6
An Ral Hna Khuakhannak
1 Sanballat le Tobiah le Arab mi Geshem le kan ral hna nih khan kulhnak vampang cu ka remh dih cang i a pemnak a um ti lo ti kha an theih tikah, (cu caan tiangah cun kutka ah khan innkhar ka bunh rih hna lo nain),
2 Sanballat le Geshem nih cun ka sinah mi an hun thlah hna i, “Ra law Ono nelrawn i Hakkephirim khua ah kan i tong tuah lai,” an ti; sihmanhsehlaw hihi cu an i timhmi keimah cung i harnak tlunter an duhmi khuhnak ca i hlennak men a si.
3 Cun annih sinah cun lamkal ka hei thlah hna i, “Rian nganpi pakhat ka òuan lio a si i cucaah cun ka rung thiam lai lo. Nanmah sin i ka run chungah zeicahdah rian cu ngol a rak si hnga?” tiah ka leh hna.
4 Cun cu bantukin voi li bia an ka cah i cu bantukin voi li ka leh ve hna.
5 Cu bantuk òhiamòhiam cun a voi nganak ah Sanballat nih a sinum cu kau ciami ca pakhat he ka sinah a rak thlah.
6 A chungah cun hi bangin aa òial:
“Nangmah le Judah mi hna cu ral thawh nan i timh caah nannih nih kulhnak vampang cu nan remh hna, tiah miphun hna sinah a thang i Geshem zong nih a chim ve. Cun an chimning ah cun nangmah cu an siangpahrang si kha na duh.
7 Cun nangmah kong kha Jerusalem ah, ‘Judah ram chungah siangpahrang a um,’ tiin a chimtu ding profet kha na chiah fawn hna. Atu cu hi bia ningte hin siangpahrang cu theihter a si lai. Cucaah cun ra law khuaruat òi tuah u sih,” tiah a ti.
8 Khi tikah kei nih a sinah mi ka hei thlah ve hna i, “Na chim bantuk hin zeihmanh tuahmi a um lo, nangmah nih na ruahnak in na phuahchommi a si ko,” tiah ka ti.
9 Zeicahtiah annih nih an thin phang hna seh, ti kha an kan duh i, “Rianòuan kha an kut nih a ngol lai i rian cu ngol a si lai,” tiah an ruah. Sihmanhsehlaw maw Pathian, ka kut cu òhawnter ko hna.
10 Cun Mehetabel fapa Delaiah i fapa Shemaiah, inn i aa benh ko mipa inn ah cun ka va kal tikah, amah nih a rak ka thawh i, “Pathian inn, biakinn chungah cun i tong tuah u sih law biakinn innkhar cu khar hna u sih, zeicahtiah nangmah thah awkah an ra lai, zan ah nangmah thah awkah cun an ra lai,” tiah a ti.
11 Sihmanhsehlaw kei nih ka thawh i, “Keimah bantuk hi a zam ding maw ka si hnga? Keimah bantuk hi biakinn chungah lut in nun khawh a si hnga maw? Ka lut hrimhrim lai lo,” tiah ka ti.
12 Pathian nih amah cu a run thlah si lo tein, Tobiah le Sanballat nih a man an rak phalh ca i bia a rak ka chimhnawh a si kha ka hun hngalh i ka hun hmuh.
13 Ka thin a phan i hi bantukin ka tuah i ka sual i annih nih an ka thangchiat i an ka nihsawh nakhnga ding caah amah cu annih nih a man an rak phalh.
14 Maw ka Pathian, Tobiah le Sanballat hi an tuahmi thil ning te hin hngal camcin ko hna law profetnu Noadiah le a thinphang seh ti a ka duhmi profet dang vialte hna zong hi hngal camcin ko hna.
15 Cucaah kulhnak vampang cu Elul thla ni kul le ni nga ni ah, ni 52 chungah lim a si.
16 Cun kan ral vialte nih an theih tikah, kan pawngkam i a ummi miphun vialte hna cu an thin a phang i anmah le anmah an i zumhnak kha a òum ngaingai; zeicahtiah hi rian cu kan Pathian bawmhnak thawngin liim a si ti kha an hngalh.
17 Cuhleiah cu lioah cun Judah mi hna lak i tuavon pawl nih khan Tobiah cu ca tampi an kuat i Tobiah ca cu an sin a phan ve.
18 Amah cu Arah fapa Shekaniah i fanu va a si caah Judah mi tampi cu a sinah khan chiatser in an òang; cun a fapa Jehohanan nih khan Berekhiah fapa Meshullam i fanu cu nupi ah a òhit.
19 Cun thil òha a tuahmi zong kha an ka chimhnawh i ka bia cu amah sinah khan an lanhpi. Cun Tobiah nih keimah cu a thinphang seh tiin ca tampi a thlah.