6
(Mat 13:53-58; Luk 4:16-30)
Cuka cun a chuak i an khua ah a tlung; a hnuzul hna nih an zulh. Sabbath a hung si i sinakok ah a cawnpiak hna, a theimi vialte an lung a suk ko hna i, “Khuazei ah dah hi pa nih hin hi thil vialte hi a va lak hnga? Zei fimnak dah a va hmuh? Zei khuaruahhar dah a kut in a tuah hi! Mary fa zungthiampa kha a si lo maw? Jeim, Joses, Judas le Simon hna an unau kha a si lo hlah i? A farle zong kan sin i a um komi hna hi an si lo maw?” an ti. Zei ah an rel lo. Jesuh nih cun an sinah, “Profet cu amah ram le a chungkhat hna le a khua ah dah ti lo ahcun, upat loin a um bal lo,” a ti hna. Cucaah khika ah khan cun rian pipa zeihmanh a òuan kho lo; mizaw tlawmte cung belte ah a kut a chuan i a damter hna. An zumh lo caah khan a khuaruah a har ngaingai ko.
Khuate a kenkip ah a tlawng i a cawnpiak hna.
(Mat 10:5-15; Luk 9:1-6)
Hleihnih hna kha a auh hna i a khuahkhuah in a thlah hna i thlarau thur cungah nawlngeihnak a pek hna. An khualtlawnnak ah òhiangòhunh dah ti lo cu riahcaw siseh, zal siseh, an zal chungah tangka zong siseh, ken lo dingah bia a beuh hna; kedan danh tu cu a fial hna i angki a khethuan phorh lo dingin a cah hna. 10 “Nan tluninn kha nan kal hlan paoh cu va chuahtak hlah u. 11 Tluninn an in awnh hna lo i nan bia zong an ngaih duh lo ahcun nan chuah tikah nan ke i leidip kha va khawng ta u; cucu an caah bia theitu si te seh,” a ti hna. 12 Cuticun an chuak i nunòhinhnak phung an chim. 13 Khuachia tampi an chuah hna i a zawmi tampi sathau an thuh hna i an damter hna.
(Mat 14:1-12; Luk 9:7-9)
14 Jesuh cu a min a than ngai cang caah Herod siangpahrang zong nih a rak theih ve. “Baptisma petu Johan kha a nung òhan i hi bantuk thil ti khawhnak hna a ngeih hi a si ko lai,” a timi an um; 15 a dang nih “Elijah a si,” an ti. A cheu nih “Hlan lio profet bantuk profet pakhat a si ko,” an ti. 16 Sihmanhsehlaw Herod nih a theih tikah, “A lu ka tanmi Johan kha a nung òhan,” a ti ve. 17 Zeitintiah a naupa Filip nupi Herodias a rak òhit ruangah khan Johan cu a tlaihter hna i thong ah a rak thlak. 18 Zeitintiah Johan nih khan Herod cu, “Na nau nupi na chuh hi a phung a si lo,” a rak ti caah a si. 19 Cucaah Herodias nih khan Johan cu a lung in a uam i thah a duh. Sihmanhsehlaw a rak that kho lo; 20 zeitintiah Johan cu miding le mithiang a si ti kha Herod nih a hngalh caah a òih i a rak humhak peng. A bia a theih fate lung sivang in a um nain a chimmi kha ngaih a duh fawn. 21 Sihmanhsehlaw caan rem a hung chuak. Herod nih a chuahcam lawmhnak caah a uknak lei bawi upa, a ralbawi le Galilee ram upa hna caah rawldanghnak puai a tuah. 22 Herodias fanu cu a rung lut i a lam; Herod le a sawmmi hna cu an lung a ton tuk hna caah ngaknu cu Herod nih, “Na duhmi paoh ka hal law kan pek lai,” a ti. 23 “Na ka halmi paoh, ka pennak cheukhat tiang hmanh kan pek lai,” tiah aa kam fawn. 24 Cun ngaknu cu a chuak i a nu sinah, “Zeidah ka hal lai?” a va ti. A nu nih, “Baptisma petu Johan lu,” a ti. 25 Siangpahrang sinah cun a kir zokzok i, “Baptisma petu Johan lu atute ah darkho in rak ka pe,” tiah a hal. 26 Siangpahrang cu a awlok a chong, sihmanhsehlaw a biakam ruang le rawldum a sawmmi hna hmaikhah lo ah, al a si kho ti lo. 27 Siangpahrang nih zokzok in ralveng ralkap a hei thlah i Johan lu cu hun put awkah nawl a pek. Thonginn ah a va kal i a lu cu a va tan. 28 Darkho in a hun put i ngaknu cu a pek i ngaknu nih cun a nu a hei pek chin ve. 29 A hnuzul hna nih cu kong cu an theih tikah Johan ruak cu an va lak i thlan ah an vui.
(Mat 14:13-21; Luk 9:10-17; Jhn 6:1-14)
30 Lamkaltu hna cu Jesuh sinah an ra kir i an chimmi le an tuahmi kha an hung chimh. 31 Hitihin a ti hna, “Hmunking ah nanmah lawng tein ra u law tlawmpal in i din rih u,” a ti. Zeitintiah mi tam tuk an chuak an lut i ei caan le um awl caan an ngei hrimhrim lo. 32 Cun anmah telawng in hmunking ah lawng in an kal. 33 Mi tampi nih an hngalh cang hna i an kal kha an hmuh hna caah khua kip in an ke in an dawi hna i an hlanah an rak phan. 34 Lawng in a hung òum ah cun mi runpi a hmuh hna; khaltu ngei lo tuu bantuk an si caah a zaang an fak i thil tampi a cawnpiak hna. 35 Khua a tlai cun a hnuzul hna kha a sinah an ra i, “Hihi ramlak hmunking a si i khua zong a hnu cang; 36 pawngkam khua hna ah hin ei awk vaa cawk awkah kalter hna,” an ti. 37 Jesuh nih, “Nanmah nih ei awk zeital pe hna u,” a ti. Annih nih “Danari zahnih man rawl kan va cawk lai i maw ei awkah kan pek hna lai?” tiah an leh. 38 Jesuh nih, “Changreu hlum zeizat dah nan ngeih? Va zoh hnek u,” a ti. An ngeih zat an hngalh cun, “Changreu hlum nga le nga fang hnih,” tiah an va chimh. 39 Cun ramhring cungah a runrun in a òhut ter hna. 40 Cucaah zakhat phu sawm nga phu tiin an òhu. 41 Changreu hlum nga le nga fang hnih cu a lak i van lei zoh in thluachuahnak a hal hnuah a cheu i a hnuzul hna kha zapi hmai i hunh awkah a pek hna. 42 Nga fang hnih kha an dihlak tein a cheuh dih hna. 43 An dihlak in an ei i an khim dih; an ei hlei cu an khawmh tikah chang he nga he sei hleihnih a khat. 44 A eitu cu patling lawngte thong nga an si.
(Mat 14:22-32; Luk 6:15-21)
45 Mizapi a òinter cuahmah lio hna ah khan a hnuzul hna cu ralkhat lei Bethsaida i rak kal chung dingin lawng ah a luhter colh hna. 46 Zapi a thlah dih hna hnuah thlacam awkin tlang ah a kai 47 Cun zanlei a hung si cang i lawng cu ti cungah hla nawn a kal cang nain anih cu amah lawngte tlang ah cun a um ko rih. 48 Lawng cu thli nih ralkah in a hun hranh caah lawng zah an i harh tuk kha a hei hmuh hna. Fingreicat hrawngah khin a ke in ti cung cun an sin leiah cun a kal. Lanhtak a timh hna; 49 sihmanhsehlaw ti cungin a kal kha an hmuh tikah mithla ah an rel i an ai. 50 Amah a si kha an hmuh tikah an ning a òi dih. A hei chawnh zau hna i, “Nan thinphang hlah u, keimah ka si, òih awk a si lo,” a ti hna. 51 An sinah lawng chungah cun a lut i thli cu a dai. An khuaruah a har tuk i an ar ko. 52 Zeitintiah changreu kong kha an ruahnak nih a phan kho lo, asinain an lungthin cu a òhawnter ngaingai.
(Mat 14:32-36)
53 Rili cu a hei tan i khattelei ral, Genesaret ah an phan, an lawng cu tikam ah an hren. 54 Lawng chungin an hung chuah ah khin amah a si kha an rak hngalh colh, 55 cu khua hrawng vialte ah cun an va le i an mizaw hna kha Jesuh a um ti an hngalhnak paoh ah an ihphah he an hun chuahpi hna. 56 Khuate he khuapi he ramlak zongah a phanhnak paoh ah khan, dawrtluan ah an mizaw hna cu an rak chiah hna i a puanhmum te tal tongh awkah an ra nawl; a tawngmi paoh cu an dam dih colh.