PETER
Cakuat Pakhatnak
1
Jesuh Khrih lamkal, keimah Peter nih Pontas, Galasia, Kappadosia, Asia le Bithinia ah òhekdarh in a tangmi, Pathian kan Pa nih thim in a khaukhih i Jesuh Khrih nawlngaih awkah Thlarau nih thian a cheh i a thi a thehmi hna nan sinah ca kan kuat hna.
Vel le daihnak cu chap chinchin si ko u.
Kan Bawipa Jesuh Khrih a Pathian le a Pa cu thangòhat si ko seh! Thihnak in a thoòhanmi Jesuh Khrih thawngin a nungmi ruahchannak ah a liannganmi a zaangfahnak ruangah a thar in hrin kan si, a rawk kho lomi, thurhnawmh lomi ro cu van ah chiahpiak nan si. A donghnak ah nan zumh ruangah phuan te dingin timhciami khamhnak cu Pathian huham in amah nih an kilvenpiak hna. Atu caan tlawmte chung cu hneksaknak phun kip nan ing ko nain cu ah cun nan tha a nuam ko. A loral khomi sui hmanh kha mei in hneksak a si i cu nakin a sung deuhmi nan zumhnak taktak a si le si lo cu thangòhat, sunpar le upat tlak a si le si lo nih Jesuh Khrih phuan a si tikah a fianter te lai. Amah cu nan hmu lo nain nan dawt, atu ah nan hmu lo nain nan zumh i chim khawh loin nan i lawm. Nan zumhnak theitlai caah thlarau khamhnak cu nan hmuh.
10 Nanmah ta a si hngami velngeihnak a chimchungtu profet hna nih hi khamhnak kong hi an kawl i an dothlat. 11 An chungah a ummi Khrih Thlarau nih cun Khrih cu a temhin hnuah sunparter a si lainak a chim chungmi in ahodah a si i zeitik ah dah a si lai ti kha an rak dothlat. 12 Anmah caah si loin nanmah caah rian an òuan ti kha hngalhter an si. Van in run thlahmi Thiang Thlarau bawmhnak in nan sinah thawngòha a phuangmi hna cu an in chimmi hna thil cu vanmi hna hmanh nih zoh an rak duhmi a si.
13 Cu a si caah nan lung timhcia in hriphrio ko u. Jesuh phuan a si tikah a ra laimi velngeihnak cungah cun nan ruahchannak cu bunh ko u. 14 Nawlngaimi fale nan si bantukin nan rak hngalh lo lio i nan pumsa duhnak ah khan i phum ti hlah u. 15 An autu hna cu a thian bantukin nannih zong nan tuahnak paoh ah thiang tein um u. 16 “Keimah zong ka thian caah nannih zong thiang ko u,” tiah rak òial a si. 17 Nan Pa ah nan i ngeihmi cu thleidannak ngei loin a mi kip kha an tuahning paoh in bia a ceihtu a si caah nan um chung paoh kha amah òih buin khuasa ko u. 18 Nan pupa rohmi pakpalawng nun lam khan a rawk khomi sui le ngun in si loin 19 dotla le soisel um lomi tuufa bantuk Khrih thisen sung in tlanh nan si kha nan hngalh. 20 Amah cu vawlei hramthawk hlanin khaukhih cia sihmanhsehlaw nanmah zawnruah ah caan dongh tik lawngah langhter a si. 21 Nan zumhnak le nan ruahchannak cu Pathian ah a si nakhnga thihnak in a thawhter i a sunlawitertu Pathian cu amah thawngin nan zumh cang.
22 U le nau hna, dawt taktak awkin biadik nawlngaihnak ah nan nunnak in thian nan i cheh cang caah nan lung chung taktak in pakhat le pakhat i daw u. 23 A rawk khomi ci si loin a rawk kho lomi Pathian bianung le a hmunmi thawngin a thar in hrin nan si cang; zeitintiah,
24 “Thisa vialte cu ram bantuk an si;
A sunparnak vialte zong ram par bantuk an si,
Ram cu a uai i a par zong a òil,
25 Sihmanhsehlaw Bawipa bia cu a hmun zungzal,”
Cu bia cu nan sinah chimmi thawngòha kha a si.