26
A Voi Hnihnak Israel Milu Relnak
Rai a tlun hnuah Bawipa nih Moses le Aaron fapa tlangbawi Eleazar cu a chawnh hna i, Ref 26.1-51: Nam 1.1-46 “Israel mibu cu a ningpi in rel tuah u, kum kul ri in a cunglei an phunphun in, Israel mi chungah phawnam tlai kho vialte,” tiah a ti. Cun Moses le tlangbawi Eleazar nih Moab nelrawn Jordan tivakam Jeriko zawn ah khan an chimh hna i, Bawipa nih Moses nawl a pek bang khan, “Kum kul ri in a cunglei paoh mi kha rel hna u,” tiah an ti hna. Izipt ram in a chuakmi Israel mi cu mah hi an si:
Israel fater cu Reuben; Reuben fapa hna cu: Hanok, Hanok chung hna pa; Pallu, Pallu chung hna pa; Hezron, Hezron chung hna pa; Karmi, Karmi chung hna pa an si. Mah hihi Reuben mi chungkhar hna cu an si i an minung cu 43-730 an si. Pallu fapa hna cu: Eliab. Eliab fapa hna cu: Nemuel, Dathan le Abiram an si. Mah hna hi Dathan le Abiram, mibu chungin thimmi, Korah he i komh in Moses le Aaron a dohtu kha an si. Bawipa kha an doh tikah 10 vawlei nih khan a ka a an i Korah he khan hmunkhat ah a dolh hna i, mei i minung 250 a kangh hna tikah khan cu bu cu a thi; annih cu ralrinnak ah an cang. 11 Asinain, Korah fapa hna cu an thi lo.
12 Simeon fapa hna cu an chung ning cio in: Nemuel, Nemuel chung hna pa; Jamin, Jamin chung hna pa; Jakin, Jakin chung hna pa; 13 Zerah, Zerah chung hna pa; Shaul, Shaul chung hna pa an si. 14 Mah hna hi Simeon mi chungkhar hna cu an si, 22-200.
15 Gad fapa hna cu an chung ning cio in: Zefon, Zefon chung hna pa; Haggi, Haggi chung hna pa; Shuni, Shuni chung hna pa; 16 Ozni, Ozni chung hna pa; Eri, Eri chung hna pa; 17 Arod, Arod chung hna pa; Areli, Areli chung hna pa. 18 Mah hna hi Gad fapa hna chungkhar cu an si, an minung cu 40-500 an si.
19 Judah fapa cu Er le Onan an si i Er le Onan cu Kanaan ram ah an thi. 20 Cun Judah fapa hna cu an chung ning cio in: Shelah, Shelah chung hna pa; Perez, Perez chung hna pa; Zerah, Zerah, chung hna pa an si. 21 Cun Perez fapa hna cu: Hezron, Hezron chung hna pa; Hamul, Hamul chung hna pa an si. 22 Mah hna hi Judah mi chungkhar hna cu an si, an minung cu 76-500 an si.
23 Issakhar fapa hna cu an chung ning cio in: Tola, Tola chung hna pa; Puvah, Puvah chung hna pa; 24 Jashub, Jashub chung hna pa; Shimron, Shimron chung hna pa an si. 25 Mah hna hi Issakhar chungkhar hna an si, an minung cu 64-300.
26 Zebulun fapa hna cu an chung ning cio in: Sered, Sered chung hna pa; Elon, Elon chung hna pa; Jahleel, Jahleel chung hna pa an si. 27 Mah hna hi Zebulun chungkhar hna cu an si, an minung cu 60-500.
28 Josef fapa hna cu an chung ning cio in: Manasseh le Efraim an si. 29 Manasseh fapa hna cu: Makhir, Makhir chung hna pa; Makhir cu Gilead pa a si; Gilead cu, Gilead chung hna pa a si. 30 Mah hna hi Gilead fapa cu an si: Iezer, Iezer chung hna pa; Helek, Helek chung hna pa; 31 Asriel, Asriel chung hna pa; Shekhem, Shekhem chung hna pa; 32 Shemida, Shemida chung hna pa le Hefer, Hefer chung hna pa an si. 33 Cun Hefer fapa Zelofehad cu fapa a ngei lo, fanu lawng a ngeih hna: Zelofehad fanu hna an min cu Mahlah, Noah, Hoglah, Milkah le Tirzah an si. 34 Mah hna hi Manasseh chungkhar hna cu an si, an minung cu 52-700 an si.
35 Efraim fapa hna cu an chung ning cio in: Shuthelah, Shuthelah chung hna pa; Bekher, Bekher chung hna pa; Tahan, Tahan chung hna pa an si. 36 Cun Shuthelah fapa hna cu: Eran, Eran chung hna pa an si. 37 Mah hna hi Efraim fapa hna chungkhar hna cu an si, a minung 32-500 an si. Mah hna hi an chung ning cio in Josef fapa hna cu an si.
38 Benjamin fapa hna cu an chung ning cio in: Bela, Bela chung hna pa; Ashbel, Ashbel chung hna pa; Ahiram, Ahiram chung hna pa; 39 Shefufam, Shefufam chung hna pa; Hufam, Hufam chung hna pa an si. 40 Bela fapa hna cu Ard le Naaman an si: Ard cu Ard chung hna pa; Naaman cu Naaman chung hna pa. 41 Mah hna hi an chungkhar ning cio in Benjamin fapa hna cu an si, an minung cu 45-600 an si.
42 Dan fapa hna cu an chung ning cio in: Shuham, Shuham chung hna pa cu an si. Mah hna hi an chung ning cio in Dan chungkhar hna cu an si. 43 Shuham chungkhar vialte hna cu an minung 64-400 an si.
44 Asher fapa hna cu an chung ning cio in: Imnah, Imnah chung hna pa; Ishvi, Ishvi chung hna pa; Beriah, Beriah chung hna pa an si. 45 Beriah fapa hna cu: Heber, Heber chung hna pa; Malkhiel, Malkhiel chung hna pa an si. 46 Asher fanu min cu Serah a si. 47 Mah hna hi Asher fapa hna cu an chung ning cio in an si, an minung cu 53-400 an si.
48 Naftali fapa hna cu an chung ning cio in: Jahzeel, Jahzeel chung hna pa; Guni, Guni chung hna pa; 49 Jezer, Jezer chung hna pa; Shillem, Shillem chung hna pa an si. 50 Mah hna hi Naftali chungkhar hna cu an chung ning cio ah an si, an minung cu 45-400 an si.
51 Mah hihi Israel mi hna an minung cu an si, 601-730.
Ram Cu Camcawh Fung In Cheu Awk
52  Bawipa nih Moses cu a chawnh i, Ref 26.52-56: Nam 34.13; Jos 14.1-2 53 “Ram cu mah hna hi ro caah cheuh awk an si lai, an min relnak bangin. 54 Phun ngan deuh cu vo ngan deuh na pek lai i phun hme deuh cu vo hme deuh na pek lai; an phun dihlak in an minung rel ning cio ah an ro cu na pek hna lai. 55 Sihmanhsehlaw ram cu camcawh fung khiah in phawt a si lai; an pupa hna phun min ning cio ah an co lai. 56 An vo cu camcawh fung khiah ningin a ngan deuh siseh, a hme deuh siseh phawt an si lai.
Levi Miphun Kong
57 Mah hna hi an chung ning cio ah relmi Levi mi cu an si: Gershon, Gershon chung hna pa; Kohath, Kohath chung hna pa; Merari, Merari chung hna pa. 58 Mah hna hi Levi innchungkhar hna cu an si: Libni chung, Hebron chung, Mahli chung, Mushi chung, Korah chung, Kohath cu Amram pa a si. 59 Amram nupi min cu Levi fanu Jokhebed a si i Izipt ram ah Levi nih a hrinmi a si; cun Amram cu Aaron le Moses le an far Miriam a hrinpiak. 60 Cun Aaron nih Nadab, Abihu, Eleazar, le Ithamar a hrin hna. Ref 26.60: Nam 3.2 61 Sihmanhsehlaw Nadab le Abihu cu Bawipa hmai i mei thianglo an pekchanh tikah khan an thi. Ref 26.61: Lev 10.1-2; Nam 3.4 62 Cun annih lak i relmi, thla khat ri in a cunglei pa hna cu, 23-000 an si; annih cu Israel mi lakah rel an si lo, zeitintiah Israel mi lakah annih cu ro pek an si lo.
Joshua le Kaleb An Nung
63 Moab nelrawn, Jordan tiva kam, Jeriko zawn ah Israel mi cu a reltu hna, Moses le tlangbawi Eleazar nih an relmi hna cu mah hna hi an si. 64 Sihmanhsehlaw mah hna lak ah hin Sinai ramlak i Israel mi a rak reltu hna Moses le tlangbawi Aaron nih an rak relmi hna cu pakhat hmanh an i tel lo. 65 Zeitintiah annih cu Bawipa nih, “Ramlak ah an thi lai,” ti ah khan a rak ti. Jefunneh fapa Kaleb le Nun fapa Joshua dah ti lo cu annih lakah pakhat hmanh an taang lo. Ref 26.65: Nam 14.26-35