18
(Mar 9:33-37; Luk 9:46-48)
Cu lioah cun a hnuzul hna kha Jesuh sinah an ra i, “Vancung pennak ah ahodah a ngan bik lai?” tiah an hal. Ngakchiate kha a auh i an laifang ah a dirter. “Bia ngaite kan chimh hna, nan i thlen i ngakchia bantuk ah nan i can lo ah cun vancung pennak ah cun nan lut bal lai lo. Hi ngakchia bantukin mi toi ah aa dormi cu vancung pennak ah cun a ngan bik a si lai.
Hi bantuk ngakchia pakhat khat kha ka min in a cohlangmi cu keimah a ka cohlan a si.
(Mar 9:42-48; Luk 17:1-2)
Sihmanhsehlaw hi a ka zummi lak i a hme bik hmanh a sualtertu cu an hngawng ah facang rialnak lungtum thlaih i rili a thuhnak i thlak kha a caah a òha deuh lai.
“Sual tuah awkah tukforhnak ruangah hin vawlei hi chiat si ko seh. Tukforhnak cu a um awk a si ko nain a umtertu cu chiat si ko seh. Na kut nih maw na ke nih maw an sualter ahcun tan law hlonh ko hna; kut pahnih le ke pahnih he mit lo mei chung i tlaknak cun kutke loin nunnak chung luh cu na caah a òha deuh. Na mit nih an sualter ahcun khoih law hlonh ko. Hell chung i mit pahnih he tlak nakcun mit pakhat he lawng nunnak chung i luh cu na caah a òha deuh.
10 Hi ngakchia tete pakhat hmanh hi zawmtai hna hlah u. Annih zohkhenhtu vanmi hna cu vancung ka Pa hmaiah an um peng ko,” tiah kan chimh hna. 11 (Zeitintiah Mi Fapa cu a tlaumi khamh awkah a ra.)
(Luk 15:3-7)
12 “Zeitindah nan ruah? Mi pakhat nih tuu zakhat hei ngei seh law, cu chung cun pakhat a tlau ahcun sawm kua le pakua hna kha tlang ah chiatak in a tlaumi kawl awkah a kal hnga lo maw? 13 A hmuh tikah a tlau bal lomi sawm kua le pakua cung nakcun aa lawm deuh lai tiah bia ngai tein ka chim. 14 Cu bantuk cun hi tete hna lak i pakhat lohtlau kha van i a ummi ka Pa nih a duhmi a si lo.
15 “Na unau pakhat nih na cungah a sual ahcun va kal law nan pahnih theih lawngin va chimhring, a ngaih a si ahcun na unau ah na ser òhan a si. 16 Sihmanhsehlaw na bia a ngaih lo ahcun midang pakhat maw pahnih maw va kalpi hna, cuticun biafang pakhat te zong kha biatheitu pahnih maw pathum nih maw an fehter lai. 17 An bia zong a ngaih duh hlei lo ahcun Khrihfabu va chim hna; Khrihfabu bia zong a ngaih duh hlei lo ahcun Jentail le ngunkhuai khawltu khan ah va ruat ko cang.
18 “Bia ngaite kan chimh hna; vawlei ah nan òemmi paoh cu van zongah òem an si lai i vawlei ah nan thlahmi paoh cu van zongah thlah an si lai. 19 Hitihin ka nolh rih lai. Hi vawlei ah mi pahnih hnatlak tein nan halmi paoh cu van i ka Pa nih an pek hna lai. 20 Zeitintiah pahnih siseh pathum siseh ka min in an i pumhnak paoh ah kei zong an laifang ah ka um ve,” tiah a ti.
21 Cun Peter a ra i a sinah, “Bawipa, ka unau pakhat khat nih ka cung i a sual tikah voi zeizat tiang dah ka ngaihthiam lai? Voi sarih tiang maw?” tiah a hal. 22 Jesuh nih, “Voi sarih tiang lawng hlah e, voi sawm sarih a let sarih kan ti,” tiah a leh.
23 “Cu a si caah vancung pennak cu a sal hna rianòuannak cekhlat aa timmi siangpahrang pakhat bantuk a si. 24 A hun i ot i, talent thong hra a bami an hun chuahpi, 25 chamnak a ngeih lo caah a bawipa nih amah he a nupi le a fale he a ngeihmi vialte he zuarh dih i a leiba kha cham dingin bia a khiah. 26 Cucaah a miòhi nih cun khukbil in a nawl i ‘Bawipa, ka cungah khua ruat rih law a dihlak tein kan cham ko lai’ tiah a nawl. 27 A bawipa nih a miòhi cu a zaangfah tuk caah a leiba cu a ngaihthiam dih i a luatter. 28 Cu sal cu a kal i a sal hawi, danari zakhat a batu kha a va fuh riangmang i, a tlaih i a or in a dih; ‘Na ka batmi kha ka cham,’ a ti. 29 A miòhi hawi nih cun, ‘Ka cungah khua ruat rih law kan cham dih ko lai,’ tiah a bawk i a nawl. 30 Sihmanhsehlaw a duh lo; a leiba a cham dih hlantiang kha thong ah a thlak. 31 Cucu a miòhi hawi nih an hmuh tikah an lung a fak i an bawipa kha an va chimh. 32 A bawipa nih khan a auh i ‘Miòhi òha lo, na ka nawl caah na ka batmi vialte kan ngaihthiam dih, 33 kan zaangfah bangin na miòhi hawi hna zong kha na zaangfah ve awk a si,’ tiah a ti. 34 A bawipa cu a thin a hung tuk i leiba cham a lim dih hlantiang thong ah a thlak. 35 Thinlung tak tein unau a ngaithiam lomi cu vancung ka Pa zong nih an ngaithiam ve hna lai lo,” tiah a ti hna lai.