7
An Hnabeidonghnak Cu Ruahchannak Ah Aa Thleng Òhan
Aize! Theikung cungah thei
zeihmanh a hmu ti lomi le
Mitsur ruang ah a thei zeihmanh
a hmu ti lomi
rawlòammi bantuk ka si ai cang.
Mitsur thei vialte le theipi
a thaw ngaingaimi cu
an lawh dih ai cang hna.
Ram chungah lihchim lomi
miding pakhat hmanh
an tang ti lo,
Pathian sin i zumhawktlak in
a ummi pakhat hmanh an um ti lo.
An dihlak in an thi dih ai.
Zeitik ah dah lainawnnak
caan òha ka hmuh lai ti lawng kha
an bawh cio ko,
Sakaptupa nih a rap chungah
foih awkah sa a hot hna bantukin,
u le nau kha pakhat le pakhat
i foih awkah an i hot.
Òhat lonak tuah kha a thiam
ngaingaimi an si dih.
Bawi nih si hna seh,
biaceihtu nih si hna seh,
ziknawh kha an duh dih.
Nawl ngeimipa nih khan
a duhnak kha a chimh hna i
hmunkhat ah khua an khang òi.
An lak i miòha bik hna le
lihchim lo bik hna hmanh kha
hlingbur bantuk an si.
Pathian nih dan kan tat hna lai tiah
ralrinnak a pek cang hna bangin
mi cu dan a tat hna lai ni kha
a phan cang.
Annih cu vansang au in
an um dih lai.
Na innpa kha va zum hlah,
na hawikom zong
vaa bochan hlah.
Na nupi sin i na chimmi hmanh
kha vaa ralring.
Zeicahtiah hi caan ah hin cun
fapale nih an pale kha
an thangchiat hna i
fanule nih an nule kha
an doh hna;
Fapa hna nupile nih
an vale nu kha an doh hna i
cucaah an ral hna cu anmah
innchungkhar mi lila kha an si. Ref 7.6: Mat 10.35-36; Luk 12.53
Sihmanhsehlaw kei cu
Bawipa kha ka kawl lai,
ka khamhtu Pathian cu ka hngah lai,
ka Pathian nih cun a ka theih lai.
Bawipa Nih Khamhnak A Ratpi
Maw ka ral hna, ka cungah
nan diriam hlah u;
Ka tlu cang, sihmanhsehlaw
ka tho òhan lai;
Atu cu muihnak chungah ka um,
sihmanhsehlaw Bawipa nih
ceunak a ka pek lai.
Bawipa cungah cun ka sual cang,
cucaah a thinhunnak cu tu
caan tlawmte chung cu ka in lai.
Sihmanhsehlaw a donghnak ah cun
keimah kha a ka òanh lai i
ka cung i òhat lonak an tuahmi vialte kha
ding tein a tuah òhan dih lai.
10 Khi tikah, “ Bawipa na Pathian cu
khuazei ah dah a um?” tiin
nehsawh zawmhtaih in
a ka timi ka ral hna nih khan
an vun hmuh lai i an ning a zak lai.
Annih cu an sungh i lam i
nawncek lakah lamhchih
an si kha ka hmuh hna lai.
 
11 Jerusalem mi hna, nan khua
ralhau remh òhannak caan cu
a phan lio cang.
Khi caan ah nan ram cu kauh a si lai.
12 Nan mi hna cu a kenkip in nan sinah
an ra kir lai § nichuahlei ah
Assiria in, thlanglei ah Izipt ram in,
a hlatnak rili in le tlang kip in
an ra kir lai.
13 Sihmanhsehlaw vawlei cu a cung i
a ummi minung hna òhat lonak
ruangah khan thetse ram ah
a cang lai.
Bawipa Nih Israel A Zaangfah
14 Bawipa, na mi na thimmi hna hi
nangmah nih khal hna.
Annih cu anmah lawngin ramlak ah
khan an um i ram hninghno nih
khan a kulh hna.
Hlan liopi ah an rak tuah bantuk khan
Bashan le Gilead i a ummi ramhno
lakah cun kalter hna law
tlonter hna.
15 Izipt ram in na rak chuah tikah
khuaruahharnak na rak tuah bantuk
khan kan caah khuaruahharnak
kan tuahpiak tuah.
16 Miphun dang hna nih khan hmu hna
seh law an thazang an i bochanmi
kha òhawng ko hmanh seh law
an thinphang hna seh;
An kaa kha i cip hna seh law
an hna kha i phit hna seh,
17 Rul bantukin leidip kha liak hna
seh law
Vawlei i a lawn in a lawnmi thilnung
bantukin vawlei kha ei hna seh.
Annih nih an ralhau chung khan
ther lengmang le phang lengmang in
hung chuak hna seh law
nangmah cu in òih hna seh,
Maw Bawipa kan Pathian.
 
18 Bawipa, nangmah bantuk Pathian
ahodah a um?
Nang nih cun kan òhat lonak kha
na kan ngaihthiam i na mi a tangmi
hna kan sualnak kha na lanhtak,
Na thinhunnak kha a zungzal in
linhter loin,
Aa thleng lomi na dawtnak tu kha
na kan hmuhsak.
19 Kan cungah zaangfahnak kha
na ngei òhan ko rih lai i,
Kan òhat lonak kha na òawl lai i
kan sualnak kha a thukmi
rili tawne ah na hlonh lai.
20 Kan pupa hna sinah chiatser in
bia na rak kam cang bantuk khan,
Na mi Israel mi kan cungah hin
zumhawktlak na sinak kha
na langhter lai i
kannih Abraham tefa hna hi
aa thleng lomi na dawtnak kha
na kan hmuhter lai.