2
1 Herod bawi lio, Judea ram Bethlehem khua i Jesuh a chuah ah khan nichuahlei in mifim hna cu Jerusalem khua ah an ra i,
2 “Judah mi siangpahrang a si hnga dingmi naute cu khuazei ah dah a hrin. Nichuahlei ah a arfi kha kan hmuh i amah biak ah kan ra,” an hung ti.
3 Cucu Herod siangpahrang nih a theih tikah a lung si a vang. Jerusalem mi vialte zong amah bantuk cun an si a vang ve.
4 Tlangbawi upa hna le phungbia cawnpiaktu vialte kha a pumh hna i, Khrih chuah nakhnga hmun cu a hal hna.
5 Annih nih an thawh i, “Judea ram Bethlehem khua ah a chuak lai,” tiah an leh. Zeicahtiah profet nih hitihin a rak òial.
6 “Maw Bethlehem khua, Judah ram chung i a ummi,
nangmah cu Judah ram khuapi hna lakah hin
na hme bik naisai lo;
zeitintiah nangmah chung hin hruaitu pakhat
ka mi Israel hruaitu ding cu
a hung chuak lai,” a ti.
7 Herod nih nichuahlei mifim hna cu a thli tein a auh hna i zeitik caan set ah dah arfi a langh ti kha a kherhlai hna.
8 Cun Bethlehem khua leiah khan a hei thlah hna i, “Va kal u law, nau chuahnak kong cu òha tein va hlat u. Nan hmuh tikah ra ka chim ve u law kei zong amah cu ka biak ve lai,” tiah a ti hna.
9 Siangpahrang nih a ti hna bang cun an kal i nichuahlei i an rak hmuhmi arfi kha a lang òhan; an hmaiah a kal i naute umnak cungah cun a dir.
10 Arfi an hmuh òhan caah an i lawm ngaingai.
11 Inn chungah khan an lut i a nu Mary he naute cu an vung hmuh. An khuk an i bil i an biak. An i kenmi an laksawng cu an chuah i, amah cu an pek; cu hna cu sui, frankinsen le mura zihmui hna an si.
12 Herod sin kir ti lo dingin Pathian nih an mang ah a chimh hna caah lam dangin an kir.
13 An kal hnuah Bawipa vanmi pakhat kha Josef mang ah a lang. “Tho law naute le a nu kha Izipt ram ah va zampi hna. Chuah kan fial hna hlan tiang khika ah khin va um u; zeicahtiah Herod nih naute hi thah awkah a kawl lai,” tiah a chimh.
14 Josef cu a tho i naute le a nu cu a hlauh hna i zanòim ah Izipt ram ah cun an zam.
15 Cuka ah cun Herod a thih tiang an va um. Cucun Bawipa nih profet ka in, “Ka fapa cu Izipt ram in chuah awkah ka auh,” a timi kha a tling.
16 Mifim hna nih an hlen kha Herod nih a theih tikah a thin a hung ngaingai. Mifim hna i an rak chimning khan a tuak i Bethlehem le a pawngkam i a ummi kum hnih in a tanglei ngakchia vialte kha a thahter hna.
17 Cuticun Profet Jeremiah nih a rak chimmi kha a tling.
18 “Ramah khua ah thawng a thang,
Òah le hram thawng a si.
Rachel nih a fale an thih dih caah khan a òah lengmang hna;
Hnemh khawh a si ti lo,” a rak ti.
19 Herod a thih hnuah, Izipt ah cun Bawipa vancungmi pakhat Josef mang ah a lang i,
20 “Tho law naute le a nu kha Israel ram ah kirpi hna; naute thah a timmi hna kha an thi cang,” tiah a chimh.
21 Josef cu a tho i naute le a nu cu Israel ram ah cun a kirpi hna.
22 Asinain Arkhelaus nih a pa Herod kha a chaan i, Judea ram bawi a si ti a theih tikah cuka kal cu a òih. A mang i chimh a si bangin Galilee ram lei tuah a kal i,
23 Nazareth timi khua ah a va um. “Nazareth khuami tiah auh a si lai,” timi kha a hung tling.