3
Levi Mi Zeizat An Si le An Rian
1 Bawipa nih Sinai Tlang ah Moses kha a chawnh tikah, mah hna hi Aaron
le Moses tefa cu an si.
2 Mah hna hi Aaron fapa hna min cu an si: a upa bik ah Nadab, cun Abihu le Eleazar, cun Ithamar;
Ref 3.2: Nam 26.60
3 mah hihi Aaron fapa hna min cu an si, chiti thuhmi tlangbawi, tlangbawi rian òuan awkah a thleidanmi hna cu.
4 Sihmanhsehlaw Nadab le Abihu cu, Sinai ram lakah Bawipa
hmaiah a thiang lomi mei an pekchanh tikah khan an thi, fa
an ngei lo. Cu caah Eleazar le Ithamar nih an pa Aaron a nun lio
khan tlangbawi rian cu an òuan.
Ref 3.4: Lev 10.1-2; Nam 26.61
5 Cun Bawipa
nih Moses cu a chawnh i,
6 “Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.
7 Puan biaknak inn ah rian an òuanpah in amah ca le aa pummi dihlak caah tonnak thlam hmaiah rian an òuan lai;
8 tonnak thlam thilthuam vialte cu an zohkhenh lai i puan biakinn ah rian an òuanpah in Israel mi caah rian an òuan lai.
9 Cun Levi mi hna cu Aaron le a fapa hna kha na pek hna lai; annih cu Israel mi chung in amah sinah an ning piin pekmi an si.
10 Cun Aaron le a fapa hna cu rian na pek hna lai i an tlangbawi rian cu an òuan lai; sihmanhsehlaw midang ahohmanh nih
a ra naih ahcun, amah cu thah a si lai,” tiah a ti.
11 Cun Bawipa
nih Moses cu a chawnh i,
12 “Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak
cang hna. Levi mi cu keimah ta an si lai,
13 zeitintiah fater vialte cu keimah ta an si; Izipt ram chung i fater vialte ka thah hna ni ah khan Israel mi hna lak i fater
vialte cu, minung siseh, saram siseh, keimah ca hrimhrim ah ka
thianter hna; annih cu keimah ta an si lai: keimah cu
Bawipa
ka si,” tiah a ti.
Ref 3.13: Exo 13.2
Levi Mi Milu Relnak
14 Cun Bawipa
nih Moses cu Sinai ramlak ah a chawnh i,
15 “Levi fapa cu rel tuah hna, an phun ningin le an chung ningin; pa paohpaoh, thla khat ri in a cunglei na rel hna lai,”
tiah a ti.
16 Cucaah Moses nih, Bawipa
bia bangin, nawl pek a si bangin, a rel hna.
17 Mah hihi Levi fapa hna cu an min in an si: Gershon le Kohath le Merari.
18 Cun mah hihi Gershon fapa hna cu an chung cio ningin an si: Libni le Shimei.
19 Cun Kohath fapa hna cu an chung ning cio ah: Amram, Izhar, Hebron, le Uzziel.
20 Cun Merari fapa hna cu an chung cio ningin: Mahli le Mushi. Mah hna hi Levi chungkhar hna cu an si, an phun ning cio ah.
21 Gershon cu Libni chung le Shimei chung thlatu a si; mah hna hi Gershon chung hna cu an si.
22 Thla khat ri in a cunglei pa vialte relmi hna cu 7-500 an si.
23 Gershon chung hna cu puan biakinn hnu lei, nitlaklei ah khan riahhmun khuar awk an si lai;
24 Gershon mi hna phun an lu ah cun Lael fapa Eliasaf a si.
25 Cun Gershon fapa hna nih tonnak thlam chungah an zohkhenh awk hnga cu puan biakinn cu a si lai, a thlam he, a khuhnak he,
tonnak thlam innka zar,
26 tual kulhnak puanzar, tual innkazar puan biakinn le biakòheng velchum i a ummi cu le a hri hna; hi hna he aa tlaimi
rian vialte.
27 Kohath cu Amram chung le Izhar chung le Hebron chung le Uzziel chung thlatu a si; mah hna hi Kohath chung hna cu an si.
28 Thla khat ri in a cunglei pa vialte relmi hna, hmunthiang a zohkhenhtu ding hna cu, 8-600 an si.
29 Kohath fapa hna cu an chungchung in puan biakinn thlanglei kamah riahhmun an khuar awk a si lai,
30 Kohath mi hna a chungchung in a ummi an phun lu cu Uzziel fapa Elizafan a si.
31 Cun annih nih an zohkhenh awk hnga cu kuang le cabuai le meiinn tung le biakòheng hna le, tlangbawi nih an hmanmi
hmunthiang umkheng hna cu le puanzar an si lai; mah hna he aa
tlaimi rian vialte.
32 Cun tlangbawi Aaron fapa Eleazar cu Levi mi hna a hruitu hna lak i upa bik a si lai i, hmunthiang zohkhenh awk an rian a
simi hna a hruitu a si lai.
33 Merari cu Mahli chung le Mushi chung thlatu a si: mah hna hi Merari chung cu an si.
34 Thla khat ri in a cunglei pa vialte relmi hna cu 6-200 an si.
35 Merari chung hna an phun lu cu Abihail fapa Zuriel a si; annih cu puan biakinn a chaklei kamah riahhmun khuar awk an si.
36 Merari fapa hna zohkhenh awk caah ruahmi cu puan biaknak inn a tungtlang hna le, a fung hna le, a tung hna le, a hram hna
le hman awk a thilri vialte an si lai; mah hna he aa tlaimi rian
vialte.
37 Tual velchum i tung hna zong, an hram le an khenhteo le an hri hna he tiah.
38 Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le
a fapa hna an si lai, Israel mi hna ca i tuah awk a simi paoh,
hmunthiang chung i phunglam hna cu anmah rian a si lai; midang
ahohmanh a ra naihmi paoh cu thah a si lai.
39 Bawipa nih nawl a pek hna bangin Moses le Aaron nih, a chungchung
in, thla khat ri in a cunglei pa paohpaoh an relmi, Levi mi
vialte hna cu 22-000 an si.
Fater Tlanhnak Kong
40 Cun Bawipa
nih Moses cu a chawnh i, “Israel mi hna an fater pa, thla khat
ri in a cunglei vialte cu rel hna, zeizat an si cu an min in na
lak lai.
41 Cun Levi mi cu keimah caah na lak hna lai § keimah cu Bawipa
ka si § Israel mi hna lak i fater vialte hna can ah na lak
hna lai, cun, Levi mi saòil hna cu Israel mi hna saòil hna lak i
later fa can ah na lak hna lai,” tiah a ti.
42 Cu caah Bawipa
nih nawl a pek bangin Moses nih Israel mi hna lak i fater
vialte cu a rel dih hna.
43 Fater pa vialte, an min zat ningin, thla khat in a cunglei relmi hna cu 22-273 an si.
44 Cun Bawipa
nih Moses cu a chawnh i,
45 “Levi mi hna cu Israel mi hna lak i fater vialte can ah la hna law, Levi mi saòil hna cu an saòil can ah la hna; cun
Levi mi cu keimah ta an si lai: keimah cu
Bawipa
ka si.
46 Cun Levi mi pa hna nakin, Israel mi hna fater an tam deuhnak 273 hna tlanhnak caah khan,
47 pakhat ah shekel panga lengmang na lak lai; hmunthiang shekel ning i rel in, shekel pakhat i gerah pakul a simi kha, na
lak hna lai;
48 cun a hlei a simi hna tlanhnak tangka cu Aaron le a fapa hna cu na pek hna lai,” tiah a ti.
49 Cucaah Levi mi nih an tlanhmi hna cung i a hlei a simi hna tlanhnak tangka cu Moses nih a lak;
50 Israel mi hna fater hna sin cun, hmunthiang shekel ning i rel in shekel 1-365 a lak;
51 cun Moses nih tlanhnak tangka cu, Bawipa
bia bangin,
Bawipa
nih nawl a pek bangin, Aaron le a fapa hna kha a pek hna.