4
Zion Dantatnak
1 Zeitluk in dah sui cu a dulh cang i
zeitluk in dah sui thiang cu
a ziamh cang!
Hmunthiang lung hna cu
khuachung lam a kenkip ah
an ril liangluang ko.
2 Zion fapa sung hna khi
zohhmanh hna,
hmasa ah cun sui thiang anmah
khing an man,
atu tu ah cun ahopaoh nih
hei sermi vawlei um tluk ceo an si.
3 Cenghngiapi hmanh nih an hnuk
an chuah i an fale kha
hnuk an dinh hna;
Sihmanhsehlaw ka mi hna i
an fanule hna cu
thetse ram i a ummi ostrik va
bantukin an nun a chia.
4 Hnuk ding lio bawhte lei cu
a ti a hal caah a dang ah aa beh;
ngakchia nih rawl kha an hal hna,
sihmanhsehlaw ahohmanh nih
a òiltlawt hmanh an pe kho hna lo.
5 Rawl thawthaw in cawm a rak simi
hna kha zeihmanh ngei loin
khuachung lam ah an òhu ko,
puan òhaòha a rak i aih tawnmi hna
kha ekpon cungah an òhu ko.
6 Ka mi hna dantatnak hi
Sodom dantatnak nakin a chia deuh,
Sodom khua cu chikkhatte ah hrawh
a rak si caah
ahohmanh an ngaih a chia manh lo. Ref 4.6: Gen 19.24
7 Bawi luchin chinhmi
a bawile hna cu hawhra nakin
an rak thiang deuh i
cawhnuk nakin an ngo deuh;
an pum cu koral lungvar nakin
an sen tertar deuh i
an kutka hna cu lapis lazuli
lungvar bantukin an tleu.
8 Sihmanhsehlaw an hmai cu
òumòing nakin a nak deuh cang i
lampi ah ahohmanh nih
an hngal hna lo;
An cuar cu an ruh cungah kor
hnianghnuang in an um i
thingro bantukin an car.
9 Vainam in a thimi hna cu
rawlòam in a thimi hna nakin
an van a òha deuh;
Lo in a chuakmi rawl kha
an hmuh lo caah an lo dai ko.
10 Nu nunnem tete hna nih khan
anmah kut in an fale kha
an chumh hna;
Ka mi hna cu hliam an si ni ah cun
an fale lila cu an rawl ah
an cang ko. Ref 4.10: Deu 28.57; Eze 5.10
11 Bawipa nih diriam in
a thinlinhnak kha a chuah i
a thinhunnak kha a bungh;
Zion ah mei a kau i a hram kha
a kangh dih.
12 Ral nih siseh, ral chimtu nih siseh
Jerusalem kutka chungah an lut lai,
ti hi ahohmanh nih an zum lo,
vawlei cung siangpahrang nih
si hna seh,
vawlei cung i khua a sami paoh nih
si hna seh an zum lo.
13 A kulhnak vampang chungah
miding mi hna thisen a chuahtu
a profet hna sualnak ruang le
a tlangbawi hna òhat lonak
ruangah a si.
14 Lam ah khan mitcaw bantukin
an i chawk i thi kha
an i neh tuk hringhran caah
an puan hmanh kha mi nih
tongh an duh lo.
15 ‘Kal u, kal u, mithurhnawm hna!’ tiah
mi nih an hauh hna,
‘Kal u, kan naih hlah u,’ tiin.
Khulrang in an kal,
miphun hna lakah khan an vai i
dinhnak hmun zeihmanh an hmu lo.
16 Bawipa hrimhrim nih a òhek hna,
annih kha a ruat ti hna lo;
Tlangbawi kha a duhdanh ti hna lo i
upa kha a zaangfah ti hna lo.
17 Kan mithram cat in bawmhnak
a ra hnga maw tiah kan zoh,
sihmanhsehlaw zeihmanh a um lo.
Kannih a kan khamh kho òung lomi
miphun kha kan hngah filfial ko.
18 Kannih nih kan chuah tikah
zapi lam kha hrial in
lamte kha kan zul;
Kan ni cu a dong ko cang,
kan donghnak cu a phan cang.
19 A kan dawitu hna cu
van i mupi hna nakkhin
an khul a rang deuh;
Tlang cungah kan sul khan
heh tiah an kan zulh i
kannih kha tlaih awkah
ramlak in an kan bawh.
20 Bawipa chiti thuhmi,
kan nunnak thaw a simi kha,
amah cu miphun hna lakah
a thlazung in a ka hupphengtu
a si lai, tiah kan rak i ruahchan.
21 Uz ram ah a ummi Edom fanu,
i lawm law na tha nuam ko;
Asinain, na caan a phak tikah
hrai cu na sin a phan ve lai i,
na rit tikah nangmah le nangmah cu
ningzahnak ah naa paih te lai.
22 Zion fanu, na sualnak ruang i
dantatnak cu a tling cang;
Saltannak chungah kalpi
na si òhan bal ti lai lo.
Sihmanhsehlaw Edom fanu, nang cu,
na sualnak kha dantat a si lai i
na òhat lonak kha langhter a si lai.