7
Jerusalem Uktu A Thiah Hna
1 Kulhnak vampang kha kan lim i innka kha ka bunh hna i kutka cawngtu hna le hlasatu hna le Levi mi hna kha ka thiah dih hna tikah,
2 ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a òih deuhmi a si.
3 Cun annih cu ka thawh hna i, “Jerusalem kutka hna cu ni a lum hlantiang cu hun si hna hlah seh; cun ralvennak hmun i an dir lioah cun innka cu khar hna seh law hrenh hna seh. Jerusalem khuami hna chung khan ralvengtu cu nan thiah hna lai, anmah le an cawnghnak hmun cio ah khan le anmah le an inn zawn cio ah khan an um lai,” tiah ka ti.
4 Khua cu a ngan i a kau ko, sihmanhsehlaw a chung i a ummi hna cu an tlawm i inn cu sak an si rih lo.
Saltang A Kirmi Hna Cazin
(Ezr 2.1-70)
5 Cun Pathian nih tuavon hna le bawi hna le mi zapi hna kha an chuahkehnak ningin minthlak awk i pumhter awkah ka lung chungah ruahnak a ka pek. Cun a hmasa bik ah a rami hna chuahkehnak cauk kha ka hmuh i cu chungah cun hitin aa òial kha ka hmuh:
6 Hi ram mi, Babilon siangpahrang Nebukhadnezzar nih sal taannak chungah a kalpimi hna lakin, saltannak chungin a chuakmi cu mah hna hi an si; annih cu Jerusalem khua le Judah ram ah khan a kirmi an si i anmah le an khua cio ah khan an kir.
7 Annih cu Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum, Baanah hna he khan a rami an si.
Israel mi hna cu hi zat hi an si:
8 Parosh tefa hna, 2-172.
9 Shefatiah tefa hna, 372.
10 Arah tefa hna, 652.
11 Pahath-moab tefa hna, Jeshua le Joab tefa hna cu 2-818.
12 Elam tefa hna, 1-254.
13 Zattu tefa hna, 845.
14 Zakkai tefa hna, 760.
15 Binnui tefa hna, 648.
16 Bebai tefa hna, 628.
17 Azgad tefa hna, 2-322.
18 Adonikam tefa hna, 667.
19 Bigvai tefa hna, 2-067.
20 Adin tefa hna, 655.
21 Ater tefa hna, Hezekiah tefa hna cu 98.
22 Hashum tefa hna, 328.
23 Bezai tefa hna 324.
24 Harif tefa hna, 112.
25 Gibeon tefa 95.
26 Bethlehem le Netofah khuami, 188.
27 Anathoth khuami hna, 128.
28 Beth-azmaveth khuami hna 42.
29 Kiriath-jearim, Khefirah le Beeroth khuami hna, 743.
30 Ramah le Geba khuami hna, 621.
31 Mikmash khuami hna, 122.
32 Bethel le Ai khuami 123.
33 Nebo dang khuami 52.
34 Elam dang tefa hna, 1-254.
35 Harim tefa hna 320.
36 Jeriko tefa hna 345.
37 Lod, Hadid le Ono tefa hna 721.
38 Senaah tefa hna 3-930.
39 Tlangbawi hna:
Jedaiah tefa Jeshua chung hna cu 973.
40 Immer tefa hna 1-052.
41 Pashhur tefa hna 1-247.
42 Harim tefa hna 1-017.
43 Levi mi hna:
Jeshua tefa Hodevah hrinthlak hna lak i Kadmiel tefa hna kha 74.
44 Hlasatu hna:
Asaf tefa hna 148.
45 Kutka cawngtu hna:
Shallum tefa hna, Ater tefa hna, Talmon tefa hna, Akkub tefa hna, Hatita tefa hna, Shobai tefa hna 138.
46 Biakinn rian òuantu hna:
Ziha tefa, Hasufa tefa, Tabbaoth tefa,
47 Keros tefa, Sia tefa, Padon tefa,
48 Lebanah tefa, Hagaba tefa, Shalmai tefa,
49 Hanan tefa, Giddel tefa, Gahar tefa,
50 Reaiah tefa, Rezin tefa, Nekoda tefa,
51 Gazzam tefa, Uzza tefa, Paseah tefa,
52 Besai tefa, Meunim tefa, Nefushesim tefa,
53 Bakbuk tefa, Hakufa tefa, Harhur tefa,
54 Bazlith tefa, Mehida tefa, Harsha tefa,
55 Barkos tefa, Sisera tefa, Temah tefa,
56 Neziah tefa, Hatifa tefa.
57 Solomon sinum hna i an tefa hna:
Sotai tefa, Sofereth tefa, Perida tefa,
58 Jaalah tefa, Darkon tefa, Giddel tefa,
59 Shefatiah tefa, Hattil tefa, Pokhereth-hazzebaim tefa, Amon tefa.
60 Biakinn rian òuantu hna le Solomon sinum hna i an tefa hna cu an dihlak in 392 an si.
61 A tanglei mi hna hi Tel-melah, Tel-harsha, Kherub; Addon le Immer in a rami, a hringsortu hna kha aho an si ti a chim kho lomi, Israel mi chungah kan i tel ve le tel ve lo ti a chim kho lomi an si:
62 Delaiah tefa hna, Tobiah tefa hna, Nekoda tefa hna, 642.
63 Tlangbawi hna zong; Hobaiah tefa hna, Hakkoz tefa hna, Barzillai tefa hna (Gilead mi Barzillai fanu hna chungin pakhat nupi ah a òhimi a min in auh a simi kha).
64 Hi hna nih hin chuahkehnak cazin chung i minthlakmi min lakah khan an min cu an kawl, sihmanhsehlaw an hmu kho lo, cucaah tlangbawi sinak chung khan a thianglo bantuk ah an chuah hna;
65 ram uktu bawi nih khan, tlangbawi pakhatkhat Urim le Thummim a zoh khomi an um hlan cu nannih nih a thiang bik rawl kha nan ei kho lai lo, tiah a ti hna. Ref 7.65: Exo 28.30; Deu 33.8
66 Aa pummi cu an dihlak in 42-360 an si,
67 cu lengah an salpa hna le an salnu hna kha an um rih i 7-337 an si; cun hlasatu nu he pa he 245 an ngei hna.
68 An rangtum hna cu 736, an khacer hna cu 245,
69 an kalauk hna cu 435, an laa cu 6-720 an si.
70 Innchungkhar lu a cheukhat hna nih rian òuannak caah cun an thawh, Ram uktu bawi nih zapi ca chawkhonnak ah cun sui darik 1-000, hmaihum 50, tlangbawi puan 530 a thawh.
71 Cun innchungkhar lu a cheukhat hna nih khan inn saknak ca tlang chaw caah sui darik 20-000 le ngun mina 2-200 an pek.
72 Cun midang zapi nih an thawhmi cu sui darik 20-000, ngun mina 2-000 le tlangbawi puan 67 an si.
73 Tlangbawi hna le Levi mi hna le zapi a tlawmpal hna cu Jerusalem le a pawngkam ah khan an um; kutka cawngtu hna le hlasatu hna le biakinn rian òuantu hna le Israel mi a dang vialte kha anmah le an khua cio ah an um. Ref 7.73: 1Cha 9.2; Neh 11.3