
2 Bawhte bantukin thlarau hnuk thiang cu duh u law khamhnak tiangin nan òhang kho lai;
3 Zeitintiah Bawipa zaangfahnak cu nan teh cang.
4 Minung nih an hlaw nain Pathian mit ah a sung tiah a thimmi a nungmi lung, amah sinah cun ra u.
5 Nannih zong a nungmi lung bantukin thlarau inn ah sak si ve u. Cuticun Jesuh Khrih thawngin Pathian cohlan tlak, thlarau thawinak pechantu tlangbawi thiang nan si kho lai.
6 Zeitintiah Cathiang ah hitihin a um:
“Zohhmanh u, Zion ah lung ka chiah lai,
thimmi le a sungmi tukki lung a zummi paoh cu mualpho an si lai lo,”
7 Cu a si caah nannih a zummi hna caah cun amah cu a sunglawi ko, sihmanhsehlaw a zum lomi hna caah cun
“Inn satu nih an hlawtmi lung theng te kha
tukki lung ah aa cang,”
8 Cun,
“Mi caah chuihpah sual awk lung,
An tluknak ding lungpi a si,”
Bia kha a nawl an ngaih lo caah an tlu; cu bantuk um ding cun khaukhih an si.
9 Sihmanhsehlaw nannih cu thimmi miphun, siangpahrang tlangbawi, phun thiang, amah Pathian mi nan si i muihnak in hi tluk khuaruahhar ceu ah an autu hna nih a rianòuannak khuaruahhar a phuangtu ah thim nan si.
10 A hlan ah cun minung nan si lo, atu tu cu Pathian mi nan si cang; a hlanah cun zaangfah nan si lo, asinain atu cu zaangfah nan si cang.
(Rom 13:1-5)
11 Ka dawtle hna, khual le mising nan si caah nan thlarau he aa domi taksa duhnak ah cun i sum ko u, tiah kan nawl hna.
12 Jentail hna sinah umot òha in khuasa u, zeitintiah palhnak tuahtu in an in sawi hna zongah a òhami nan tuahnak an hmuhnak thawngin Pathian nih an veh hna tikah amah cu an thangòhat lai.
13 Bawipa ruangah minung nawlngeitu hna paoh cu an bia ngai hna u, a sang bikmi siangpahrang a si ah siseh,
14 a palhmi hna dantat awk le dinnak a tuahmi hna thangòhat awkah a thlahmi ram uk bawi an si zongah siseh, an nawl nan ngaih awk a si.
15 Zeitintiah dinnak tuahnak in mihrut hna hruhnak nan daihter cu Pathian duhnak a si.
16 A luatmi bantukin um u, sihmanhsehlaw na luatnak cu òhat lo tuahnak sonhtarhnak ah hmang hlah, Pathian lalang bantuk tu in nung u.
17 Mi vialte upat hna law unau hna cu daw dih ko hna, Pathian cu òihzah ko. Siangpahrang cu upat ko.
(Isa 53:9-7)
18 Miòhi lalang hna, zaangfah thiam le a nun a nemmi lawng si loin a puarhrangmi nan bawile zong upat in an nawl ngai ko hna u.
19 Pathian ruah ruangah a in hnga lomi a in ahcun lawmh a tong lai.
20 Zeitintiah nan palh ruangah lungsau tein tukvelh nan in cu zei òhathnemnak dah a um? Sihmanhsehlaw òhatnak nan tuah ruangah lungsau tein temhnak nan in ahcun Pathian nih an lawmh hna lai.
21 Cucaah cun auh nan si, zeicahtiah Khrih zong nih nan caah a in i amah keneh nan zulh awkah zohchunh awk an chiah tak hna.
22 Sualnak zeihmanh a tuah lo, a ka in hlennak zeihmanh a chuak bal lo.
23 Sikòhiat a si zongah a let hna lo, temhnak a in zongah ahohmanh a tlerh hna lo i ding tein bia a ceihtu Pathian cung tu ah aa hngat deuh.
24 Kan sualnak cu a taksa in thing cungah amah theng nih a phorh, cucu sualnak ah a thisen in dinnak ah kan nun khawh nakhnga caah a si. A hmape in nannih cu damter nan si.
25 Zeitintiah nannih cu tuu bantukin nan rak tlau, sihmanhsehlaw atu ah cun nan tuukhal le nan nunnak kilvengtu sinah nan kir cang.