27
(Mar 15:1; Luk 23:1-2; Jhn 18:28-32)
1 Zinglei a hung si cun tlangbawi upa hna le khua upa hna nih Jesuh thahnak ding khua cu an khan;
2 an khih i mangki bawi Pilat sinah an hei hruai i an chanh.
Judas Aa Awk
(Lam 1:18-19; Zek 11:12-13)
3 A rawitu Judas cu Jesuh kha thah awkin bia an khiah ti a theih tikah aa ngaihchih i ngun tangka sawm thum kha tlangbawi upa hna le khua upa hna sinah khan a rak put i,
4 “Zei sual lomi ka rawi kha ka sual tuk,” tiah a pek hna. Annih nih, “Cucu kan zeidah a poi? Na tuahnak in va tuah ko,” an ti.
5 Judas nih tangka cu biakinn chungah cun a hlonhtak i a kal i aa awk.
6 Tlangbawi upa hna nih tangka cu an char i, “Hihi biakinn tangka bawm i chiah phung a si lo, thisen man a si ai!” an ti.
7 Cucaah an i ceih i khual vuinak ah um sertu lo an cawk.
8 Cu caah cu lo cu atu tiangin “Thisen Lo” an ti lan.
9 Cuticun profet Jeremiah nih, “Bawipa nih a ka chimh bantuk khan Israel mi cheu khat nih cu pa man an khiahmi tangka sawm thum cu an lak i,
10 um sertu lo man ah an pek,” tiah a rak chimmi kha a hung tling.
(Mar 15:2-15; Luk 23:3-5; Jhn 18:33-38)
11 Jesuh cu mangki hmaiah cun a dir i mangki nih bia a hal. “Judah siangpahrang cu na si maw?” tiah a ti. Jesuh nih, “Nangmah nih pei na ti ko cu,” a ti.
12 Sihmanhsehlaw tlangbawi upa hna le khua upa hna nih sual an phawtmi cu a let hna lo.
13 Cun Pilat nih, “Hi vialte sual an in phawt hi na thei lo maw?” a ti.
14 Asinain bia a let lo. Sual an phawtnak bia pakhat hmanh a leh hna lo caah Pilat cu a khuaruah a har tuk.
(Mar 15:6-15; Luk 23:13-25; Jhn 18:39-19:16)
15 Cu puai ah cun zapi caah an duhmi thongtla pakhat paoh, mangki nih a chuahpiak hna phung a si.
16 Cu lioah cun zapi theih ngaimi Barabbas timi thongtla pakhat a rak um.
17 Cucaah an hun i pumhkhawmh cun Pilat nih, “Aho chuahter dah nan ka duh. Barabbas maw, Khrih timi Jesuh dah?” tiah a hal hna.
18 Zeicahtiah nahchuah ruangah Jesuh cu an hun chuahpi ti kha a hngalh.
19 Cu hleiah biaceihnak òhutdan cung i a òhut ko lioah khan Pilat cu a nupi nih, “Kha miding kha zeitinhmanh in rak ti hlah; zeitintiah nihin ka mang ah amah ruangah ka tem ngai ko,” tiah bia a hun cah.
20 Tlangbawi upa hna le khua upa hna nih cun mi zapi kha Barabbas thlah i Jesuh thah awkin an rak lem khawh hna.
21 Mangki nih cun, “Hi hna pahnih ah hin aho hi dah thlahpiak nan duh?” a ti òhan hna. Annih nih “Barabbas” an ti.
22 “A si kun ah Khrih timi Jesuh cu zeitindah ka tuah kun lai?” a ti hna. An dihlakin, “Vailam ah tah si ko seh,” tiah an au.
23 Pilat nih, “Zei ah hen? Zei òhat lonak dah a tuah?” a ti. An dihlakin fak chinchin in an au i, “Vailam ah tah si ko seh,” an ti.
Jesuh Vailamtah Awkah Pilat Nih A Pek Hna
(Mar 15:15; Luk 23:25; Jhn 19:16)
24 Cuticun Pilat nih khan zeiti ti hmanh ah a hlei ti lo; hnahnawhnak tu hmanh a chuak deuh lai ti kha a hngalh tikah, ti a lak i zapi hmaiah a kut aa òawl i, “Hi sualnak ngei lomi thi hin ka thiang, nan tinak in va ti ko u,” a ti hna.
25 Zapi nih an dihlak tein, “A thi cu kanmah le kan tefa hna cungah tla ko seh,” an ti.
26 Cun Barabbas cu a thlahpiak hna i Jesuh cu fung in a tukter hna hnuah vailam tah awkin a pek hna.
(Mar 15:16-20; Jhn 19:2-3)
27 Cuticun Jesuh cu mangki ralkap umnak inn chungah ralkap hna nih khan an kalpi i an hawile kha an auh dih hna i an kulh.
28 A hnipuan an phoih dih i angki fual sendung an hruk;
29 hling in luchin an phiar i an chinh. A orhlei kut ah fung an putter. A hmaiah an khuk an i bil i an cawhdeh, “Salam, Judah mi siangpahrang,” an ti.
30 Cil an chak, fung cu an chuh i a lu ah an tuk.
31 Cuti an cawhdeh hnu cun a angki kha an phoih òhan i amah hnipuan kha an hrukter i vailam tah awkah cun an kalpi.
(Mar 15:21-32; Luk 23:26-43; Jhn 19:17-27)
32 An kal lioah khan lam ah Sairin khuami Simon timi an ton i Jesuh vailam cu hramhram in an putter.
33 Galgotha, “Luruh hmun” timi an phanh tikah
34 hnitkha he cawhmi mitsur zu kha din awkah an pek; a tep nain a ding duh lo.
35 Vailam ah an tah i a hnipuan kha voihfung khiah in an i phaw;
36 cuka ah cun an òhu i an cawngh.
37 A lu cungah khan sual an phawtnak bia, “Hihi Judah siangpahrang, Jesuh a si,” timi kha an tar.
38 A sinah cun mirokhmang pahnih, a orhlei ah pakhat, a kehleiah pakhat, vailam ah cun an tah ve hna.
39 Michoklet nih an lu an lei hnawh i an bia-eng in,
40 “Biakinn òheh i ni thum ah a sa òhan kho hngatu i khamh hen. Pathian Fapa na si ahcun vailam khan rung òum ngat,” an ti.
41 Cu bantuk òhiamòhiam cun tlangbawi upa hna nih cun, phung cawnpiaktu le khua upa hna le tiah,
42 “Mi dang cu a khamh khawh hna; amah tu cu aa khamh kho lo. Israel siangpahrang pei a si cu, atu te ah hin vailam khin rung òum seh law cu kan zumh ko hnga!
43 Pathian pei aa bochan cu, amah hi khamh a duh ahcun hun khamh ngat seh, ‘Pathian Fapa ka si,’ a ti fom cu ta,” tiah an serhsat.
44 Vailam ah tahmi rokhmang hna zong nih cun cuti òhiamòhiam cun an ti ve.
(Mar 15:31-44; Luk 23:44-49; Jhn 19:28-30)
45 Chun suimilam hleihnih in zan lei suimilam pathum tiang vawlei cung pumpuluk ah chunmui a tlung.
46 Zanlei suimilam pathum hrawngah khin Jesuh cu fak piin, “Eli, Eli, lema sabakthani” tiah a au. A sullam cu “Ka Pathian, ka Pathian, zeicahdah na ka kaltak” tinak a si.
47 A pawng i a dirmi hna nih an theih tikah, “Himi hi Elijah pei a auh hi,” an ti.
48 An lak i pakhat cu a le zau i puanchia a lak, mitsur zuthor ah a hnim i fung par ah a òemh dih hnu in dinter a timh.
49 Sihmanhsehlaw midang hna nih, “Um rih, Elijah cu amah khamh awk i a rat le rat lo zoh rih u sih,” an ti.
50 Cun Jesuh cu fak piin a ai òhan i a cat.
51 Zohhmanh u, Biakinn puanzar kha a lu in a taw tiang a cheu. Li aa hnin i lung pipi an kak dih;
52 thlan zong an i hung i mithiang a thi ciami hna kha an tho òhan.
53 Jesuh a thawhòhan hnuah thlan cun an ra chuak i khua chungah an lut i mi tampi sinah an lang.
54 Ralbawi le Jesuh cawngtu a hawile hna nih khan lihnin le thil umtuning kha an hmuh tikah an òih tuk i, “Hihi Pathian Fapa a si taktak ko,” an ti.
55 Galilee in amah bultawl awkah a hun zulmi nu rual tampi hna zong nih khan lamhla piin an cuanh.
56 Cu hna lakah cun Mary Magdaline, Josef le Jeim hna an nu Mary le Zebedi fapa hna i an nu zong an i tel ve.
(Mar 15:42-47; Luk 23:50-56; Jhn 19:38-42)
57 Zanlei sang ah khin Arimathea khua mirumpa Josef timi a ra, amah zong Jesuh zulmi a rak si ve.
58 Pilat sinah a rak kal i Jesuh ruak kha a va hal; Pilat nih cun laknak nawl a pek.
59 Josef nih ruak cu a hlawm i puan hmangòhia a thiangmi tein a zual;
60 amah thlan tharte lung i kermi ah a vui; thlan cu lung ngan piin a khar i a kaltak.
61 Mary Magdaline le Mary dang zong an um ve i thlan lei hoih in an òhu.
62 A thaizing, sabbath ni ah cun tlangbawi le Farasi hna nih Pilat kha an va ton i,
63 “Bawipa, hlenthiampa nih khan a nun lioah, ‘Ni thum hnuah ka tho òhan te lai,’ a rak ti kha kan cin ko rih.
64 Cucaah thlan cu ni thum ni tiang òha te i cawngh awkin nawl pe hna; cu lo ahcun a hnuzul hna nih an va kal lai i an fir sual lai, zapi kha, ‘Thihnak in a tho òhan,’ an ti hna lai i a hmasa nakin a hmanung hlennak kha a chiakha deuh lai,” an va ti.
65 Pilat nih cun, “Ralvengtu ralkap nan ngei ko, va kal u law a òha nan tining in va cawnghter ko hna u,” tiah a ti hna.
66 Cucaah an kal i thlan cu òha tein an venter hna; thlankhar kha lung in an khenhchih i a cawngtu an chiah.