10
Ngun Muko
1 Bawipa nih Moses cu a chawnh i,
2 “Ngun muko pahnih in ser tuah; a den in denmi an si lai; mi zapi kawhnak le riahhmun in thawhter hnanak caah na hman lai.
3 Cun an pahnih in tum an si tikah mi zapi cu an dihlak in tonnak thlam innka ah khan nangmah sinah an i pum lai.
4 Sihmanhsehlaw pakhat lawng an tum ahcun, hruaitu hna, Israel phun i an lu hna kha nangmah sinah an i pum lai.
5 Ralrinnak na tum tikah nichuahlei kap i a ummi riahbuk hna cu an i thawh lai.
6 Cun ralrinnak a voi hnihnak na tum tikah thlanglei kap ah a ummi riahbuk hna cu an i thawh lai. An i thawh lai paoh ah
ralrinnak tum lengmang a si lai.
7 Sihmanhsehlaw mi zapi cu hmun khat i pumh awk an si tikah na tum lai, asinain ralrinnak cu na tum lai lo.
8 Cun Aaron fapa, tlangbawi hna nih khan muko cu an tum hna lai. Muko cu nannih caah nan tefa chin tiangin zungzal nawlbia
caah an si lai.
9 Cun nannih an hremtu hna nan ral he nan ram chung i nan i doh tikah muko cun ralrinnak nan tum lai,
Bawipa nan Pathian hmaiah hngalh nan si camcin i nan ral hna sinin khamh nan si nakhnga.
10 Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.
Sinai In Israel Mi An I Òhial
11 Kum hnihnak kum, thla hnihnak thla, cu thla a ni kul ni ah cun, minmei cu hngalhternak puan biakinn cung cun aa òhial i
12 Israel mi hna cu Sinai ramlak khan an i thawh i riahhmun riahhmun lengmang in an kal i, minmei cu Paran ramlak ah khan a dir.
13 Bawipa nih Moses sinin nawl a pekmi hna bangin an i thawh a hmasa bik a si.
14 Judah mi hna riahhmun hmelchunhnak cu aa thawh hmasa bik, an bubu in; cun an bu cung i a ummi cu Amminadab fapa Nahshon kha
a si.
15 Issakhar mi hna phun an bu cung i a ummi cu Zuar fapa Nethanel kha a si.
16 Cun Zebulun mi hna phun an bu cung i a ummi cu Helon fapa Eliab kha a si.
17 Cun puan biakinn cu an òheh tikah, puan biakinn a putu hna Gershon fapa hna le Merari fapa hna kha an i thawh.
18 Cun Reuben riahhmun hmelchunhnak kha an bubu in aa thawh i an bu cung i a ummi cu Shedeur fapa Elizur kha a si.
19 Cun Simeon mi hna phun an bu cung i a ummi cu Zurishaddai fapa Shelumiel kha a si.
20 Cun Gad mi hna phun an lu i a ummi cu Deuel fapa Eliasaf kha a si.
21 Cun Kohath mi cu an i thawh i thil thiang kha an zawnh i an phanh hlanah puan biakinn kha an rak dirter cang.
22 Cun Efraim mi hna riahhmun hmelchunhnak kha an bubu in aa thawh i an bu cung i a ummi cu Ammihud fapa Elishama kha a si.
23 Cun Manasseh mi hna phun an bu cung i a ummi cu Pedahzur fapa Gamaliel kha a si.
24 Cun Benjamin mi hna phun an bu cung i a ummi cu Gideoni fapa Abidan kha a si.
25 Cun Dan mi hna riahhmun hmelchunhnak cu an bubu in aa thawh, riahhmun vialte hnulei ralvengtu a si; an bu cung i a
ummi cu Ammishaddai fapa Ahiezer kha a si.
26 Cun Asher mi hna phun an bu cung i a ummi cu Okhran fapa Pagiel kha a si.
27 Cun Naftali mi hna phun an bu cung i a ummi cu Enan fapa Ahira kha a si.
28 Mah hihi Israel mi hna nih an i thawh tikah an bubu cio in an kalning cu a si.
29 Cun Moses pu Hobab, Midian miphun Reuel i a fapa sinah khan Moses nih, “ Bawipa nih, ‘Kan pek hna lai,’ a timi hmun i kal awkah kan i thawh;
kan sinah ra law, òhatnak kan in tuah lai; zeitintiah
Bawipa
nih Israel kha òhatnak a kamh,” tiah a ti.
30 Sihmanhsehlaw amah nih, “Ka kal lai lo; keimah ka ram le ka rualchan hna sinah ka kal lai,” tiah a ti.
31 Cun anih nih, “Kan kaltak sawh hlah, zeicahtiah ramlak ah zeitindah riahhmun kan khuar lai kha na hngalh i kannih caah mit
bantuk na si lai.
32 Cun kannih sin i na kal ahcun Bawipa nih kan cung i òhatnak a tuahmi paoh cu, mah cucu nangmah
cungah kan tuah ve lai,” tiah a ti.
33 Cu bangin Bawipa tlang in ni thum kal ah an kal i
Bawipa
biakamnak kuang kha annih ca i, i dinhnak hmun kawl awkah
annih hmaiah ni thum lamkal a rak kal chung.
34 Cun Bawipa minmei cu, an riahhmun in an i thawh fate chun ah annih
cungah a um.
35 Cun kuang cu aa thawh fate Moses nih, “Tho tuah, maw Bawipa,
na ral kha i òhek dih hna seh law nangmah an huatu hna cu
na hmaiah zaam hna seh,” tiah a ti.
Ref 10.35: Slm 68.1
36 Cun aa dinh tikah, “Ra kir tuah, maw Bawipa,
Israel mi a thong a sang hna sinah hin,” tiah a ti.