18
Nu le Pa Sualnak Phunphun Thlauhnak
1 Cun Bawipa nih Moses cu a chawnh i
2 Israel mi hna sinah hitin va chim tuah, Kei cu Bawipa nan Pathian ka si.
3 Nannih nan rak umnak Izipt ram i an tuah bantuk khan nan tuah lai lo i kan kalpi hna lainak ram Kanaan ram i an tuah bantuk zongin nan tuah lai lo. Annih an nawlbia kha nan zul lai lo.
4 Ka phunglam hna kha nan tuah lai i ka nawlbia hna kha nan ulh lai i nan zulh hna lai. Keimah cu Bawipa nan Pathian ka si.
5 Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si. Ref 18.5: Neh 9.29; Eze 18.9, 20.11-13; Luk 10.28; Rom 10.5; Gal 3.12
6 Nannih lak i ahohmanh nih mah he aa naihmi rualchan cu an pumlawnnak hlim awkah nan fuk hna lai lo. Keimah hi Bawipa cu ka si.
7 Na pa cu a pumlawnnak na hlim lai lo, mah cucu na nu pumlawnnak a si; amah cu na nu a si; amah pumlawnnak cu na hlim lai lo.
8 Na pa nupi pumlawnnak cu na hlim lai lo; mah cucu na pa pumlawnnak a si ko. Ref 18.8: Lev 20.11; Deu 22.30; 27.20
9 Na far pumlawnnak cu na hlim lai lo, na pa fanu a si ah, na nu fanu a si ah, innchung i hrinmi a si ah, kaa dang i hrinmi a si ah a pum lawnnak na hlim lai lo. Ref 18.9: Lev 20.17; Deu 27.22
10 Na fapa fanu pumlawnnak siseh, na fanu i fanu pumlawnnak siseh na hlim lai lo; zeitintiah an pumlawnnak cu nangmah pumlawnnak a si ko.
11 Na pa nupi fanu, na pa nih a hrinmi cu a pumlawnnak na hlim lai lo, zeitintiah amah cu nangmah far a si.
12 Na pa far pumlawnnak na hlim lai lo; zeitintiah amah cu na pa he aa naihmi sahlawh a si. Ref 18.12-14: Lev 20.19-20
13 Na nu unau pumlawnnak kha na hlim lai lo, zeitintiah amah cu na nu he aa naihmi rualchan a si.
14 Na pa unau pumlawnnak kha na hlim lai lo, cucu a nupi kha na fuk lai lo ti a si; amah cu na nu a si.
15 Na fapa nupi pumlawnnak kha na hlim lai lo, amah cu na fapa nupi a si, a pumlawnnak kha na hlim lai lo. Ref 18.15: Lev 20.12
16 Na unau nupi pumlawnnak kha na hlim lai lo, amah cu na unau i pumlawnnak a si. Ref 18.16: Lev 20.21
17 Nu le fa an pumlawnnak kha na hlim hna lai lo, a pumlawnnak hlim awkah a fapa fanu siseh, a fanu fanu siseh, na la lai lo; annih cu nangmah he aa naihmi na sahlawh an si; mah cucu òhat lo cikcek a si. Ref 18.17: Lev 20.14; Deu 27.23
18 Cun na nupi unau cu na nupi a nun chungah a pumlawnnak hlim awkah na kemh òi awk a si lo.
19 Nu cu a nuphung hngalhnak in a thianlo lioah a pumlawnnak hlim awkah na fuk lai lo. Ref 18.19: Lev 20.18
20 Na innpa nupi cu amah he i thurter awkah pumsa duhnak in na ihpi lai lo. Ref 18.20: Lev 20.10
21 Molek sin i mei i chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si. Ref 18.21: Lev 20.1-5
22 Nu he ih òi bantukin pa he na it òi lai lo; mah cucu fihnung a si. Ref 18.22: Lev 20.13
23 Cun zei saram paoh ihpi in i thurter hlah, nu zong nih saram he ih òi awkah i pe hlah seh: mah cucu thil ningcanglo a si. Ref 18.23: Exo 22.19; Lev 20.15-16; Deu 27.21
24 Mah thil hna chung hin a zeihmanh hin i thurhnawmhter hlah u, zeitintiah nan hmai i ka hlonh laimi miphun hna nih hin mah thil hna hin an i thurter cang i
25 ram cu a thurhnawm cang i cu caah a òhat lonak kha dan ka tat i ram nih cun a chung i a ummi kha a luak hna.
26 Sihmanhsehlaw nannih nih cun ka nawlbia hna le ka phunglam hna kha nan zulh hna lai i hi fihnung a simi hna hi pakhat hmanh nan tuah hna lai lo, nanmah ram mi nih siseh, khual nan sin i a pemmi nih siseh nan tuah lai lo.
27 Zeitintiah hi fihnung vialte hna hi nan hlan i a rak ummi, cu ram mi nih cun an tuah i cucaah cu ram cu a thurhnawm cang;
28 nannih hlan i a rak ummi miphun a luak hna bantuk khan nannih cu nan thurhhnawmh tikah an luak ve sual hna lai.
29 Zeitintiah hi thil fihnung hna a zeipaoh hi a tuahtu paoh cu an mi sinin hlonh an si lai.
30 Cucaah fihnung a simi phung nan hlanah an rak tuahmi hna hi, pakhat hmanh nan tuah ve nakhnga lo le, mah hna hin nan i thurhhnawmh nakhnga lo, ka nawlbia hi i tlaih tuah u: keimah cu Bawipa nan Pathian cu ka si, tiah a ti.