14
(Mar 6:14-29; Luk 9:7-9)
1 Cu caan lio hrawngah cun Herod bawi nih Jesuh min than kha a rak theih.
2 A miòhi hna sinah khan, “Mah hihi Baptisma petu Johan a si, a nung òhan i a si ko, cucaah hiti thil a ti khawh hi a si lai,” a ti hna.
3 Herod nih khan a nau Filip nupi Herodias ruangah Johan cu a tlaih i thong ah a rak thlak.
4 Johan nih khan, “Herodias na òhit hi a phung a si lo,” a rak ti caah a si.
5 Herod nih cun thah a duh nain mi zapi nih khan profet i ruahmi a si caah a òih hna.
6 Sihmanhsehlaw Herod chuahcam ah Herodias fanu kha a hawile hna hmai i a laam tikah Herod cu a lung a ton tuk i,
7 a halmi paoh pek awkin chiat aa serh.
8 A nu nih a rak forh ningin, “Hika ah hin Baptisma petu Johan lu kha darkho in rak ka pe,” tiah a hal.
9 Siangpahrang cu a awlok a chong ko, sihmanhsehlaw chiat aa serh ruang le rawlhrawm sawmmi hna hmaikhah lo ah a hal bantuk i tuah dingin nawl a pek.
10 Mi a thlah hna i Johan lu cu thonginn chungah an va tan.
11 A lu cu darkho in an rak put i ngaknu cu an va pek; anih nih a nu sinah a hei put.
12 A zultu hna nih Johan ruak cu an va hlawm i an vui hnuah Jesuh zong cu an va chimh.
(Mar 6:30-44; Luk 9:10-17; Jhn 6:1-14)
13 Jesuh nih cu thawng cu a theih tikah cuka cun aa zuk ziarmar i amah lawng tein ramlak hmunking ah tilawng in a kal. Zapi nih a kal cu an theih i khua kip in an ke in an dawi.
14 Tikam i a hung chuah tikah mirun tampi kha a hmuh hna i a zaang an fah caah an lak i mizaw kha a damter hna.
15 Zanlei sang ah a hnuzul hna kha a sinah an ra i, “Hika hi ramlak hmunking a si, khua zong a tlai cang; pawngkam khua ah hin rawl va cawk awkin kalter hna,” an ti.
16 Jesuh nih cun, “An kal a hau lo, ei awk pe hna u,” a ti.
17 “Changreu tlang nga le nga pahnih ti lo cu a dang zeihmanh kan ngeih òung lo,” tiah a hnuzul hna nih cun an ti.
18 Jesuh nih, “Rak ka pe tuah u,” a ti hna.
19 Mizapi cu ram cungah a òhutter hna i, changreu tlang nga le nga pahnih cu a lak i van lei zoh in thla a campiak hna hnuah a cheu i a hnuzul kha a pek hna, a hnuzul hna nih mi zapi cu an phawt hna.
20 An dihlak in an ei i an khim dih. An ei hlei cu an khawmh tikah rel hleihnih a si.
21 A eitu hna cu nu le ngak chim loin patling lawngte thong nga hrawng an si.
(Mar 6:45-52; Jhn 6:15-21)
22 Mi zapi a òinter cuahmah lio hna ah khan a hnuzul hna cu lawngah a cuanter hna i khatlei ral ah a kalter chung hna.
23 Zapi a òinter dih hna hnu cun thlacam ah amah lawng tein tlang ah a kai. Zanleipi tiang amah lawng tein cuka ah cun a um ko rih.
24 Sihmanhsehlaw lawng cu ti cungah vawlei in hla nawn a kal cang; thli nih ralkhat in a hun hranh caah lawng cu tisuar nih a den len ko.
25 Fingreicat ruaimai ah khin a ke in ti cung cun a hei fuh hna.
26 A hnuzul hna nih ti cung i a kal kha an hmuh tikah an thla a hlauh hna i mithla ah an rel, an ning a òi i an ai.
27 A hei chawnh zau hna i, “Nan thinphang hlah u, keimah ka si, òih hlah u,” tiah a ti hna.
28 Cun Peter nih, “Bawipa, nangmah na si ahcun ti cung cun na sinah rak ka ratter ve,” tiah a hei ti.
29 Jesuh nih, “Ra ko ngat,” a ti. Peter cu lawng cung cun a zuang i ti cungin Jesuh leiah cun a kal.
30 Sihmanhsehlaw thli a fah zia kha a hmuh tikah a òih i pil aa tim. “Bawipa, ra ka chanh hen,” tiah a au.
31 Hmakhatte ah Jesuh nih a hei banh i a tlaih. “Maw, zumhnak tlawm pa, zeicahdah lung awòawm in na um?” a ti.
32 Lawng i an va luh ah cun thli cu a daidep ko.
33 Lawng chung i a ummi hna nih cun, “Pathian Fapa na si taktak ko,” tiah an ti i an biak.
(Mar 6:53-56)
34 Rili an hei tan i Genesaret ram ah khan an kal.
35 Cuka ram mi hna nih cun Jesuh cu an hngalh i an pawngkam khua vialte ah mi an thlah hna i a sinah a zawmi vialte an ratpi hna.
36 A puan tlangte tal tawngh awkah an nawl i a tawngmi paoh cu an dam.