ÒAHNAK HLA
Lamentations
1
Jerusalem A Rawk Cang
1 Hmasa i minung a rak khat tawnmi
khua kha,
Zeitindah umhar in a òhut ko ee!
Hmasa i miphun hna lak i khua
lianngan a rak simi kha,
Zeitindah nuhmei ah a can;
Ram uktu bawinu a rak simi kha
hnekmi rianòuantu ah a cang ko ee!
2 Zan ah lunghno in a òap,
A bel ah a mitthli a luang;
Amah a dawtu hna lakah khan
A hnemtu pakhat hmanh an um lo;
A hawi vialte cu rawitu ah an cang
dih i a ral ah an i cang dih.
3 Saltang harnak chungah le
A dong lo rian hrang òuannak
chungah Judah cu a lut cang,
Miphun hna lakah khua a sa i
dinhnak hmun a hmu lo;
Amah a harnak chungah khan
A dawitu hna nih khan an phak.
4 Zion lei kalnak lam kha an òap,
zeitintiah a puai thiang ah khan
a rami an um lo;
A kutka vialte cu an rawk dih,
a tlangbawi hna cu an hrum an ai;
A ngaknu hna cu lamhlatpi ah
an hnuh hna i
Amah hrimhrim nih fak piin a in.
5 A ral hna cu a bawi ah an cang,
A ral hna cu nuam tein an um,
Zeitintiah a tuahmi a òha lomi
rel cawk lo ruangah khan
Bawipa nih amah cu fak piin dan a tat;
A fano cu an lo dih,
Ral nih khan saltannak chungah
6 Zion fanu sinin lianhngannak vialte
a lo cang,
A bawi hna cu, ram òam awk hmu
kho loin a zam lengmangmi sakhi,
ba cikcek in sakap nih
7 Jerusalem nih hremnak a in lio
caan le a vahvaih lio caan kha
a hngalh camcin ko,
A mi hna cu an ral kut chungah
an tlak i
Annih bawmtu ahohmanh an um
lo lio caan kha, a philh kho lo.
A ral nih cun a hmuh i a òumchuknak
kha diriam in a nihsawh.
8 Jerusalem cu fak piin a sual ko,
Cucaah puanchia thur bantuk ah
rel a si cang;
A rak upat tawntu vialte nih khan
zei ah an rel ti lo,
Zeicahtiah a taklawng in a um kha
an hmuh.
Cucaah a hrum a ai i ningzak in
mi hmai a zoh ngam ti lo.
9 A hni ah thurhnawmhnak cu aa beh i
Hmailei a sicannak ding kha a ruat lo.
A tluknak cu zumh khawh lo tiangin
a si i
Amah hnemtu ah ahohmanh
an um lo.
Bawipa, a harnak hi nangmah nih
run zohpiak law,
Zeitindah a ral nih an tei kha
10 A ro vialte kha tlaih awkah
a ral nih a kut kha a chuah;
Kha tikah khan, nangmah na mibu
chungah luh awk na thlauhmi
Jentail mi hna a hmunthiang chung i
11 A mi vialte hna cu an hrum an ai,
Rawl kha heh tiah an hal;
An thazang kha hmuh òhan awkah
An rothil cu rawl ah an zuar hna.
“Maw Bawipa, run ka zoh law,
Zeitluk in dah zohchuk ka si kha
run ka hmu tuah,” tiah a òap.
12 Lam i aa chawkmi hna nan caah,
Mah hihi zeihmanhlo maw a si ko?
A zoh tal cu ka zohpiak ko sawh u:
Ka lungfahnak bantuk lungfahnak hi
a um maw?
Bawipa nih a thinhun ni ah
zaangfahnak um loin
dan a ka tatnak hremnak
13 Vancung in mei a run thlah i
Ka ruh chungah khan a vak dih;
Ka ke kha foih awkah sur a phah i
Hnulei ah a ka kirter òhan;
Òionak tahchunhnak caah a ka ser i
Chun nitlak zawtnak in a ka hrem.
14 Ka palhnak cu ka cungah òem chih
an si i
Amah kut hrim nih ka velchum
in a ngerh hna;
A hngawngkual cu ka hngawng
ah khan a ka khinh i
A rih tuk caah ka tha nih a celh lo;
Cu ti i a ka khinh bu cun Bawipa nih
a ka kaltak i ka dir kho lo.
15 Ka khua kulh chung i a ummi
miòhawng vialte hna cu
Bawipa nih zeihmanh ah a rel hna lo;
Ka ralkap valno rual kha cil dih
awkah ralkap kha
a ka pumhhnawh luaimai hna.
Bawipa nih Judah fanu thiang cu,
Mitsur nennak chung i mitsur thei
16 Hi thil hna ruangah hin ka òap i
Ka mit cu mitthli in a luang;
Keimah hnemtu ding le ka thazang
hrimhtertu ding cu
lamhlapi lawngah an um.
Ka fapale hna cu lileng in an um,
17 Zion nih a za a zao,
Sihmanhsehlaw a hnemtu ahohmanh
an um lo;
Bawipa nih Jakob innpa hna cu,
Amah ral ah nan cang lai,
tiah nawl a pek hna;
Jerusalem cu an lakah
Puanchia fihnung ah a cang cang.
18 Bawipa cu a ding ko;
A nawl a altu cu keimah ka si.
Ngai tuah u, nannih miphun
vialte hna, ngai tuah u law
ka lungfahnak hi ka zohpiak tuah u:
Ka ngaknu thiang hna le ka tlangval
hna cu saltannak chungah
19 A ka dawtu kha ka kawh hna,
Sihmanhsehlaw zumhawktlak
an si ti lo;
Khua chung i a ummi ka tlangbawi
hna le upa hna kha,
An thazang hrimh òhan awk caah
rawl an kawl nain,
20 Maw Bawipa, zeitluk in dah
ka lungre a theih hi run zoh tuah.
Ka lung si a vang i
Ka chungthin aa let dih,
Nangmah kha zeihmanh ruat loin
kan doh caah a si.
Vainam nih khualak lam ah
ngakòah a ser hna i
Rai nih inn chungah ngakòah
21 Hnemtu zeihmanh ngei loin
ka aihram len ko hi
ka theihpiak ko.
Ka ral vialte hna nih ka harnak hi
an theih tikah,
nangmah tuahmi ah hin an i lawm;
Sihmanhsehlaw nangmah nih,
keimah bantuk an si ve naklai
ni bia na kammi kha
22 Òhat lonak an tuahmi vialte cu
na hmaika kha phan ko hna seh;
Ka òhat lonak vialte ruangah
nangmah nih
na ka hrem bantukin
annih zong hrem ve ko hna;
Zeicahtiah ka aihramnak cu
a tam ko i
ka lung cu a tha a ba ko.