15
(Mar 7:1-13)
1 Cun Jerusalem in Farasi hna le phung cawnpiaktu hna a sinah an ra i,
2 “Zeicahdah na hnuzul hna nih pupa rophung an buar? Rawl ei lai ah an kut an i òawl lo,” an ti.
3 Jesuh nih, “Nanmah zong hi zeicahdah nan pupa rophung ruangah Pathian nawlbia nan buar?
4 Pathian nih, ‘Na nu le na pa kha va upat hna,’ a ti, cun, ‘Nu le pa a thangchiatmi cu a thi hrimhrim lai,’ a ti.
5 Nannih tu nih cun nan i thawh i, ahohmanh nih a nu le a pa sinah, ‘Kan cawmnak hna ding cu Pathian sinah pek a si cang,’ a ti ahcun a pa zong a cawm a hau ti lo, nan ti.
6 Cucaah nan pupa rophung ruangah Pathian bia cu nan hlohthlau.
7 Mi ziathiam hna, Isaiah nih nan kong ah a rak chimmi hi a dik taktak:
8 ‘Mah hna nih hin an ka lawngin an ka upat i,
An thinlung cun an ka hlaat òung;
9 An ka biaknak hi pakpalawng a si,
Minung serchom phung kha Pathian nawlbia khan in an cawnpiak hna,’ a rak ti,” a ti hna.
(Mar 7:14-23)
10 Mizapi cu a auh hna i, “Òha tein ngai u law hngalthiam u;
11 ka in a lutmi nih cun mi a thurter lo i ka in a chuakmi tu nih a thurter,” a ti.
12 Cu liote ah cun a hnuzul hna kha a sinah an ra i, “Na chimmi nih Farasi hna an thin a hunter hna hi na hngal maw?” an ti.
13 A thawh hna i, “Vancung ka Pa nih a phun lomi kung cu phawi a si lai.
14 Nan hna i hnawhpi hna hlah u. Hruaitu mitcaw an si hih; mitcaw nih mitcaw a hruai ahcun khor ah an tla tawn,” tiah a ti.
15 Peter nih a thawh i, “Cu bianabia cu a sullam kan chim tuah,” a ti.
16 Jesuh nih, “Nangmah zong nih na hngal ve rih lo mu?
17 Ka in a lutmi paoh cu paw ah a lan i lengah a chuak ko.
18 Sihmanhsehlaw ka in a chuakmi paoh cu lungthin in a chuakmi a si i cu nih cun mi a thurhhnawmhter.
19 Sihmanhsehlaw lungthin chung hin ruahnak thur, lainawnnak, òangdangpomnak, nu le pa sualnak, firnak, dik loin tehtekhannak le mi congoihnak te hna an chuak tawn.
20 Cucu minung thurhnawmhtertu an si; kut òawl lo rawl ei nih cun mi a thurhnawmhter lo,” tiah a ti.
(Mar 7:24-30)
21 Cuka cun Jesuh cu a chuak i Tair le Sidon peng ah a va lut ziar.
22 Cuka hrawng i a ummi Kanaan nu pakhat a sinah a ra i, “Bawipa, David Fapa, ka fanu khuachia nih fak tuk in a tuah i rak ka zaangfah ko,” tiah fak piin a au.
23 Sihmanhsehlaw Jesuh nih cun ka khat hmanh a let lo. A hnuzul hna an ra i, “Hi nu hi hei òhawl, kan hnulei in a kan zulh i a au lengmang; hna a kan hnawh tuk,” an ti.
24 Jesuh nih, “Kei cu Israel chung khan tuu tlau hna sin lawngah thlah ka si,” a ti.
25 Asinain mi nu cu a ra i a hmaiah khukbil in, “Bawipa rak ka bawm ko,” tiah a ti.
26 “Fale rawl cu lak riangmang in uico pek awk a si lo,” tiah Jesuh nih a ti.
27 Minu nih, “A si ko, Bawipa, sihmanhsehlaw an bawi cabuai in a tlami rawl òiltlawt cu uico nih a ei ve tawn ko,” tiah a leh.
28 Cun Jesuh nih, “Maw minu, na zumhnak a ngan ko! Na duh bangin na cungah tling ko seh,” a ti. A fanu cu a dam colh.
29 Jesuh cu cuka cun a chuak i Galilee rili kam hrawng a tlawng. Tlang ah a kai i a òhu.
30 Mi tampi a sinah an ra; kebei, mi cheubang, mitcaw, holh kho lo le midang tampi an ratpi hna. A ke hramah an chiah hna i a damter dih hna.
31 Mi zapi nih cun, a holh kho lomi an holh kho, mi cheubang, kebei zong an kal khawh i mitcaw hna khua an hmuh tikah an khuaruah a har i Israel Pathian cu an thangòhat.
(Mar 8:1-10)
32 Jesuh nih a hnuzul hna kha a sinah a auh hna i, “Hi minung hna hi ka zaang an fak ko, ka sinah ni thum an um cang i ei awk zong an ngei ti lo. Rawlòam i tlunter hna cu ka duh fawn lo. Lampi ah an buhri dih lai,” a ti hna.
33 A hnuzul hna nih cun, “Mi hi vialte zalak i pek awk rawl cu hi ramcar ah hin khuazei ah dah kan lak lai?” tiah an leh.
34 Jesuh nih, “Changreu zeizat dah nan ngeih?” tiah a hal hna. “Tlang sarih le nga tenek tlawmte,” an ti.
35 Mizapi cu vawlei ah a òhutter hna.
36 Changreu tlang sarih le nga cu a lak i lunglawmhnak thla a cam hnuah changreu cu a cheu i a hnuzul cu a pek hna i a hnuzul nih zapi cu an phawt hna.
37 An dihlakin an ei i an khim. A hleimi an khawmh tikah sei sarih a khat.
38 A eitu cu nu le ngak chim loin patling lawngte thong li an si.
39 Zapi cu a tlunter dih hna hnuah lawng aa cit i Magadan ram lei ah a kal.