4
Rianòuantu Hna Kha Ral An I Veng Pah
1 Sanballat nih vampang kan remh kha a theih tikah a thin a phawh i a thinhun in Judah mi hna cu nehsawh serhsat in a ti hna.
2 A unau hna le Samaria ralkapbu hna um hngan ah khan aa thawh i, “Hi Judah mi santlailo rual nih hin zei kan tuah an hei ti hnga dah? Thil kha an remh òhan hna lai maw? Raithawinak kha an tuah lai maw? Ni khat ah an lim hnga maw? Hnawmpon chung lung, khangh ciami lung hna kha an nunter òhan hna hnga maw?” tiah a ti.
3 Ammon mi Tobiah kha a pawngah cun a um i, “Asi, an sakmi cu § an sakmi lung vampang cu cenghngia hmanh nih hun kainak seh law a cim ko lai hen pei!” tiah a ti.
4 Maw kan Pathian, kannih cu an kan zawmhtaih caah hin kan thlacamnak cu rak kan theihpiak ko, an kan serhsatnak cu anmah lu cung lila ah kirter law saltannak ram chungah nihsawh awk mi ah canter ko hna.
5 Annih nih khua remhtu hna cu lang hngan in an thin an phawh hna caah an mawhnak cu khuhpiak hna hlah law an sualnak cu cazin chungin hlohpiak hna hlah.
6 Cuticun vampang cu a dihlak in a sanlei a canceo tiang cu aa tlai thliahmah in kan remh hna, hihi cu zeitindah a si khawh ti ah cun mi nih khan rian òuan duhnak lungthin an ngeih caah a si.
7 Sihmanhsehlaw Sanballat le Tobiah le Arab mi hna le Ammon mi hna le Ashdod mi hna nih, Jerusalem kulhnak vampang remhnak cu hma a kal i a kehkuainak hmun hna kha phih an si pah lengmang cang ti kha an theih tikah an thin a hung ngaingai;
8 cucaah Jerusalem kha doh awk le a chungah hnahnawhnak tuah awkah an dihlak in hmunkhat ah khua an khang.
9 Cun kannih nih kan Pathian sinah thla kan cam i annih sinin a kan vengtu dingah chunzan in ralveng pakhat kan chiah.
10 Sihmanhsehlaw Judah mi hna nih an i thawh i, “Rian òuantu hna kha an thazang a òum i hmunthur khuahnawm tam tuk a um rih fawn; kanmah lawngin vampang cu kan remh kho bal rua hna lai lo,” an ti.
11 Cun kan ral hna nih khan, “Zeihmanh an hngalh hlan le zeihmanh an hmuh manh hlanah, kan tlakphuat hna lai i kan thah hna lai i rian kha kan kham lai,” an ti.
12 Cun an sinah a ummi Judah mi hna cu khua chung i an rat tikah khan, voi hrate an kan chimh i, “An umnak hmun kip khan an ra lai i an kan doh ko lai,” tiah an ti.
13 Cucaah kulhnak vampang hnulei i a ummi hmunlawng a niamnak bik ah khan mi cu an innchungkhar ning cio in an nam le an fei le an li he tiah ka chiah hna.
14 Cun thil umtuning kha ka hei zoh i, tuavon hna le bawi hna le mi zapi a dangdang hna kha, “Annih cu òih hna hlah u. A lian a ngan i òih a nungmi Bawipa kha hngal camcin tuah u, cun nan unau hna le nan fapa hna le nan fanu hna le nan nupi hna le nan inn hna caah khan do hna u,” tiah ka ti hna.
15 Zeizong vialte kan theih dih kha kan ral hna nih an theih i Pathian nih an khuakhannak cu a hrawhpiak hna i kulhnak vampang ah cun kan kir i kan dihlak in kanmah le kan rian cio kha kan òuan òhan.
16 Cu ni thawk cun ka tang i rian a òuanmi hnarcheu lawng nih khan rian taktak cu an òuan i hnarcheu nih cun thir nga phaw angki kha i aih in an fei le an phaw le an li kha i tlaih in an dir; cun vampang remhnak rian a òuanmi Judah mi vialte kha bawi nih an zoh hna.
17 Thil phormi hna nih kut khat in an thil kha an i tlaih i kut khat in an hriamnam kha an i tlaih.
18 Inn satu hna nih an sakpah khan an tai ah an vainam kha an i thlaih cio. Cun muko tumtu kha ka pawngah an um.
19 Cun tuavon pawl le bawi hna le mi zapi a dang hna kha ka thawh hna i, “Hi rian hi rian ngan a si i hmun kaupi ah aa òhen dih i kannih zong kulhnak vampang cungah hin kan i òhek dih, pakhat le pakhat hla pipi ah kan um.
20 Cucaah muko tum thawng nan theihnak hmun paoh ah, khika ah kan sinah nan i pum tawn lai. Kan Pathian nih a kan dohpiak lai,” tiah ka ti.
21 Cuticun rian cu kan òuan i hnarcheu nih zinglei khuafing cah in arfi langh tiang fei kha an i tlaih.
22 Cun cu caan ah cun keimah nih mi zapi cu ka thawh hna i, “Kannih caah zan ah ralvengtu an si i chun ah rian òuantu an si nakhnga, ahohmanh nan salle cio he Jerusalem khua chungah ra riak cio u,” tiah ka ti fawn.
23 Cucaah keimah siseh, ka unau si hna seh, ka sinum si hna seh, ralvengtu a ka zultu si hna seh, ahohmanh thil kan i phoih lo, kan hriamnam kha kan i put i kan i tlaih cio dih.