25
Israel Mi Nih Peor I Baal Kha An Biak
Israel nih Shittim ah an um lioah Moab fanu hna he khan hlawh an hlang òi. Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun. Cu bangin Peor i Baal he cun Israel mi cu an i khitbanh i, Bawipa thinhunnak cu Israel cungah a alh; Bawipa nih Moses cu a chawnh i, “An haotu vialte kha la hna law, Bawipa hmaiah nitlang ah thlai hna, Bawipa thinhunnak òihnung a simi cu Israel sinin aa mer nakhnga,” tiah a ti. Cun Moses nih Israel mi biaceihtu hna sinah cun, “Nan mi hna lakah Peor i Baal he aa khitbanh chihmi paoh cu nan thah hna lai,” tiah a ti.
Cun zohhmanh, Israel mi pakhat cu a ra i Midian minu pakhat cu a innchungkhar hna sinah aa luhpi; mah cucu Moses hmuh le Israel mibu an ningpi hmuh ah a si, tonnak thlam innka i an òah lioah khan. Cun tlangbawi Aaron fapa Eleazar i fapa Phinehas nih mah cucu a hmuh tikah a tho i aa pummi sin khan a chuak i a kut in fei aa put i, Israel mipa cu innchung chin dal pakhat ah khan a hei zulh i, an pahnih in a chunh hna, Israel mipa le cu minu cu, minu cu a paw ah. Cucaah Israel mi sinin rai cu kham khawh a si. Asinain cu rai in a thimi cu 24-000 an si.
10 Cun Bawipa nih Moses cu, 11 “Tlangbawi Aaron fapa Eleazar i fapa Phinehas nih Israel mi sinin ka thinhunnak cu a mer cang, zeitintiah annih cu keimah nih ka òanh hna bangin a òanh ve hna, cucaah ka nahchuahnak nih Israel mi cu a that dih hna lo. 12 Cucaah hi bangin, ‘Zohhmanh, amah cu ka daihnak biakamnak ka pek; 13 mah cucu amah ca le a hnu i a tefa hna caah dong lo tlangbawi sinak biakamnak a si lai, zeicahtiah a Pathian kha a òanh i Israel mi caah remnak a ser,’ tiah va chim tuah,” tiah a ti.
14 Midian nu he thahmi Israel mipa min cu Salu fapa Zimri a si; amah cu Simeon phun chung hrin pakhat lu a si. 15 Cun thahmi Midian minu cu Zur fanu Kozbi a si; Zur cu Midian miphun chung hrin pakhat lu a si.
16 Cun Bawipa nih Moses cu, 17 “Midian mi hna cu awlokchonh hna u law that hna u, 18 zeitintiah Peor ruang i rai a tlun ni i thahmi Midian bawi fanu, an far, Kozbi kong le Peor kong i an in hlen hnanak khan annih nih awlok an in chonh hna,” tiah a ti.