26
Pathian Nawlngaih Thluachuahnak
(Deu 7.12-24; 28.1-14)
1 “Nannih nih an hmai i kun awkah, siasal nan i ser lai lo i òialmi milem siseh, tung siseh, nan bunh lai lo, cun nan ram
chungah suaimi lung nan phun lai lo; zeicahtiah keimah cu
Bawipa
nan Pathian ka si.
Ref 26.1: Exo 20.4; Lev 19.4; Deu 5.8, 16.21-22, 27.1
2 Ka sabbath cu nan ulh hna lai i ka hmunthiang cu nan upat lai: keimah cu
Bawipa
ka si.
3 “Ka phunglam kha nan zulh hna i ka nawlbia kha nan ulh hna i nan tuah hna ahcun,
Ref 26.3-5: Deu 11.13-15, 28.1-14
4 nan ruahpi cu an caan te ah kan pek hna lai i ram nih hin tirawl an chuahpiak hna lai i nan lo chung thing hna nih thei an
tlai lai.
5 Nan facil nih cun mitsur lawh caan cu a hei phak lai i mitsur lawh caan nih cun thlaici thlak caan a phak lai; nan rawl
cu khim tein nan ei lai i nan ram chungah him tein khua nan sa
lai.
6 Cun ram chungah daihnak ka chiah lai i nan it lai i ahohmanh nih nan thin an in phanter hna lai lo; cun ram chungin
sahrang òhalo kha ka òhial hna lai i vainam kha nan ram chungah
aa chawk lai lo.
7 Nan ral kha nan dawi hna lai i nan hmaiah vainam in an tlu lai.
8 Nannih lak i panga nih 100 nan dawi hna lai i nannih lak i za khat nih thong hra nan dawi hna lai; nan ral hna cu nan
hmaiah vainam in an tlu lai.
9 Cun nannih cu hmaizahnak kan pek hna lai i kan punzamter hna lai i kan karhsoter hna lai i, nannih he ka biakamnak kha ka
fehter lai.
10 Cun saupi chiahmi rawl hlun khonmi kha nan ei lai i a thar chiahnak caah a lawnnak a um nakhnga a hlun cu nan chuah hna
lai.
11 Cun ka umnak cu nanmah lakah ka ser lai i ka nunnak nih an hua hna lai lo.
12 Nan sinah kaa chawk lai i kei cu nan Pathian ka si lai i nannih cu ka mi nan si lai.
Ref 26.12: 2Kor 6.16
13 Keimah cu Bawipa
nan Pathian, Izipt ram in an sal nan si nakhnga lo an
chuahpitu hna ka si; keimah nih nan seihnam hngawng kual cu ka
khiah cang i dingte i dir in kan kalter hna.
Nawlngaih Lonak Theitlai
(Deu 28.15-68)
14 “Sihmanhsehlaw ka bia nan ngaih lo i hi nawlbia vialte hi nan tuah hna lo i
15 ka phungbia kha zei i nan rel hna lo i nan nunnak nih ka phunglam kha a huat i cucaah ka nawlbia tuah duh loin ka
biakamnak lehlam kha nan hrawh ahcun,
16 kei zong nih mah hihi nan cungah ka tuah ve lai: Nan cungah khulrang òihnung, tlumralnak le, mit a hrawktu le nunnak
a zorter thluahmahtu ngornak ka tlunter lai. Cun nan thlaici
thlakmi cu pakpalawng a si ko lai, zeitintiah nan ral hna nih an
ei lai;
17 ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi
hna lo zongah nan zam lai.
18 Cun mah hi ti, ti zong i ka bia nan ngaih òhiamòhiam lo ahcun nan sualnak ruangah a let sarih in kan chimhhrin rih hna
lai i,
19 nan òhawnnak nan i porhlawtnak kha ka hrawh lai i nan van hna cu thir bantuk ah ka ser hna lai i nan vawlei cu dar bantuk
ah ka ser lai;
20 cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna
nih thei an tlai lai lo.
21 “Cun keimah ralchanh in nan kal i ka bia nan ngaih lo ahcun, nan cung ah hremnak, nan sualnak nakin a let sarih tam in
ka tlunter lai.
22 Nan lakah sahrang cu ka thlah hna lai i nan fale kha an in sehpiak hna lai, nan saòil kha an in hrawhpiak hna lai i an
in tlawmter hna lai, cucaah nan lam hna cu an òhing dih lai.
23 “Cun hi chimhhrinnak thawng zongin keimah leiah nan i mer hlei lo i keimah ralchanh in nan kal ko ahcun,
24 keimah zong nannih ralchanh in ka kal ve lai i keimah hrimhrim nih nan sualnak ruangah a let sarih in kan tuk hna lai.
25 Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun
nan lakah rai ka tlunter lai i nan ral hna kut ah khan nanmah cu
pek nan si lai.
26 Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan
changreu cu a khing thlai tein pek òhan nan si lai; cun nan ei
lai i nan i khimh lai lo.
27 “Cun mah hi ti, ti hmanh zong i ka bia nan ngaih hlei lo i keimah ralchanh in nan kal ko ahcun,
28 keimah zong thinhun in nanmah ralchanh in ka kal ve lai i keimah hrimhrim nih nan sualnak caah khan a let sarih in kan
chimhhrin hna lai.
29 Nan fapale sa kha nan ei lai i nan fanule sa kha nan ei lai.
30 Nan khuahrum bo cu ka hrawh hna lai i nan zihmui biakòheng cu ka hau dih hna lai i nan ruak cu nan siasal hna
ruak cungah ka hlonh hna lai i ka nunnak nih an huat hna lai.
31 Nan khua cu ka òiaoter hna lai i nan hmunthiang cu ka òhinter hna lai i nan rimthaw cu ka hnim hna lai lo.
32 Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.
33 Miphun hna lakah kan òhek hna lai i nan hnu in vainam kan zuhhnawh hna lai i nan ram cu a òhing lai i nan khua cu an
òiao lai.
34 “Cun ram nih cun nan ral hna ram i nan um chung, a òhin chung vialte cu a sabbath hna kha a rak i lawmhpi lai; ram cu aa
din lai i a sabbath hna cu aa lawmhpi lai.
35 A òhin chung vialte cu aa din ko lai; a chungah nan um lio i nan sabbath kum hna ah ram nih a hmuh lomi dinhnak cu a
hmuh lai.
36 Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng
nih a zamter hna lai i vainam lak i zam bantukin an zam lai i
ahohmanh i dawi lo ah an thi lai.
37 Ahohmanh i dawi òung lo ah vainam he dawi bantukin pakhat le pakhat an i rilhhnawh lai i nan ral hna hmai i dir awkah
òhawnnak nan ngei lai lo.
38 Cun miphun hna lakah nan loral lai i nan ral hna ram nih khan an ei dih hna lai.
39 Cun nannih lakin a tangmi hna cu nan ral hna ram chungah, an òhat lo ruangah an loral chin lengmang lai; cun an pupa hna
òhat lo ruang zongah, anmah bantukin an loral lai.
40 “Sihmanhsehlaw keimah cung i rawinak an tuahnak le keimah ralchanh in an kalnak chung i an tuahmi òhat lonak le an pupa
hna òhat lonak,
41 cu ruang i anmah ralchanh in ka kal i an ral hna ram chung i ka luhpinak hna cu an i phuan i cuarpar tan lo an lung cu a nem
i an òhat lonak kha an i remh ahcun;
42 cu tikah cun Jakob sin i ka biakam kha ka hngalh òhan lai, Isak sin i ka biakam le Abraham sin i ka biakam kha ka
hngalh òhan lai i ram kha ka hngalh òhan lai.
Ref 26.42: Gen 17.7-8, 26.3-4, 28.13-14
43 Sihmanhsehlaw ram cu an kaltak lai i anmah um loin a òhin lioah a sabbath hna cu aa lawmhpi lai; cun ka phunglam kha zei ah
an rel lo i an nunnak nih ka nawlbia kha an huat caah an
òhat lonak dantatnak cu an co lai.
44 Asinain cu vialte ruang hmanh ah cun, an ral hna ram chung i an um tikah, ka hlaw hna lai lo, annih kha hrawh cikcek i
annih he ka biakam kha hrawh tiangin ka hua fawn hna lai lo;
zeitintiah keimah cu
Bawipa
an Pathian ka si.
45 Sihmanhsehlaw anmah zawnruah ah, an Pathian ka si nakhnga, miphun hna hmuh i Izipt ram in ka chuahpimi an pupa hna he ka
biakam kha ka hngalh òhan lai: keimah cu
Bawipa
ka si,” tiah a ti.
46 Mah hihi Bawipa
nih amah le Israel mi hna karlak ah Sinai Tlang cungah Moses
thawngin nawlbia hna le phunglam hna le phungbia hna a sermi cu
an si.