13
(Mar 4:1-9; Luk 8:4-8)
Cu ni ah cun Jesuh cu inn cun a chuak i rili kamah a òhu. Mi tampi an hung chuah caah lawng chungah a lut i a òhu; zapi cu rili kamah an dir. Thil tampi bianabia in a cawnpiak hna: “Thlaici vorhtu pakhat thlaici vorh ah aa thawh. A vorh tikah thlaici a cheu cu lamhril ah an tla i va nih an char dih hna. Thlaici a cheu cu lung lakah an tla; vawlei a pan caah an kho zau. Sihmanhsehlaw ni a hung tlang i a hram a feh lo caah an car dih. A cheu cu hling lakah an tla, hling nih a ngerh hna i a thah hna. A cheu cu lei òhatnak ah an tla i a let za, a let sawm ruk le a let sawm thum in an vui. Hna a ngeimi nih cun thei ko u,” a ti hna.
(Mar 4:10-12; Luk 8:9-10)
10 A hnuzul hna nih an ra fuh i, “Zeicahdah bianabia in na chimh hna?” tiah an hal. 11 Hitihin a leh hna, “Nannih sinah cun vancung pennak biathli cu nan theih dingin chim a si; asinain hi hna theih awkin cun chim a si lo. 12 A ngeimi cu chap an si lai i a ngei chinchin lai; a ngei lomi tu cu a ngeihchun hmanh kha lakkanh a si lai. 13 Cucaah cun bianabia in ka chimh hna nak cu a si; an zoh ko nain an hmu lo; an ngai ko nain an thei lo i a hngalh zong an hngal lo. 14 Profet Isaiah chim chungmi kha hi hna cungah hin a tling:
‘Nan thei ko nain nan hngal thiam lai lo,
Nan hmu ko nain nan hmu thiam lai lo.
15 Mah hna hi an lung a caw,
An hna a ku i an mit an i chinh.
Cuticun rak si hlah seh law cu an mit nih a hmuh hnga i,
An hna nih a theih hnga,
An lung nih a hngalh hnga i,
Damter awkah keimah lei an hoih hnga’ a rak ti.
16 Nan mit cu thluachuakmi an va si dah, zeitintiah khua an hmu; nan hna cu thluachuakmi an va si dah, zeitintiah khua an thei. 17 Hihi philh hlah u, profet tampi le miding tampi hna nih nan thil hmuhmi hna hi hmuh an duh nain an hmu lo, nan theihmi hi theih an duh nain an rak thei lo,” a ti hna.
(Mar 4:13-20; Luk 8:11-15)
18 “Cucaah thlaici vorhtu bianabia sullam hi ngai tuah u. 19 Vancung pennak bia a thei ko nain a hngalthiam lomi hna cu mi òha lo pa a rat tikah an lung chung i tuh ciami cu a chuahpiak hna; cucu lamhril i a tlami thlaici sullam cu a si. 20 Lung lak i a tlami cu bia kha a thei i thanuam ngaiin a cohlang colhmi an si. 21 Sihmanhsehlaw hram a thlak lo caah a rau lo; vancung pennak kongah harnak le hremnak a phanh cangka a tlu zau. 22 Hling lakah a tlami cu bia kha a thei ko nain khuasak tintuknak i chawva duhnak nih a ngerh caah a thei a par kho ti lo. 23 Lei òha i a tlami cu bia kha a theih i a hngalthiammi kha an si; theipar zong a ngei. A cheu cu a let za, a let sawm ruk le a let sawm thum in an tlai.
24 “Bianabia dang a chim òhan, ‘Vancung pennak cu a lo chungah thlaici òha a vorhmi bantuk a si. 25 An i hngilh karah a ralpa a ra i rawlci lakah khan belhci a vorh i lo diam in a kal. 26 Rawl cu an hung kho i a vuih tikah belh zong cu a hung lang ve. 27 A salle an ra i, ‘Bawipa na lo chungah khan thlaici òha na vorh ko òung, zeitindah belh hi an kheuh ve kun,’ an hung ti. 28 Anih nih, ‘Ral nih a tuahmi a si,’ a ti hna. A sal hna nih cun ‘A si ahcun kan va bawh dih kun lai maw?’ tiah an hal. 29 Bawt hlah, belh nan bawh ahcun rawlkung nan bawh chih sual hnga, rawl òuan cut tiang òhang òi rih ko hna seh. 30 Rawl òuan tikah rawl òuantu kha, ‘Belh kha bawt hmasa u law mei ah khangh dingin tom hna u, rawl cu ka rawlbuk ah va rawn u,’ ka ti hna lai,” a ti hna.
(Mar 4:30-32; Luk 13:18-19)
31 Jesuh nih bianabia dang pakhat a chim òhan: “Vancung pennak cu mi nih anòam ci a lak i a lo ah a vorhmi he a lo. 32 Thlaici vialte lak ah a hme bik a si ko nain a hung òhan tikah cun an hringso vialte lakah kung ngan bik ah a cang. Thingkung ah a cang i vate zong nih a nge ah bu an ser tawn,” tiah a ti.
(Luk 13:20-21)
33 Bianabia dang in a cawnpiak hna, “Vancung pennak cu nu pakhat nih changvut rel thum chungah a phulhmi a thawhtertu thilnu he aa lo,” a ti.
(Luk 4:33-34)
34 Cu vialte cu Jesuh nih bianabia in a chimh hna; bianabia loin zeihmanh a chim hna lo. 35 Cucu profet rak chimmi a tlinnak hnga caah khan a si:
‘Bianabia in ka kaa ka pau lai,
Vawlei sem thawk in aa thupmi bia cu
Ka phuan cang lai,’ a rak ti.
36 Mizapi cu a kaltak hna i inn ah a lut, a hnuzul nih an run fuh i, “Lo chung belh bianabia sullam kha kan chim tuah,” an ti. 37 Hitihin a chimh hna. “Thlaici òha a vorhtu cu Mi Fapa hi a si, 38 lo cu vawlei hi a si. Thlaici òha cu vancung pennak fale an si; 39 belhci vorhtu ral cu khuachia a si. Rawl òuan caan cu caan dongh a si i a òuantu cu vanmi an si. 40 Belh cu an tom i an khangh bantuk cun caan dong tikah cun a si te lai. 41 Mi Fapa nih vanmi kha a fial hna lai i a vancung pennak chung i sualnak le òhat lonak a tuahtu vialte hna kha an pumh hna lai i 42 meiphu chungah an paih hna lai; cuka ah cun òap in an hacang an i rial lai. 43 Cu tikah miding hna cu an Pa pennak chungah ni bangin an tlang cang lai. Hna a ngeimi nih cun thei ko u,” tiah a ti hna.
44 “Vancung pennak cu lo i phummi rothil he aa lo, pakhat pa nih a va hmuh i a chilh òhan; thanuam ngaiin a kal i a ngeihmi vialte kha a zuarh dih hnuah lo cu a va cawk.
45 “Cun vancung pennak cu tikep lung phun òha a kawlmi chawlet pa he aa lo; 46 a man a sung ngaimi tikep lung pakhat a hmuh i a ngeih vialte a zuarh dih i a va cawk.
47 “Vancung pennak cu rili chung i chehmi, nga phun zakip a khuhmi, sur he aa lo fawn. 48 A khah tikah tikam ah an hnuh i an òhu i nga cu an thim; a òhami paoh kha bawm chungah an sanh i a òha lomi paoh kha an hlonh. 49 Chan dongh tikah cu bantuk cun a si te lai. Vanmi an hung chuak lai i miding mi hna lak khan mi òha lo hna cu an òhen hna lai. 50 Meiphu chungah an paih hna lai i cuka ah cun òap in an hacang an rial lai.
51 Jesuh nih, “Cu vialte cu nan theithiam cang maw?” tiah a hal hna. Annih nih, “Thei thiam ko,” an ti. 52 “Cucaah phung cawnpiaktu, vancung pennak kong cawnpiak ciami paoh cu a hlawn bukbau chungin thil hlun he thil thar he a chuahmi inntekpa he aa lo,” tiah a ti.
(Mar 6:1-6; Luk 4:16-30)
53 Jesuh cu bianabia a chim dih in cuka cun a chuak. 54 An khua a va phan i an sinakok ah khan a cawnpiak hna i an lung a suk ngai hna. “Hi pa nih hin hi fimnak le thil pipa tuah khawhnak hi khuazei in dah a lak hnga? 55 Zungthiampa fapa kha a si ko lo maw? Mary hi a nu a si ko lo maw? Jeim, Josef, Simon le Judah hna hi a naule an si ko lo maw? 56 A farle zong kan sinah an um ko lo maw? Hi thil vialte hi khuazei ah dah a vaa lak hnga?” an ti i, 57 an cohlang kho lo. Jesuh nih a thawh hna i, “Profet cu amah khua le a chungkhat hna sin dah ti lo ah cun upatnak hmuh loin a um lo,” a ti hna. 58 An zumh lo caah cuka ah cun rian pipa tampi a tuah lo.