16
(Mat 18:1-8; Luk 24:1-12)
1 Sabbath ni a dih tikah Mary Magdaline le Jeim nu Mary le Salome cu an va kal i a ruak thuh awkah rimhmui kha an i cawk.
2 Cun nizarh a hmasa bik ni ni chuahkate ah thlan cu an va phan.
3 “Thlan innka khar lungpi kha aho nih dah an kan hunpiak lai?” tiah an i ceih lengmang.
4 An hun zoh tikah lung a ngan ngaingaimi thlankhar cu hun cia in an hmuh.
5 Thlan chungah cun an lut i tlangvalpa puan rang aih in orhlei kam i a òhut ko kha an hmuh, an khuaruah a har ko.
6 Tlangvalpa nih cun, “Nan khuaruah har hlah u, vailam ah an thahmi Nazareth khuami Jesuh kha nan kawl a si lo mei? A tho òhan cang, hika ah hin a um ti lo; an chiahnak khi hei zohhmanh u.
7 Va kal u law a hnuzul hna le Peter kha, an chimh cang hna bang khan Galilee ah a kal chung lai i cuka ah cun nan hmuh lai, tiah va chim hna u,” a ti hna.
8 An tha a therh hna, an lau i thlan cun an chuak i an le; aho sin hmanh ah zeihmanh an chim lo, an òih tuk hringhran.
A TAWI DEUHMI A DONGHNAK
[Sihmanhsehlaw an sinah a chimhmi hna cu Peter le a hawile sinah khan tawi tein an va chim chin.
Cu hnu cun amah Jesuh hrimhrim nih a hmunmi le a rawk kho lomi khamhnak bianung cu nichuahlei in nitlaklei tiang, cu hna hmang cun a thanh.]
A SAU DEUHMI A DONGHNAK
9 [Zarh a hmasa bik ni zingkate i a thawhòhan tikah thlarau thur pasarih a chuahpiakmi Magdalene khuami Mary sinah a lang hmasa.
10 Jesuh hawile, mithi ngai in a òap lengmang komi hna sinah cun Mary cu a va kal i a va chimh hna.
11 Sihmanhsehlaw, a nung òhan i a sin zongah a lang, ti an theih tik hmanh ah khan an zum kho lo.
Zultu Pahnih Sinah Jesuh A Lang
(Luk 24.13-35)
12 Cu hnu cun anmah lak i pahnih, khua lei i a tlungmi hna sin zongah muihmel phun dang piin a lang.
13 Cu hna zong nih cun midang hna cu an ra chimh hna, asinain, an zum ve hlei lo.
Jesuh Nih Zultu A Thlah Hna
(Luk 24.13-35)
14 Cu hnuah cun hleikhat hna sinah rawl an ei lioah a lang i a thawhòhan a hmumi hna chimmi an zumh lo le an lung khawn ruangah khan a mawhchiat hna.
15 Cun hitihin a ti hna: “Vawlei khua zakip ah va kal u law sermi vialte sinah Thawngòha hi va chim hna u.
16 A zum i baptisma a ingmi paoh cu khamh an si lai i a zum lomi paoh cu hlawt an si lai.
17 Hi khuaruahhar hmelchunhnak hna hi a zummi sinah a um lai: ka min in khuachia an òhawl hna lai, holh thar in an holh lai.
18 An kut in rul an tlaih lai i zei bantuk thihsi hmanh ding hna seh law an thi lai lo; a zawmi hna cungah an kut an chuan lai i an dam lai,” a ti hna.
19 Cu ti an sin i bia a chim dih hnu cun Bawipa Jesuh cu van ah lak a si i Pathian orhlei ah cun a hung òhu.
20 Annih zong cu an kal i khuazakip ah phung an chim, Bawipa nih a òuanpi hna i an chimmi kha hmelchunhnak in a fehter lengmang. Amen.]