MARKA
Òialmi Thawngòha
1
(Mat 3:1-12; Luk 3:1-18; Jhn 1:19-28)
1 Pathian Fapa Jesuh Khrih thawngòha aa thawknak cu hitihin a si.
2 Profet Isaiah cauk ah:
“Zohhmanh, na hmaiah ka lamkal ka thlah,
Amah nih cun na lam a rak sial lai.
3 Ramlak i mipa au aw nih cun,
‘Bawipa lam rak remh u;
A kalnak ding lam rak dinter u,’
tiah a rak ti bang khan
4 baptisma petu Johan cu ram lakah a hung chuak i sual ngaihthiamnak caah nunòhinh in baptisma innak phung a chim.
5 Judea ram a kenkip mi le Jerusalem mi vialte nih an panh i an sualnak an i phuan hnuah Jordan tiva ah baptisma a pek hna.
6 Johan cu kalauk hmul in tahmi puan aa hruk, saphaw taisawm aa sawmh i khaubok le ramlak khuaihliti in a nung.
7 Phung a chim i, “Keimah nakin a lianngan deuhmi ka hnu in a ra lai i kei cu a kedan hri phoih awk hmanh ah kaa tlak lo.
8 Kei nih cun ti in baptisma kan pek hna, anih tu nih cun Thiang Thlarau in baptisma an pek hna lai,” a ti.
(Mat 3:13-17; Luk 3:21-22)
9 Kha caan lioah khan Jesuh cu Galilee ram Nazareth khua in a ra i Johan nih baptisma a pek.
10 Ti chungin a hung chuah cangka van aa hung i òhuro bantukin Thlarau a rung òum kha a hmuh.
11 Van cun aw pakhat nih, “Nang cu ka dawt cikcekmi ka Fapa na si, ka lung na ka tong ko,” a ti.
(Mat 4:1-11; Luk 4:1-13)
12 Thlarau nih ram lakah a kalter colh i
13 cuka ah cun ni sawm li a um i Satan nih a tukforh. Saram lakah a um i vanmi nih an rung bultawl.
(Mat 4:12-17; Luk 4:14-16)
14 Johan kha thong i an thlak hnuah Jesuh cu Galilee ram ah a ra i Pathian thawngòha kha a chim.
15 “A caan a tling cang, Pathian pennak a nai cang, nan nunòhin u law thawngòha cu zum tuah u,” a ti hna.
Jesuh Nih Zultu Hmasa Bik A Auh Hna
(Mat 4:18-22; Luk 5:1-11)
16 Galilee rili a pal pah lioah Simon le a unau Andru cu ngatlai an si bantukin rili ah an sur an cheh kha a hmuh hna.
17 Jesuh nih, “Ra ka zul u, mitlai ah kan ser hna lai,” a ti.
18 An sur an chiah duak i an zulh.
19 A va kal deuh i Zebedi fapa Jeim le a nau Johan hna kha lawng cungah an sur an rak tholh len ko kha a hmuh hna.
20 A auh colh hna i an pa Zebedi le hlawh phalh in an fialmi hna cu an lawng chungah kaltak in Jesuh cu an zulh.
(Luk 4:31-37)
21 Cun Kapernaum khua ah an kal i sabbath ni a hung si tikah sinakok ah a lut colh i a cawnpiak hna.
22 Phung cawnpiaktu hna bantuk si loin nawlngei ngai in a cawnpiak hna caah a cawnpiaknak hna ah khan an khuaruah a har ko.
23 Cu lioah cun an sinakok ah thlarau thur nih a tuahmi a rak um i
24 “Nazareth Jesuh, zeitindah na kan tuah hnek? Kanmah hloh awkah maw na rat? Ahodah na si ti kan hngalh. Pathian Mi Thiang na si,” tiah a au.
25 Jesuh nih a thawh i “Dai ko; mipa chung khan chuak,” tiah a hro.
26 Thlarau thur nih cun mipa cu òha loin a hnuhdawhter tak i fak piin a au buin a chuak.
27 An dihlak tein an khuaruah a har tuk caah anmah le anmah an i ceih i, “Hihi zeidah a si? Cawnpiaknak thar a si rua! thlarau thur hmanh nawlngei ngai in nawl a pek i an ngaih ko hi,” an ti.
28 A rauh hlanah a thawngpang nih cun Galilee ram hrawnghrang vialte a cul dih.
(Mat 8:17-18; Luk 4:38-41)
29 Sinakok cun a chuak zau i Jeim le Johan le tiah Simon le Andru te inn ah an va lut.
30 Simon pi (a nupi i nu) cu raifanh in a rak rilh ko caah a kong an chim colh.
31 A hei fuh zau i a kut in a tlaih i a thawh. A tak linh cu a dai dep i a bultawl hna.
32 Cu zanlei nitlak hnuah khin mizaw paoh le khuachia tuahmi vialte hna cu a sinah an ratpi hna.
33 A khuapi in innka hram khat in an ra i pum.
34 Rai phunkip in a zawmi kha a damter hna i khuachia aa hrolhmi tampi zong a chuahpiak hna. Amah cu an hngalh caah khuachia hna cu biachim a thlauh hna.
(Luk 4:42-44)
35 A thaizing, zingka khua ceu hlanpi ah a tho i hmunking ah a kal i thla a cam.
36 Simon le a hawile nih khan an va kawl
37 i an va hmuh tikah, “A mi kip nih an in kawl,” an ti.
38 Sihmanhsehlaw Jesuh nih cun, “Kan pawngkam khua dang hna ah khin va kal u sih, khika hna zongah khin phung ka chim lai; zeitintiah mah cu caah cun ka ra,” a rak ti hna.
39 Cuticun Galilee ram vialte an sinakok ah lut in phung a chimh hna i khuachia zong a chuah hna.
(Mat 8:1-8; Luk 5:12-16)
40 Mithinghmui pakhat a sinah a ra i khuk bil in, “Duh law cu na ka thianter khawh ko hnga,” tiah a ra nawl.
41 A zaang a fah caah a hei banh i a tongh, “Ka duhmi a si ko, thiang cang,” a ti.
42 Chikkhatte ah a thinghmui hma cu a thiang i a dam colh.
43 Fek tein bia a beuh i,
44 “Aho sin hmanh ah va chim hlah; tlangbawi sin tu ah va kal law vaa hmuhsak; mi hmaiah na thian cang hngalhnak ah Moses chimmi thiancheh phung thawinak kha va tuah,” a ti i a kalter colh.
45 A kal i cu kong cu a chim pah thluahmah caah a puangthang dih, cucaah Jesuh cu langhngan in khua ah a lut kho ti lo i hmunking deuh tu ah a um; a kenkip in an ra fuh òhiamòhiam.