3
(Mat 12:9-14; Luk 6:6-11)
Cun sinakok ah a va lut òhan i cuka ah cun kutzengpa pakhat a rak um. Amah sualphawt duh ah sabbath ni ah a damter le damter lo kha an ngiat peng. Kutzengpa cu a thawh i, “Hika ah hin ra tuah,” a ti. Mizapi sinah cun, “Sabbath ah hin thilòha tuah maw a phung a si deuh thil òha lo tuah dah, mi khamh maw a phung a si deuh, mi thah dah?” a ti. Asinain an dai dep ko. An lung khawn kha a hngalh tikah a ngaih a chia i thinhung ngaiin a zoh hna hnuah mipa cu, “Na kut samh,” a ti. A hun samh i a kut cu a dam dep ko. Farasi hna cu an chuak i amah thah awkin Herod mi hna he khan khua an khang colh.
Jesuh cu a hnuzul hna he khan rili kam leiah an i zuk i Galilee ram mi tampi nih an zulh. Cun Judea ram mi zong an i tel. Jerusalem, Idumea, Jordan varal, Tair le Sidon hrawng i a ummi hna khua zongin mi tampi nih a tuah sermi kong kha an theih tikah an ra ve. Mi an tam tuk caah an ka cilnan sual lai tiah a hnuzul hna kha lawng pakhat rak timh awk a fial hna. 10 Mi tampi a damter hna i rai a ngeimi vialte nih khan tongh duh ah an naih chin lengmang caah a si. 11 Thlarau thur hna zong nih khan an hmuh tik paoh ah a hmaiah an bawk i, “Pathian Fapa na si,” tiah an au. 12 Cucaah aho a si kha chim a thlauh hna.
(Mat 10:1-4; Luk 6:12-16)
13 Cun tlang ah a kai i a duh deuhdeuh mi kha a auh hna i a sinah an kal. 14 Phungchim dingah amah sin um ding hleihnih a thim hna, lamkal a ti hna i 15 khuachia òhawl khawhnak nawl a pek hna. 16 Mah hna cu Simon, (Peter tiah minkep a sakmi) Zebedi fapa Jeim le Jeim unau Johan, 17 Bonergia tiah minkep sakmi (khuari fa ti can a si). 18 Andru, Filip, Bartholomew, Matthai, Thomas, 19 Alfeas fapa Jeim, Thaddaius le phunòanh Simon le amah rawitu Judas Iskariot te hna an si.
(Mat 12:22-32; Luk 11:14-23, 12:10)
Cun inn ah a òin; 20 mirunpi kha a sinah an ra òhan i rawl hmanh an ei thiam lo. 21 A chungkhar hna nih an theih tikah, “A hruh cang cu ta,” an ti i tlaihkhip i tlunpi awkin an va fuh. 22 Jerusalem in a rami phung cawnpiaktu hna nih cun, “Beelzebul nih a tuah, khuachia bawi thawngin pei khuachia a rak òhawl ko hi,” an ti. 23 Mah hna cu a auh hna i bianabia in, “Zeitindah Satan nih Satan cu a òhawl khawh? 24 Pennak pakhat cu amah le amah aa òhen ahcun a hmun kho lo. 25 Chungkhar pakhat zong anmah le anmah an i òhen ahcun cu chungkhar cu a hmun kho lo. 26 Satan zong amah le amah aa doh i aa òhen ahcun a hmun lai lo, a loral ko lai. 27 Mi òhawngpa cu an òem hmasa lo ahcun ahohmanh nih a inn ah lut in a thil an la kho lai lo; an òem dih hnuah cun an ramh dih khawh ko hnga.
28 Biatak tein ka chim, sualnak vialte le chiatkhatnak an chimmi a zeipaoh cu ngaihthiam a si lai; 29 sihmanhsehlaw Thiang Thlarau cungah chiatkhatnak a chimmi cu ngaihthiam an si lai lo, zeitintiah zungzal a nguhmi sualnak an tuah a si,” a ti. 30 ‘Thlarau thur nih a tuah,’ an ti caah hiti bia a chimnak cu a si.
(Mat 12:46-50; Luk 8:19-20)
31 A nu le a naule an ra i inn lengah an dir i ra chuak ta seh tiah bia an hei cah. 32 Mi runpi a velchum ah an òhu i, “Na nu le na naule rual inn lengah an um ko, an in hlam,” tiah an chimh. 33 “Ka nu le ka naule cu ahodah an si?” tiah a leh hna. 34 A velchum ah a òhumi hna cu a zoh duahmah hna i, “Hika ah hin ka nu le ka nau le an um ko. 35 Pathian duhnak a tuahmi paoh cu ka unau le ka far le ka nu an si,” a ti hna.