16
(Mar 8:11-13; Luk 12:54-56)
1 Farasi le Sadusi hna an ra i amah hneksak duh ah van in hmelchunhnak tuah an fial.
2 A thawh hna i, “Zanlei ah vankam a sen i a thaizing cu khua a òha lai, nan ti.
3 Zinglei ah cun vankam a sen i khua a dawm, nihin cu khua a chia lai, nan ti. Khuachiat òhat lai cu van umtuning in nan hngalh, asinain, caan hmelchunhnak cu nan hngal kho lo.
4 A òha lomi le hlawhhlang chan nih hin hmelchunhnak nan kawl tawn. Sihmanhsehlaw Jonah hmelchunhnak dah ti lo cu hmelchunhnak dang zeihmanh pek nan si lai lo,” a ti hna. Cun lo diam in a kaltak hna.
(Mar 8:14-21)
5 A hnuzul hna kha khatlei ral an va phanh tikah changreu phorh an philh.
6 Jesuh nih an sinah, “Farasi le Sadusi hna thilnu hi i ralring u,” a ti hna.
7 “Changreu kan phorh lo ruangah a chim,” tiah pakhat le pakhat an i ceih.
8 Jesuh nih cucu a theih tikah, “Zumhnak tlawm hna, zeicahdah nan changreu ngeih lo kha nan i ceih?
9 Nan theithiam hlei rih lo mu? Mi thong nga ca i changreu tlang nga khan a hlei zeizat dah nan khawmh kha nan cing ti lo maw?
10 Changreu tlang sarih in mi thong li dangh an si ah khan tah a hlei sei zeizat dah nan khawmh kha?
11 Changreu kong ka chim lo ti kha zeitindah nan hngalh khawh rih lo? Farasi le Sadusi hna thilnu cun i ralring ko u,” tiah a ti hna.
12 Changreu sernak thilnu si loin Farasi le Sadusi hna cawnpiaknak tu an i ralrin awk a si, ti kha an hun hngalh.
(Mar 8:27-30; Luk 9:18-21)
13 Jesuh cu Sisaria Filipi a phanh ah khan a hnuzul hna kha, “Mi nih Mi Fapa cu aho a si an ti dah?” tiah a hal hna.
14 “A cheu nih, ‘Baptisma petu Johan a si an ti, a cheu nih Elijah, a cheu nih Jeremiah maw profet pakhatkhat dik,’ an ti,” tiah an leh.
15 “Nannih nih tah aho a si nan ka ti dah?” a ti òhan hna.
16 Simon Peter nih a thawh i, “A nungmi Pathian Fapa, Khrih na si,” tiah a leh.
17 Jesuh nih, “Simon Barjona, na van a va òha dah! Thi le sa nih si loin van i ka Pa tu nih an hngalhtermi a si.
18 Nangmah cu Peter na si kan ti: hi lungtum cungah hin ka Khrihfabu ka dirh lai i thihnak hmual hmanh nih a tei lai lo.
19 Vancung pennak tawh kan pek lai i vawlei ah na òemmi cu vancung zongah òem a si lai; vawlei ah na thlahmi paoh cu vancung zongah thlah a si ve lai,” a ti.
20 Cu dih cun Khrih a si kha aho sin hmanh ah chim lo awkin a hnuzul hna kha fek tein bia a beoh hna.
(Mar 8:31-38; Luk 9:22-27)
21 Cu caan thawk cun Jesuh nih Jerusalem ah a kal lainak le upa hna le tlangbawi upa hna le phung cawnpiaktu hna kut ah fakpi a tuar lainak le an thah i ni thumnak ah thawhter a si lainak kha a hnuzul hna sinah chim hram a thawk.
22 Peter nih Jesuh cu a dang deuh ah khin a hei kalpi i a mawhchiat. “Bawipa, cuticun Pathian nih siter hin hlah seh, hi thil hi na cungah a tlung hin hnga lo,” a ti.
23 Jesuh cu aa let i Peter cu, “Satan, ka hnulei ah kal, ka caah dawnkhantu na si; zeitintiah Pathian ruahning si loin minung ruahning in na ruah,” a ti.
(Mar 8.31—9.1; Luk 9.22-27)
24 Jesuh nih a hnuzul hna kha a thawh hna i, “Zulh a ka duhmi paoh cu amah le amah i hlaw seh law a vailam i put in ra ka zul seh.
25 Zeitintiah mah nunnak humhak a timmi paoh cu a nunnak a sung lai i, keimah ruangah a nunnak a sungmi paoh nih a nunnak a hmuh lai.
26 Mi nih hi vawlei hi a pumpi in co hmanh seh law a nunnak a sungh òung ahcun zeidah a miak lai? Asiloah, mi nih nunnak cu zei tal in a kan kho hnga maw?
27 Mi Fapa cu a vancungmi le tiah a Pa sunparnak he a ra te lai i an òuanning cio paoh in a rulh hna lai.
28 Bia ngaite kan chimh hna, Mi Fapa cu a pennak i a rat kha an hmuh hlan paoh cu, hika a ummi lakah hin mi cheukhat cu an thi lai lo,” tiah a ti hna.