22
(Luk 14:15-24)
Jesuh nih mizapi cu bianabia in a cawnpiak òhan hna. “Vancung pennak cu siangpahrang pakhat, a fapa caah nupi òhit rawldanghnak a tuahmi he tahchunh khawh a si. Rawldum òi dingin a sawmmi hna vialte kawh awkah a miòhi a thlah hna nain an ra duh lo. Miòhi dang a thlah òhan hna i ‘Zanriah cu timh a si cang, ka cawtum le cenhmi ka saòil hna cu ka thah cang hna va ti u. Timh a si dih cang i rawldum òi awkah cun ra cang u,’ tiah sawmmi hna cu va ti hna u,” tiah a ti hna. Sihmanhsehlaw zei ah an rel lo i an kaltak ko hna; a cheu lo ah, a cheu chawdawr ah an kal. Mi cheu nih cun a miòhi hna kha an tlaih hna, mualpho ngai in an velh hna i an thah hna. Siangpahrang cu a thin a hung i a ralkap kha a hei thlah hna; lainawng rual cu an thah hna i an khua an duah dih. A miòhi hna kha a auh hna i, “Òhitumnak cu timh a si cang, sawmmi hna kha cu a tel ve dingah an i tlak lo. Cucaah zatlanglam ah va kal u law nan hmuhmi hna paoh kha rawl dum dingin va ko hna u,” a ti hna. 10 Miòhi hna cu an i thawh i lamthluan cu an zawh i an hmuhmi hna paoh, a chia thlu lo a òha thlu loin an va khawmh dih hna; cuticun, òhitumnak inn cu sawmchommi in an khat.
11 Sihmanhsehlaw siangpahrang cu rawl dum òimi hna zoh awk i a hung luh tikah nupi òhitnak thuam in aa thuam lomi mipa pakhat kha a hmuh. 12 A thawh i, ‘Ka kawi, zeitindah òhitumnak thuam aih loin na rak luh?’ a ti; mipa cu holh loin a um. 13 Siangpahrang nih cun chungòuan hna sinah, ‘Tlai u law a kut le a ke òem u law, leng muilak ah khin hei hlonh u, cuka ah cun òap in a hacang va rial seh.’ 14 Zeicahtiah sawmmi cu an tam nain thimmi cu an tlawm,” a ti hna.
(Mar 12:13-17; Luk 20:20-26)
15 Farasi hna nih Jesuh cu a biachimmi in an foih khawh nak hnga bia an kawl. 16 An mi hna le Herod minung hna kha a sinah an hei thlah hna i hitihin an va ti, “Cawnpiaktu, nang cu mi dik na si i a sining tein Pathian bia na cawnpiak tawn i aho hmai hmanh na zoh lo, zeitintiah mi niamsan na zoh lo kha kan hngalh; cucaah zeitindah hihi na ruah? 17 Kan chim tuah, Sizar siangpahrang hi ngunkhuai kan pek phung a si maw, si lo?” an ti. 18 Jesuh nih an lungput òhat lo kha a rak hngalh i, “Mi ziathiam hna, ziah hneksak nan ka del? 19 Ngunkhuai pek ding tangka cu rak ka hmuhsak tuah u,” a ti. 20 Thir tangka an hun pek i Jesuh nih, “Aho mui le aho min dah a cuang?” a ti hna. 21 “Sizar siangpahrang” an ti. A thawh hna i, “Cucaah Sizar siangpahrang thil cu sizar siangpahrang pe u law Pathian thil cu Pathian pe ko ngat u,” a ti hna. 22 Cucu an theih tikah an ar ko; cuticun lo diam in an kaltak.
(Mar 12:18-27; Luk 20:27-40)
23 Cu ni òhiamòhiam ah cun thihnakin thawhòhannak a um lo a timi Sadusi pawl a sinah an ra i bia an hal. 24 “Cawnpiaktu, Moses nih, ‘Fa hring loin mi pakhatkhat a thih ahcun a rohmi a nupi cu a unau pa nih a co lai i tefa a hrinpiak lai,’ a kan ti. 25 A si ahcun, unau pasarih an um i upa bik nih nupi a òhit, sihmanhsehlaw fa ngei loin a thi i a nupi cu a naupa kha a roh. 26 A pahnihnak le a pathumnak zong nih cuticun an si i a pasarihnak tiangin an thi i an roh. 27 An dihlak hnu cun cu nu zong cu a thi ve. 28 Cuti a si ahcun thawhòhannak ah aho nupi dah a si te lai? An dihlakin an òhit fawn òung,” tiah an hal.
29 Jesuh nih, “Nan palh, zeitintiah Cathiang le Pathian huham zong nan hngal lo. 30 Thawhòhannak ah cun an i òhi an i um ti lai lo; vancung i vanmi bantuk an si cang lai. 31 Mithi thawhòhannak kongah cun Pathian nih an chimhmi hna kha nan rel bal lo maw? 32 ‘Kei cu Abraham Pathian, Isak Pathian, Jakob Pathian ka si,’ a rak ti. Mithi Pathian a si lo, a nungmi Pathian a si,” a ti hna. 33 Zapi nih cu cawnpiaknak cu an theih tikah an khuaruah a har.
(Mar 12:28-34; Luk 10:25-28)
34 Jesuh nih Sadusi hna cu ar ko in a tuah hna ti kha Farasi hna nih an theih tikah an i pum i, 35 an lak i phung cawnpiaktu pakhat nih foih duh ah, 36 “Cawnpiaktu, phung ah hin a zei nawlbia dah a ngan bik?” tiah a hal. Anih nih hitihin a leh hna: 37 “Bawipa na Pathian cu na lungthin dihlak le na ruahnak dihlak le na nunnak dihlakin na dawt lai. 38 Cucu a ngan bik le a biapi bik nawlbia a si. 39 A changtu cu na innpa kha nangmah naa dawt bangin na dawt lai. 40 Cu nawlbia pahnih ah cun phung le profet hna cawnpiaknak vialte cu aa fun dih,” a ti hna.
(Mar 12:35-37; Luk 20:41-44)
41 Farasi pawl an i pumh lioah Jesuh nih bia a hal hna. 42 “Khrih hi zeitindah nan ruah? Aho fapa dah a si?” a ti hna. “David fapa,” an ti. 43 Hitihin a ti hna, “Thlarau hruainak in zeitindah David nih, ‘Bawipa’ a ti kun? David nih khan,
44 ‘Bawipa nih ka Bawipa sinah,
Na ral hna cu ka ke tangah
Ka chiah hna hlantiang
Ka orhlei kamah ra òhu,’
a ti kun kha tah?” a ti hna. 45 David nih Khrih cu Bawipa a ti ahcun zeitindah a fapa cu a si khawh kun? 46 Ahohmanh nih ka khat hmanh an let kho lo i cu thawk cun bia dang zong an hal ngam ti lo.