5
1 Jesuh nih mi runpi kha a hmuh hna tikah tlangcung ah a kai i a òhu.
2 Cun a hnuzul kha a sinah an ra. A ka a pau i a cawnpiak hna.
3 “Thlarau ah ka chambau ti aa hngalmi cu mithluachuak an si,
vancung pennak cu anmah ta a si.
4 “A òap a hrammi cu mithluachuak an si, hnemh an si lai.
5 “Lung a nemmi cu mithluachuak an si, vawlei ro an co lai.
6 “Dinnak kha rawlòam tihal bantukin a òamhalmi cu mithluachuak an si, an lungtum an khen lai.
7 “Zaangfah a hmangmi cu mithluachuak an si, zaangfahnak an hmuh lai.
8 “Lung a thiangmi cu mithluachuak an si, Pathian an hmuh lai.
9 “Remnak a tuahtu hna cu mithluachuak an si, Pathian fale ti an si lai.
10 “Dinnak ruangah hremnak a ingmi hna cu mithluachuak an si, vancung pennak cu anmah ta a si.
11 “Keimah ruangah serhsatnak le hremnak nan in i lih a phunphun an in puh hna tikah mithluachuak nan si, i lawm u law nan tha nuam ko u, zeicahtiah vancung ah lawmhman tampi chiahpiak nan si.
12 Cu bantuk cun nan hlan i profet hna zong an rak hrem tawn hna.
(Mar 9:50; Luk 14:34-35)
13 “Nannih cu vawlei cite nan si; sihmanhsehlaw cite nih a alnak a ziamh ahcun zeitindah alter òhan khawh a si ti lai? Hlonh i mi lamhchih awk men dah ti lo ahcun zei ca hmanh ah san a tlai ti lo.
14 “Nannih cu vawlei ceunak nan si. Tlang cungah tlakmi khua cu thuh khawh a si lo.
15 Mi nih meiinn an van tikah ahohmanh nih reel an khuh bal lo; mei vannak ah khan an chiah tawn i innchung i a ummi vialte kha a ceuh tawn hna.
16 Nan ceunak cu mi hmuh awkin ceuter ko u law thil òha nan tuahmi kha an hmuh lai i vancung i a ummi nan Pa kha an thangòhat lai.
17 “Phung le profet hna cawnpiaknak hrawh awkah a ra, tiah ka ruat hlah u. Hrawh awkah si loin, tlinter awk tu ah ka ra.
18 Biatak tein kan chimh hna, van le vawlei a rawh hlan le zeizong vialte tlinter dih a si hlan cu phungbia chung i a rin le a deh hmete hmanh khi a rawk lai lo, ti hi philh hlah u.
19 Cucaah cun ahohmanh nih nawlbia chung i a hme bik te hmanh hi a buar i cu bantukin mi zong a cawnpiaktu cu vancung pennak ah a nauta bik ti a si lai. Sihmanhsehlaw phungbia kha a zul i mi a cawnpiaktu cu vancung pennak ah mi ngan ti a si lai.
20 Cucaah nan dinnak cu phungbia cawnpiaktu hna le Farasi hna dinnak a lonh lo ahcun zeitinhmanh in vancung pennak ah cun nan lut kho lai lo.
21 “ ‘Lai va nawng hlah, a nawngmi paoh cu biaceihnak a huah lai,’ tiah hlanlio mi nih an rak chim kha nan theih.
22 Asinain kei nih cun hitihin kan ti hna. A unau cung i a thin a hungmi paoh cu biaceih a si lai i a unau kha a serhsatmi paoh cu biaceih bu hmaiah chuahpi a si lai i a unau kha ‘Mihrut’ a timi cu mit lo meichung i paih an i huah lai.
23 Cucaah biakòheng i laksawng pekchanh na timh tikah na unau pakhatkhat nih na cungah a thin a hung ti na hun theih ahcun
24 biakòheng hmaiah na laksawng cu chiata ko, va kal law na unau he khan remnak va tuah hmasa; cun ra òhan law na laksawng cu va pe.
25 Tazacuai awkin zung ah an chuahpitu kha nan kal pah ah lam ah rem va zuam. Cutilocun zung ah an chanh lai i biaceihtu nih palik sinah an chanh chin lai i thong thlak na si lai.
26 Biatak tein ka chim, phaisa phar khat hmanh tang lo tiangin na liam dih hlan cu na chuak lai lo.
27 ‘Òangdangpom sualnak va tuah hlah,’ timi nan theih.
28 Sihmanhsehlaw kei nih cun, ahopaoh sualpi duhnak he nu a zohmi cu a lung chungah a sual cang, kan ti hna.
29 Na orhlei mit nih an sualter ahcun khoih law hlonh ko; pum tling te he mit lo mei chung tlaknak cun pum cheubang pakhat khat sungh cu a òha deuh.
30 Na orhlei kut nih an sualter ahcun tan law hlonh ko; pum tling te he mit lo meichung tlaknak cun na kutke pakhat khat sungh cu a òha deuh.
(Mat 19:19; Mar 10:11-12; Luk 16:18)
31 ‘Nupi a mami paoh nih maknak ca pe seh,’ ti zong a rak si.
32 Sihmanhsehlaw kei nih cun hitihin ka ti; òangdang a pom ruangah si loin a nupi a mami cu a nupi kha òangdangpom sualnak a tuahter; makmi nu a òhimi zong nih òangdangpom sualnak a tuah ve a si.
33 ‘Lih in chiat ser hlah; Bawipa sinah chiat na ser cangmi cu va let hlah,’ ti a rak si kha nan theih.
34 Kei nih cun hitihin kan ti hna. Chiat hrimhrim va ser hlah: van chalh in chiat ser hlah, zeitintiah Pathian òhutnak a si.
35 Vawlei chalh zongin chiat ser hlah; zeitintiah Pathian ke chiahnak a si. Jerusalem chalh zongin chiat ser hlah; zeitintiah Siangpahrang ngan khua a si.
36 Nan lu chalh zongin chiat ser hlah; zeitintiah nan samfa fa khat hmanh nan dumter in nan ranter kho lo.
37 A si, a si lo, ti lawng kha chim ko u, cu pin cu òhat lonak in a rami a si.
(Luk 6:29-30)
38 ‘Mit ah mit ve, ha ah ha ve,’ timi nan theih. Kei nih cun hitihin ka ti.
39 Miòhalo kha doh hna hlah; na orhlei bel an bengh ahcun khatlei zong chit rih.
40 Na angki chungnawh lak duh ah taza an cuaitu cu na angki leng zong va chap rih.
41 Hramhram loin khan khat an kalpitu cu khan hnih tiang va zul.
42 An halmi cu pe hna, an cawimi zong va cawih hna.
(Luk 6:27-28; 32:36)
43 ‘Na innpa daw hna law na ral hua hna,’ rak timi kha nan theih.
44 Sihmanhsehlaw kei nih cun, nan ral kha va daw hna u law an hremtu hna caah thla va cam u;
45 cuticun, van i a ummi nan Pa fale nan si lai; zeitintiah amah nih cun a òhami he a òha lomi he an cungah ni a tlanter i miding he misual he an cungah ruah a surter ko.
46 An dawmi hna lawng nan dawt hna ahcun zei lawmhman dah nan hmuh lai? Ngunkhuai khawltu hna zong nih cucu an tuah ve ko a si lo maw?
47 Cun hawikom lawng kha nan biakchawnh hna ahcun a hlei in nan tuahmi zeital a um maw? Pathian bia lomi hna hmanh nih cucu an tuah ko lo mei?
48 Cucaah vancung nan Pa a tlin bantukin nan tlin ve awk a si.