7
(Mat 15:1-9)
1 Farasi hna le Jerusalem in a rami phung cawnpiaktu cheukhat hna cu an run in a sinah an ra;
2 a hnuzul hna nih kut òawl loin kut thurpi he rawl an ei kha an hmuh hna.
3 (Farasi le Judah vialte hna nih cun pupa rophung ningin kut òawl loin an ei bal lo;
4 Cun chawdawr in an rak òin tikah i thianhnak an tuah hmasa lo ahcun rawl an ei phung a si lo; cu pinah pupa rophung an ulhmi tampi a um rih, hraite hna umte hna darumte hna òawl kha an si).
5 Cucaah Farasi hna le phung cawnpiaktu hna nih cun, “Zeitindah na hnuzul hna nih pupa rophung ul loin kut thurpi he rawl an ei?” an ti. Hitihin a leh hna,
6 “Mi ziathiam hna, Isaiah nih nan kong ah
a chimmi hi a dik taktak:
‘Hi hna nih hin an ka in an ka upat nain
An thinlung cun an ka hlat òung.
7 An ka biaknak hi pakpalawng a si.
8 Minung serchom phung kha Pathian nawlbia khan in an cawnpiak hna,’ a rak ti. Pathian nawlbia kha nan kaltak i pupa rophung tu kha nan i tlaih,” a ti hna.
9 “Nan pupa rophung i tlaih khawhnak dingah nawlbia merh cu nan thiam ko.
10 Moses nih khan, “Na nu le na pa kha va upat hna, a nu siseh a pa siseh, a thangchiatmi cu a thi lai,” a ti.
11 Nannih tu nih cun nan i thawh i, ‘Mi pakhat nih a pa asiloah a nu sinah ka sinin a miak na hmuh khawh ding thil cu Korban a si, (Pathian sinah pek a si cang, tinak a si) a ti ahcun—
12 cun a nu zong a pa zong bawmh nan sianh ti hna lo.
13 Cucaah nan pupa rophung ruangah Pathian bia cu nan hlohthlau, cuticun voi tampi nan tuah tawn,” a ti hna.
(Mat 15:10-20)
14 Mi hna cu a sinah a auh òhan hna i hitihin a ti hna, “Nan dihlak in ka bia hi ngai u law hngalthiam u;
15 ka in a lutmi a leng thil nih cun mi a thurter lo i ka in a chuakmi tu nih a thurter,” a ti. + 7.16 kut in òialmi Cathiang a òha bik ah hme 16 aa tel lo.\xq \xv 16\xv* Mizeihmanh theihnak hna a ngeih ahcun theihter u.\x*
17 Cun innchung ah a lut i zapi kha a kaltak hna tikah a hnuzul hna nih cu bianabia kong cu an hal.
18 A thawh hna i, “A si ah nannih zong nan thei ve rih kun lo mu? Lenglei in chungah a lutmi nih mi a thurter kho lo,
19 zeitintiah a lung chungah a lut lo, a paw chung tu ah a lut i a chuak òhan ko, ti hi nan hngal lo maw?” a ti hna.
20 (Ei awk paoh cu a thiang a ti duhnak a si). A thawh hna i, “Minung chungin a chuakmi nih minung cu a thurter.
21 Zeitintiah a chung lei, minung lung chungin ruahnak thur, nu le pa sualnak, firnak, lainawnnak, òangdangpomnak,
22 hngarnak, òhat lonak, hlenthawinak, hornak, nahchuahnak, mi thangchiatnak, porhlawtnak le ningcang lo khuasaknak te hna an chuak.
23 Hi bantuk thil òha lo vialte hna hi a chunglei in a chuakmi a si i minung a thurter,” tiah a ti.
(Mat 15:21-28)
24 Cuka cun aa thawh i Tair le Sidon peng ah khan a kal. Inn pakhat ah a lut i ahohmanh a umnak hngalhter kha a duh hna lo nain aa thup kho lo.
25 A rauh hlanah a fanu te thlarau thur nih a tuahmi minu nih khan a thawng a theih cangka a ra fuh i a ke hramah a ra bawk.
26 Cu nu cu Grik mi, Sirofonisia mi phun a si. Cu nu nih cun a fanu chung i khuachia chuahpiak awkin a nawl.
27 Mah nu sinah cun, “Mah fale kha rawl pek hmasa awk a si; zeitintiah mah fale kha rawl lakkanh in uico pek phung a si lo,” a ti.
28 Sihmanhsehlaw minu nih cun, “A si ko, Bawipa; sihmanhsehlaw cabuai tang a ummi uico nih cun fale rawl òiltlawt cu a char ve tawn ko,” tiah a leh.
29 Jesuh nih mah minu cu “Inn ah va òin ko, mah na chim ruangah hin na fanu chungin khuachia kha a chuak cang,” tiah a ti.
30 A va òin i a fanu cu khuachia nih a rak chuahtak i ihkhun i a rak ih ko kha a hmuh.
31 Tair peng cun a kir òhan i Sidon peng a pal i Dekapolis ram òol pah in Galilee rili a phan òhan.
32 Hnachet, a holh zong a fiang lomi an ratpi i a cungah kut chuan awk an nawl.
33 Zapi sin cun amah lawngte hmun dang deuhah a kalpi i a hnakhaw chung cu a kut dongin a sawh; a cil a chak i a lei a tongh;
34 van lei zoh in a thaw fakpi in a chuah i mipa sinah cun “Effatha” a ti.
35 Cucu “I hung tuah,” tinak a si. Cun a hna a awng, a lei aa samh i fiang tein a holh kho.
36 Ahohmanh chimh lo dingin bia a beoh hna, asinain a thlauh deuh hna paoh ah an chim chinchin. Chim khawh lo tiangin an khuaruah a har.
37 “A tuahmi thil hi an òha hringhran; hnachet khua a theihter hna, a holh kho lomi zong a holhter hna,” an ti.