6
“Thil òha nan tuahmi kha mi hmuh awkin an hmaiah tuah lo ding i ralring u; cuti lo cun van i nan Pa sinin lawmhman laksawng nan hmu lai lo.
“Mihar nan bawmh tik hna ah, ziathiam hna nih pumhnak inn le zatlang lam i thangòhat co duh ah muko an tum bantukin va tuah hlah u. Biatak kan chimh hna, annih nih an hmuh hngami lawmhman cu an hmuh cang. 3-4 Mihar nan bawmh tik hna ah a thli in si ko seh law na orhlei kut nih a tuahmi cu na kehlei kut nih hngal hlah seh; cuticun a thli in a hmutu nan Pa nih lawmhman an pek hna lai.
Thlacamnak Kong
(Luk 11.2-4)
“Thla nan cam tikah ziathiam hna bantukin va cam hlah u; mi hmuh khawhnak, pumhnak inn le zatlang lam tonnak ah dir riangmang in thla an cam tawn. Biangaite kan chimh hna, an co hnga lawmhman cu an hmuh ko cang. Nannih cu thla nan cam tikah nan khan chungah lut in, mit hmuh lo nan Pa sinah cun thla va cam u; cuticun a thli thil a hmu khotu nan Pa nih cun an pek hna lai.
“Thla nan cam tikah Pathian bia lomi hna nih a herh lo bia tampi an chim bangin chim len hlah u, chim tam paoh theihpiak dingin an ruah. Cu hna bang cun va tuah hlah u; nan Pa nih cun nan hal hlan hmanh in nan herhmi cu a hngalh chung ko cang.
Cu a si caah hitihin thla cam u:
Vancung khua i a ummi kan Pa,
Na min upat si ko seh,
10 Na pennak rung tlung ko seh,
Vancung khua ah na duhnak an tuah bangin
Vawlei cungah tuah si ko seh.
11 Nifa kan herhmi rawl cu nihin zongah
kan pe ko sawh.
12 Kan cungah òhat lonak a tuahtu hna
kan ngaihthiam hna bangin
Kan òhat lonak kha kan ngaithiam ve ko.
13 Tukforhnak chungah kan hruai hin hlah law
Òhat lonak chungin kan khamh ko.
14 Nan cungah òhat lonak a tuahmi kha nan ngaihthiam hna ahcun vancung nan Pa zong nih an ngaihthiam ve hna lai. 15 Sihmanhsehlaw mi òhat lonak kha nan ngaihthiam hna lo ahcun vancung nan Pa zong nih an ngaithiam ve hna lai lo.
16 Rawl nan ulh tikah ziathiam hna bantukin uai òiamòuam in um hlah u, zeitintiah an rawl ulhmi kha mi nih kan hngal hna seh tiah hmaichia fiamfuam in an i umter. Biatakte kan chimh hna, an lawmhman cu an hmuh ko cang. 17-18 Sihmanhsehlaw nannih cu rawl nan ulh tikah mi nih an theihnak hnga lo nan lu ah sathau i thuh u law nan hmai kha i phiah u. Cuticun a thli in tuahmi thil a hmu khotu nan Pa nih lawmhman an pek hna lai.
(Luk 12:33-34)
19 “Rungrul le cirik nih an ei khawh i mifir nih an baoh an fir khawhnak vawlei ah hin nan chaw va khong hlah u. 20 Rungrul le cirik nih an ei khawh lonak le mifir nih an baoh an fir khawh lonak vancung khua tu ah va khong u. 21 Zeitintiah nan chaw umnak ah nan lung zong a um ve lai.
(Luk 11:34-36)
22 “Mit hi pum caah meiinn a si; na mit a fim ahcun na pum dihlak ceunak in a khat lai; 23 sihmanhsehlaw na mit a muih ahcun na pum dihlak muihnak in a khat lai. Cucaah na chung i ceunak cu a muih sual ahcun mui taktak na si ko lai.
(Luk 16:13; 12:22-31)
24 “Ahohmanh nih bawi pahnih an rian kho lo; pakhat kha a dawt deuh lai i pakhat kha a huat lai; pakhat caah zumh awktlak a si lai i pakhat cu zei ah a rel lai lo; Pathian le chawva cu an rian kemh khawh a si lo.
Nan Lungrethei Hlah U
25 “Hihi kan chimh hna, nan nunnak caah zeidah kan ei kan din lai i kan i fenh kan i aih lai, tiah va phang hlah u; eidin nakin nunnak a biapi deuh i hnipuan nakin takpum a biapi deuh lo maw? 26 Van i a zuangmi va khi zohhmanh u, thlaici an tuh bal lo i rawl zong an òuan bal lo. Buk zongah rawl an rawn bal lo; sihmanhsehlaw vancung nan Pa nih a cawmken ko hna; va nakin nannih cu nan sung deuh lo maw? 27 Lung retheihnak ruangah aho nih dah nan nunnak dong khat tal a pehsauh khawh? 28 Hnipuan caah zeidah nan lungre a theih? Ramlak lili pangpar khi zeitindah an òhan ti kha va ruat hmanh u; 29 rian an òuan lo i la zong an thlur fawn lo; sihmanhsehlaw kan chimh hna, Solomon hmanh kha a sunparnak thuam i aa fam tikah hi pangpar tluk hin aa dawh lo. Nihin ah a kho i thaizing ah a thi i mei ah an khanghmi ram hmanh kha, 30 Pathian nih cuti a thuamh ahcun, maw zumhnak tlawm hna, zeitluk in dah an thuamh deuh hna lai? 31 Cucaah cun zeidah kan ei kan din lai, kan i fenh kan i aih lai? tiah nan thin phang hlah u. 32 Cucu Jentail hna nih an kawlhawl tawnmi a si. Hi thil vialte nan herh hi nan Pa nih a hngalh ko. 33 Cucaah a pennak le a dinnak kha kawl hmasa u law, hi thil dang vialte zong hi pek dih nan si ko lai.
34 “Thaizing caah nan lung re va thei hlah u; thaizing ca cu thaizing nih i tuaitampi ve te ko seh. Ni khat lung retheihnak cu ni khat ca lawng si ko seh.