8
Ezra Nih Mizapi Phungbia A Relpiak Hna
1 Cun thla sarihnak thla a hung chuah, Israel mi hna cu an khua cio i khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.
2 Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.
3 Cun Ti Kutka hmai i a ummi tual lei hoih khan zingka tein chun tiang, a hngal kho dingmi pa le nu hna hmaiah cun phungbia chung cun a rel i phungbia cauk cu mi vialte nih cun òha tein an ngaih.
4 Cu bantuk biachimnak ca i an sermi thing donhhlei ah cun cazi Ezra cu a dir i a pawngah cun a orhlei kamah Mattithiah, Shema, Anaiah, Uriah, Hilkiah le Maaseiah; cun a kehlei kamah Pedaiah, Mishael, Malkhijah, Hashum, Hashbaddanah, Zekhariah le Meshullam an dir.
5 Cun Ezra nih cun cauk cu mi vialte hmuh ah khan a kau, amah cu mi vialte nak sang deuh ah khan a dir; a kau tikah khan mi vialte cu an dir.
6 Cun Ezra nih Bawipa a liannganmi Pathian cu a thangòhat i mi vialte nih khan an kut an hler i,
“Amen, Amen,” tiah an ti i an lu an khun i vawlei kha zoh in Bawipa kha an biak.
7 Cun mi zapi cu an umnak hmun i an um lio cio ah khan Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaiah, hna zong nih khan mi zapi cu phungbia kha an hngalh nakhnga an bawmh hna.
8 Cun Pathian phungbia cauk chung khan tliang tein an rel i a sullam kha an chimh hna caah mi zapi nih an relmi cu an hngalh.
9 Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a òah zong òap hlah u,” an ti hna.
10 Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.
11 Cucaah Levi mi hna nih khan mi vialte cu an daihter hna i, “Nihin cu ni thiang a si caah dai tein um u, nan ngaihchia hlah u,” tiah an ti hna.
12 Cun mi vialte nih khan an thanhmi hna bia cu a sullam an hngalh cang caah, ei le dinnak va tuah awkah le midang zong kha va hrawm hna awk le lunglawmhnak nganpi tuah awkah an kal dih.
13 A ni hnihnak ni ah cun mi vialte hna chung i chungkhar lak lu a si ciomi kha tlangbawi hna le Levi mi hna he tiah cazi Ezra sinah khan phungbia chung bia cu cawn awkah hmunkhat ah an ra.
14 Cun phungbia chungah cun Bawipa nih Moses sinin nawlbia a pekmi hna aa òialmi kha an hmuh. Cu chungah cun, Israel mi hna cu thla sarihnak thla puai chung i deu chungah an um awk a si i Ref 8.14-15: Lev 23.33-36, 39-43; Deu 16.13-15
15 an khua dihlak hna le Jerusalem khua ah khan thawng thanh awk an si i, ‘Tlang ah khin hung kal u law oliv nge hna le ramlak oliv nge hna le martal thing nge hna le tum nge hna le a hnah a òhami nge paoh kha deu saknak ding caah cun hung la hna u, cun deu cu cuticun nan sak hna lai, tiah aa òialning in sak awk an si lai,’ tiah ti awk an si kha aa òial.
16 Cucaah mi cu an va kal i an va lak hna i an inncung ah siseh, an tual ah siseh, Pathian inn tual ah siseh, Ti Kutka tual ah siseh, Efraim Kutka tual ah siseh, deu kha an i sak cio.
17 Sal chuak aa pummi vialte nih khan deu cu an i sak cio i deu chungah cun an um; cucu Nun fapa Joshua chan thawk in cu ni tiang, Israel mi nih an tuah bal lomi kha a si i lunglawmhnak a ngan ngaingaimi kha a um.
18 Cun nifate in, aa thawk ni in a dongh ni tiang, Pathian phungbia cauk chung khan a rel lengmang. Puai cu ni sarih an tuah i a ni riat ni ah an phunglam ning khan pumhnak thiang a um.