19
(Mar 10:1-12)
Cu bia a chim dih hnuah Jesuh cu Galilee ram in a chuak i Jordan ral Judea ram ah khan a kal. Mi tampi nih an zulh i cuka ah cun a rak damter hna.
Amah bia lila in foih duh ah Farasi a sinah an ra i, “Zeimaw pakhatkhat ruangah nupi mak hi a phung a si maw?” tiah an hal. Jesuh nih, “A hramthawk ah sertu nih nu le pa a ser hna; cucaah pa nih a nu le a pa kha a kaltak hna lai i a nupi he an i fonh lai i cu pahnih hna cu titsa khat an si lai’ timi kha nan rel bal lo maw? Cucaah pahnih an si ti lo i pakhat an si cang. Pathian nih a fonhmi hna cu ahohmanh nih òhen ti hna hlah seh,” tiah a ti. Farasi hna nih cun, “A si ah, zeitindah Moses nih maknak ca pek in maknak nawl a pek kun?” tiah an hal. A thawh hna i, “Moses nih maknak nawl an pek hna cu nan lung a khawn tuk ruangah a si; a hramthawk ah cun cuticun a rak si lo. Kei nih cun hitihin kan chimh hna: òangdangpom ruang si loin nupi a ma i midang a òhimi cu òangdangpom sualnak a tuah a si,” a ti.
10 “Nu le va kong ah cuti a si ahcun i òhitum lo ah a òha deuh,” tiah a hnuzul hna nih cun an ti. 11 Jesuh nih, “Hi phung hi Pathian i a pekmi hna dah ti lo nih cun mi paoh nih an pom kho lo. 12 Zeitintiah cheukhat cu nupi ngeih khawh lonak aa chuahpimi an si; mi cheu cu anmah nih an i nuutter chom. Mi cheukhat cu vancung pennak ruangah mah le mah aa summi zong an um fawn. A zul kho paoh nih hihi zulh ding a si ko,” tiah a ti.
(Mar 10:13-16; Luk 18:15-17)
13 Ngakchia hna kha an cungah kutchuan i thlacampiak dingin Jesuh sinah an ratpi hna. A hnuzul hna nih khan an rak dawnh hna. 14 Jesuh tu nih cun, “Ngakchia hna kha ka sinah ra ko hna seh, dawn hna hlah u; vancung pennak cu mah hna ta hi pei a si cu,” a ti. 15 An cungah a kut a chuan hnuah cuka cun a chuak.
(Mar 10:17-31; Luk 18:18-30)
16 Mi pakhat Jesuh sinah a ra i, “Cawnpiaktu, nuncang hmunhnak hmuh awkah zei rian òhadah ka òuan awk a si?” a ti. 17 Jesuh nih, “Zeicahdah zei rian òhadah ti na ka hal? A òhami Pa pakhat lawng a um. Nunnak i luh na duh ahcun nawlbia kha zul hna,” tiah a ti. 18 Anih nih, “Zei bantuk nawlbia hna hi dah?” tiah a hal. Jesuh nih, “Lainawng hlah, òangdangpom sualnak tuah hlah, fir hlah, a dik loin mi va rawiphiar hna hlah 19 Na nu le na pa upat hna, timi hna le nangmah naa dawt bangin na innpa va daw hna ti te hna hi,” tiah a ti. 20 Tlangval pa nih cun, “Cucu ka zulh ko cang hna, zeidah ka bau rih,” tiah a ti. 21 Jesuh nih, “Mitling si na duh ahcun va kal law na ngeihmi thil vialte va zuar dih law sifak va pe hna, cuticun van ah chawhlawn na ngei lai i cu cun rak ka zul,” a ti. 22 Cu bia cu a theih tikah tlangval pa cu ngaihchia ngai in a kal; zeitintiah mirum ngai a si.
23 Jesuh nih a hnuzul hna sinah, “Biatak tein ka chim, mirum caah cun vancung pennak chung luh a har ko. 24 Ka nolh òhan rih lai, mirum pakhat Pathian pennak chung luh nakcun òhimhna i kalauk luh hmanh a fawi deuh hnga,” a ti. 25 A hnuzul hna nih cu bia cu an theih tikah an khuaruah a har i, “Ahodah khamh a si kho kun lai?” an ti. 26 Jesuh nih a hei zoh hna i, “Minung caah cun hihi a si kho hrim lo, sihmanhsehlaw Pathian caah cun zeipaoh a si kho dih ko,” tiah a leh hna. 27 Peter nih a thawh i, “Zohhmanh, zeizong kaltak in kan in zulh i zeidah kan hmuh kun lai?” tiah a hal. 28 Jesuh nih, “Vawlei thar ah Mi Fapa cu a sungsaimi a bawi òhutdan i a òhut tikah nannih a ka zultu hna zong hi Israel phun hleihnih biaceih awkin bawi òhutdan hleihnih cungah nan òhu te lai. 29 Keimah ruangah a inn, a unau, a farle, a pa, a nu, a fale, a lo, a chuahtakmi paoh cu a let za in an hmuh lai i nuncang hmunhnak zong an co lai. 30 Sihmanhsehlaw a hmasa bik a simi mi tampi cu a hmanung bik an si lai i a hmanung bik a simi hna zong a hmasa bik an si te lai,” tiah a ti.