6
Israel Cu A Mi Hna Sual Ruangah Mawhchiatnak A Hmu
1 Atu cu Bawipa nih a chimmi
bia hi thei tuah u:
Tho tuah law, Bawipa,
na bia cu chim tuah,
tlang hna khi na tehte si hna seh;
fing hna nih khin na chimmi cu
thei hna seh.
2 Nannih tlang ngan pipi hna,
zungzal in a hmunmi tung vawlei
a dohtu hna,
Bawipa bia hi thei tuah u;
Zeicahtiah Bawipa nih a mi hna
chalh awk bia a ngei i
cu bia cu Israel he an i al lai.
3 Maw ka mi hna, nan cungah
zei hen dah ka tuah?
Zeitindah nan tha kan batter hna?
Mah hihi ka let tuah u.
4 Izipt ram in kan chuahpi hna,
sal cannak ram in kan tlanh hna;
Nanmah hruai awkah Moses le Aaron
le Miriam kha ka thlah hna. Ref 6.4: Exo 4.10-16; 12.50-51; 15.20
5 Moab siangpahrang Balak nih nan
cungah tuah a timhmi kha
ruat tuah u, Maw ka mi hna;
Cun zeitindah Beor fapa Balaam nih
a leh kha ruat fawn tuah u;
Bawipa nih nanmah khamhnak caah
a tuahmi kha nan hngalh
khawh nakhnga,
Shittim in Gilgal tiang nan kalnak
kha ruat tuah u. Ref 6.5: Nam 22.2§24.25; Jos 3.1§4.19
Bawipa Duhmi
6 Bawipa cu ka fuh tikah
zeidah kaa put lai?
Cungsang ah a ummi Pathian hmaiah
zeitindah ka kun lai?
Khangh thawinak le kum khat a timi
cawfa hna he maw amah cu
ka fuh lai?
7 Bawipa cu tuukawng
a thongthong le chiti a tiva in
a luangmi kha pe ning law,
cucu maw a duhmi cu a si hnga?
Ka tuah sualmi tlanhnak caah
ka fapa upa bik cu maw
ka pekchanh lai?
Ka sualnak caah khan
ka fale cu maw amah cu
ka pekchanh hna lai?
8 Nannih hmunkip kaakip i
a ummi vialte hna,
Pathian nih cun thil òha kha
zeidah a si ti cu
an chimh cang ko òung hna;
An halmi hna cu, ding tein thil ti le
zaangfahnak ngeih le
nan Pathian hmai i toidor tein
khuasak kha pei a si ko cu.
9 Bawipa aw cu ngai hmanh u,
Amah min òih cu hlawhtlinnak a si.
Bawipa nih cun khualipi cu a thawh i,
10 “Khuapi chungah aa pummi hna
ngai hmanh u.
Miòhalo mi hna inn chungah dinlonak
in an lakmi ro chaw tampi an um.
Tahnak deu ka huatmi kha an hman.
11 Khing deu le cuai deu a hmangmi
hna kha ka ngaithiam kho hna
hnga maw?
12 Khuapi chung i mirum mi nih khan
sifakmi kha an hrem hna,
Cu hna cu mihrokhrawl lawngte
an si dih.
13 Cucaah atu cu nan sualnak ruangah
nan rawhnak ding kha
ka thawk cang.
14 A ei cu nan ei lai, sihmanhsehlaw
nan khim lai lo, nan rawl a òam
òhiamòhiam ko lai.
Nau nganfahnak cu nan in lai,
sihmanhsehlaw fa cu nan hring
hna lai lo,
Cun nan hrin hna hmanh ah vainam
sin tu ah khan ka pek hna lai.
15 Thlaici cu nan tuh lai,
sihmanhsehlaw nan zun lai lo,
Oliv chiti cu nan sur lai,
sihmanhsehlaw
nan hmang hna lai lo,
Mitsur thei cu nan nen hna lai,
sihmanhsehlaw a hang cu
nan ding hna lai lo.
16 Siangpahrang Omri
cawnpiaknak kha nan i ken,
A fapa Ahab le a innchungkhar nih
an tuahmi kha nannih zong nih
nan tuah ve;
An lam paoh kha nan zulh hna.
Cucaah nannih cu rawk
cikcek in kan òhio hna lai,
Miphun dang hna nih nannih cu
an in nihsawh hna lai i
an in serhsat hnanak cu
nan in lai,” a ti. Ref 6.16: 1Sia 16.23-34; 21.25-26