1 Moses nih Israel mi hna i an phun hna lu hna sinah cun, “Mah hihi Bawipa nawl pekmi cu a si. 2 Mipa pakhatkhat nih Bawipa sinah biakamnak a tuah ah maw, biakamnak in amah le amah cu i òem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai. Ref 30.2: Deu 23.21-23; Mat 5.33 3 Asiloah, minu pakhatkhat nih a ngaknut lio a pa inn i a um lioah biakamnak in amah le amah cu i òem awkah biakamnak a tuah tikah, 4 a pa nih a biakamnak le a biahrennak amah le amah aa òemnak cu a theih i zeihmanh amah sinah a chim lo ahcun, a biakamnak vialte cu a dir lai i amah le amah aa òemnak biahrennak vialte zong a dir ve lai. 5 Sihmanhsehlaw, a pa nih a theih ni ah a hnatlak lonak kha a langhter ahcun, a biakamnak kha siseh, aa òemnak bia kha siseh, zeihmanh a dir lai lo i a pa nih a al caah Bawipa nih a ngaihthiam lai. 6 Cun a biakamnak tangah a um lioah siseh, ruah set loin a hmur nih a chimmi in amah le amah aa òem lioah siseh, va a ngeih ahcun, 7 cun a va nih a theih i a theih ni ah amah sinah zeihmanh a chim lo ahcun, a biakamnak cu a dir lai i amah le amah aa òemnak biahrennak zong kha a dir lai. 8 Sihmanhsehlaw a va nih a theih ni ah a hnatlak lonak kha a langhter ahcun, a cungah a ummi biakamnak le ruah set loin a hmur nih a chimmi in aa òemnak kha a hrawh lai i Bawipa nih a ngaihthiam lai. 9 Sihmanhsehlaw nuhmei maw makmi maw a si ahcun, bia aa kamnak nih siseh, amah le amah aa òemnak nih siseh, a nenh ko lai. 10 Cun a va inn ah bia aa kam ah siseh, chiatser in amah le amah aa òem ah siseh, 11 a va nih a theih i a sinah zeihmanh a chim lo i a al lo ahcun, a biakamnak vialte cu a dir lai i aa òemnak bia vialte zong a dir lai. 12 Sihmanhsehlaw a va nih a theih ni ah a hrawh hna ahcun, a biakamnak kong ah a hmur in a chuakmi zeipaoh siseh, amah le amah aa hrennak bia siseh, a dir lai lo; a va nih a hrawh hna i Bawipa nih a ngaihthiam lai. 13 Amah le amah i temhinter awkah biakamnak le chiatsernak a tuahmi paohpaoh cu a va nih a fehter khawh lai i a va nih a hrawh zong a hrawh khawh lai. 14 Sihmanhsehlaw ni khat hnu ni khat a va nih zeihmanh a chim hlei lo ahcun, a cung i a ummi a biakamnak vialte siseh, a biahrennak vialte siseh a fehter a si; a theih ni ah amah sinah zeihmanh a chim lo caah a fehter hna a si. 15 Sihmanhsehlaw a theih hnuah a hrawh hna ahcun a nupi òhat lonak kha amah nih a in lai,” tiah a ti.

16 Mah hihi mipa le a nupi karlak kongah siseh, pa le a fanu a ngaknut lio i a pa inn ah a um lio i an karlak kongah siseh, Bawipa nih Moses nawl a pekmi nawlbia cu an si.