8
(Mar 1:40-45; Luk 5:12-16)
1 Jesuh cu tlangcung in a rung òum tikah khan mi tampi nih an run zulh.
2 Asinain mithinghmui pakhat a ra i khukbil in, “Bawipa, na duh ahcun na ka thianter khawh,” a va ti.
3 Jesuh nih cun a hei banh i a tongh, “Ka duh ko, thiang ko,” tiah a ti. Chikkhatte ah a thinghmui zawtnak cun a thiang.
4 Jesuh nih, “Aho sin hmanh ah va chim hlah; tlangbawi sin tu ah va kal law va hmuhsak, na thian hngalhnak ah Moses nih tuah ding a timi thiancheh phung thawinak kha va tuah,” tiah a ti.
(Luk 7:1-10)
5 Kapernaum khua i a va kal ah khan ralbawi pakhat nih a rak ton i,
6 “Bawipa, ka inn i a ummi ka sinumpa a zeng i a zual ko,” tiah a ti.
7 Jesuh nih, “Ka ra lai i ka damter lai,” a ti.
8 Ralbawipa nih cun, “Bawipa, ka inn luh awkah an sawmtlak ka si lo. Na bia lawngin chim law ka miòhi cu a dam ko lai.
9 Kei zong nawlngeitu tang um ka si i ka kut tangah ralkap an um ve. ‘Kal’ ka timi cu a kal ko i ‘ra’ ka timi cu a ra ko. Ka sal zong ‘Hihi tuah’ ka timi cu a tuah ko,” tiah a leh.
10 Cucu Jesuh nih a theih tikah a khuaruah a har i a zulmi zapi sinah cun, “Israel mi hna lak hmanh ah hi pa zumhnak tluk hi ka hmu lo.
11 Bia ngaite kan chimh hna, nichuahlei le nitlaklei in mi tampi an chuak lai i vancung pennak rawldanghnak ah cun Abraham le Isak le Jakob le tiah an dum òi lai.
12 Pennak fale hna tu cu khualeng muihnak ah chuah an si lai i hacang rial in an òap lai,” tiah a ti hna.
13 Ralbawipa cu Jesuh nih a thawh i, “Va kal ko, na rak zumh bangin na cungah tlung ko seh,” tiah a ti. A sinumpa cu cu caan ah cun a rak dam.
(Mar 1:29-34; Luk 4:38-41)
14 Jesuh cu Peter inn i a vung luh ah khan Peter pi, a nupi nu, kha a zaw i a rak lum ko.
15 A kut kha a tongh i a tak a sami kha a dai i a dam. A tho i Jesuh kha a bultawl.
16 Zanlei sang ah khuachia tuahmi tampi an ratpi hna i a bia ka khat in khuachia kha a òhawl hna i mi zawfak tampi zong a damter hna.
17 Profet Isaiah nih, “Kan derthawmnak kha a kalpi i kan zawtnak kha a phorh,” a rak timi kha a tling.
(Luk 9:57-62)
18 A pawngkam i mi tampi a hmuh hna tikah a hnuzul hna kha Jordan khatlei i rak kalchung a fial hna.
19 Phung cawnpiaktu pakhat a sinah a ra i, “Cawnpiaktu, na kalnak paoh ah kan zulh lai,” tiah a ti.
20 Jesuh nih, “Cenghngia nih kua an ngei i vate nih bu an ngei, asinain Mi Fapa cu riahnak hmanh a ngei lo,” tiah a ti.
21 A hnuzul dang pakhat nih, “Bawipa va kalning law ka pa ruak kha va vui hmasa ning,” tiah a ti.
22 “Rak ka zul ko, mithi nih an mithi cu rak vui ko hna seh,” tiah Jesuh nih a leh.
(Mar 4:35-41; Luk 8:22-25)
23 Jesuh cu lawng chungah a lut i a hnuzul nih an zulh;
24 thlichia a hrang i an lawng cu tilet nih khan a khuhpah len ko; anih tu cu aa hngilh ko.
25 A hnuzul hna nih an va hlauh i, “Bawipa, kan khamh hen, kan thi dih cang lai hi,” an ti.
26 “Zumhnak tlawm hna, ziah nan òih?” a ti hna. A tho i thli le rili cu a hro hna i an daidup ko.
27 Mi hna cu an khuaruah a har i hi pa hi mi zei bantuk dah a si? Thli le rili hmanh nih a bia an ngaih,” an ti.
(Mar 5:1-20; Luk 8:26-39)
28 Ralkhat lei, Gadara ram a va phanh ah khan khuachia tuahmi pahnih thlan in an ra i an rak fuh, òih an nun tuk caah hika lam lei hin ahohmanh an kal ngam bal lo; an i thawh i,
29 “Pathian Fapa, zei ko dah na kan duhnak a um? A caan a phanh hlanah kanmah hrem awkah maw na rat?” tiah an au.
30 Cuka in lam hlapi ah khin vok run an tlong lulh ko.
31 Khuachia hna nih cun Jesuh cu, “Na kan chuah ding a si ahcun vok run chung tal ah khin kan luhter,” tiah an nawl.
32 Jesuh nih cun, “Kal u,” tiah a ti hna. An chuak i vok run chungah cun an lut. Vok cu an dihlakin chengpalang in an zuang i rili ah an tla i an thi dih.
33 Vok cawngtu hna zong cu khua chungah an va tli i thil umtuning le khuachia tuahmi hna cung i thil tlungmi kong cu an va chim.
34 An khuapi in Jesuh ton awkah an hung chuak i an hmuh cun an ram in chuahter awkah an nawl.