32
Jordan Nichuahlei Cotu Miphun Hna
(Deu 3.12-22)
Reuben fapa hna le Gad fapa hna cu saòil tampi an ngei. Jazer ram le Gilead ram cu an hmuh i zohhmanh, cu hmun cu saòil ram a si. Cucaah Gad fapa hna le Reuben fapa hna cu Moses le tlangbawi Eleazar le mibu hruaitu hna sinah khan an ra i, “Ataroth, Dibon, Jazer, Nimrah, Heshbon, Elealeh, Sebam, Nebo, le Beon, Bawipa nih Israel mibu hmaiah a teimi ram hi, saòil ram a si, cun na salle hna nih hin saòil kan ngei,” tiah an ti. Cun annih nih, “Nangmah hmaiah mithmai òha kan hmuh a si ahcun, hi ram hi na sal hna cu kan coter tuah; Jordan tiva ral ah cun kan kalpi hlah,” tiah an ti.
Sihmanhsehlaw Moses nih Gad fapa hna le Reuben fapa hna sinah cun, “Nan unau hna cu ral an doh lioah nanmah nih hika ah hin nan òhu ko lai maw? Bawipa nih a pekmi hna ram chung i vung luh awk kha zeicaahdah Israel mi cu an lung nan donghter hna lai? Hi bantuk òhiamòhiam hin nan pale nih khan an rak tuah, ram va zoh awkah Kadesh-barnea in ka thlah tik hna ah khan. Ref 32.8-9: Nam 13.17-33 Zeitintiah Eshkol Nelrawn ah an hung kal i ram kha an hmuh tikah Israel mi hna cu Bawipa nih a pekmi hna ram chung i luh awk kha an lung an donghter hna. 10 Cun cu ni ah cun Bawipa thinhunnak cu a alh i chiatser in, Ref 32.10-13: Nam 14.26-35 11 ‘Izipt ram in a chuakmi, kum kul in a cunglei paohpaoh nih, an ka zulh taktak lo caah, Abraham, Isak, le Jakob sinah pek awk i chiat ka sermi ram cu an hmu hrimhrim lai lo; 12 Keniz phun Jefunneh fapa Kaleb le Nun fapa Joshua lawnglawng nih, Bawipa kha an zulh taktak caah an hmuh lai,’ tiah a ti. 13 Cun Bawipa thinhunnak cu Israel cungah a alh i ramlak ah khan kum 40 a vaihter hna, Bawipa hmai i òhat lonak a tuahmi chan an thih dih hlantiang. 14 Cun, zohhmanh, Israel cungah Bawipa thinhunnak òihnung cu karhter chinchin awkah, nannih misual bu, nan pale can ah atu nan tho! 15 Nannih Reuben mi hna le Gad mi hna nih Bawipa kha zul loin nan pial ahcun, ramlak ah hi mi hna hi a kaltak òhan ko hna lai i hi mi vialte hi nan hrawh ko hna lai pei,” tiah a ti hna.
16 Cun an ra naih i, “Hika ah hin kan tuurun hna caah tuukawm le kan ngakchia hna caah khua kan ser hna lai, 17 sihmanhsehlaw Israel mi hna hmaiah kal awk i tim in an umnak hmun kan phakpi hna hlantiang hriamnam kan tlai lai; cun hi ram mi hna ruangah hin kan fale hna cu ralhruang ngeimi khua ah cun an um lai. 18 Israel mi nih an ro cio an co hlantiang kan inn ah kan kir lai lo. 19 Cun Jordan khattelei ral le a pin khi cu kan copi hna lai lo, zeicahtiah kannih kan ro cu Jordan tiva hi lei kam nichuahlei ah hin a si cang,” tiah an ti. 20 Cucaah Moses nih annih cu, “Hi bangin nan tuah i raldoh awkah Bawipa hmai i kal awkah hriamnam nan tlaih i 21 nanmah lakah hriamnam tlaimi paohpaoh nih Bawipa mithmuh ah Jordan nan tan i Bawipa nih amah hmai in a ral kha a dawi hna i 22 a hmaiah ram cu tei a si hlantiang nan doh ahcun, cu hnuah cun nan kir lai i Bawipa sin le Israel sinah leiba zeihmanh nan ngei lai lo; cun hi ram cu Bawipa hmaiah nan vo a si lai. 23 Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u. 24 Nan ngakchia hna caah khua ser u law, nan tuu hna caah kawm kulh ko u; cun bia nan i kammi cu tuah ko u,” tiah a ti. 25 Cun Gad fapa hna le Reuben fapa hna nih Moses sinah cun, “Ka bawipa nawl pek bangin na salle nih kan tuah lai. 26 Kan ngakchia hna le kan nupi hna le kan tuurun hna le kan saòil vialte hna cu khika ah khin Gilead ram khua hna ah khin an rak um ko lai; 27 sihmanhsehlaw na salle hna, Bawipa hmai i raldoh awkah hriamnam a tlaimi vialte cu, ka bawipa nih a chim bangin kan lan ko lai,” tiah an ti.
28 Cucaah Moses nih anmah kong ah cun tlangbawi Eleazar le Nun fapa Joshua le Israel miphun hna chung i hrin hna an lu cio cu nawl a pek hna. Ref 32.28-32: Jos 1.12-15 29 Cun Moses nih annih sinah, “Gad fapa hna le Reuben fapa hna, Bawipa hmai i raldoh awkah hriamnam a tlaimi vialte cu, nanmah le Jordan kha an tan i nannih hmaiah ram cu tei a si ahcun, Gilead ram cu annih kha covo ah nan pek hna lai; 30 sihmanhsehlaw annih nih hriamnam tlaih in nannih he an lanh lo ahcun Kanaan ram chungah nanmah lakah covo an ngei ve lai,” tiah a ti. 31 Cun Gad fapa hna le Reuben fapa hna nih an leh i, “Na sal hna sinah Bawipa nih a chim bangin kan tuah lai. 32  Bawipa hmaiah hriamnam put in Kanaan ram chungah kan lan lai i kan co hngami ram cu Jordan tiva ral ah hin a si ko lai,” tiah an ti.
33 Cun Moses nih annih Gad fapa hna le Reuben fapa hna le Josef fapa Manasseh phun a cheu cu Amor mi Siangpahrang Sihon ram le Bashan Siangpahrang Og ram, cu ram le a khuapi hna le an pawngkam ram le cu ram chung i a ummi khua vialte he, a pek hna. 34 Cun Gad fapa hna nih cun Dibon, Ataroth, Aroer, 35 Atroth-shofan, Jazer, Jogbehah, 36 Beth-nimrah le Beth-haran, ralhau ngeimi khua hna le tuukawm cu an ser hna. 37 Cun Reuben fapa hna nih Heshbon, Elealeh, Kiriathaim, 38 Nebo le Baal-meon (an min cu thlen a si cang) le Sibmah an ser hna; khua an sermi hna cu min dang an bunh hna. 39 Cun Manasseh fapa Makhir i fapa hna cu Gilead ah an kal i an lak i a chungah a ummi Amor mi kha an pawnchuah hna. 40 Cun Moses nih Gilead cu Manasseh fapa Makhir kha a pek i cuka ah cun a um. 41 Cun Manasseh fapa Jair nih a kal i an khuate cu a lak hna i Havvoth-jair tiah min a sak hna. 42 Cun Nobah nih a kal i Kenath le a khuate kha a lak hna i amah min chuankhan in Nobah tiah min a sak.