8
Cu cangka cun khuapi he khuate he a chuak, a cawnpiak hna i Pathian pennak thawngòha kha a chimh hna. Hleihnih hna kha a sinah an um ve. Khuachia thlarau a òhawlpiakmi le zawtnak in a damtermi nu a cheukhat zong an i tel. Magdala khuami, a chungin khuachia pasarih a chuahmi Mary le Herod chawva zohkhenhtu Khuza nupi Joanna le Susanna le an ngeihchiah in a bawmtu hna nu tampi hna zong nih an zulh ve.
(Mat 13:1-9; Mar 4:1-9)
Mibu tampi an ra chuak luaimai i khua khat hnu khua khat in mi nih an run fuh i bianabia in a cawnpiak hna. “Thlaici vorhtu pakhat, thlaici vorh ah aa thawh. A vorh tikah a cheu cu lamhril ah an tla; mi nih an ke in an lamh i van vate nih an char. A cheu cu leihria ah an tla, an hung òhang i lei a hnawn lo caah an mal dih. A cheu cu hling lakah an tla; hling he an kho òi i hlingkung nih a thah hna. A cheu cu lei òha ah an tla, an hung òhang i a let za in a vui,” a ti hna. Cu bia a chim ah cun, “Hna a ngeimi nih cun thei ko u,” tiah a au in a au.
(Mat 13:10-17; Mar 4:10-12)
A hnuzul hna nih bianabia sullam kha zeidah a si? tiah an hal tikah, 10 hitihin a leh hna, “Nannih cu Pathian pennak biathli cu theih khawhnak pek nan si; sihmanhsehlaw midang caah cun bianabia in a um, cucaah an zoh len ko lai nain an hmu thiam lai lo. 11 Bianabia sullam cu hihi a si: Thlaici cu Pathian bia a si. 12 Lam ah a tlami cu an theih i an zum ko nain khuachia a ra i khamh an si lo nakhnga le an zumh lo nakhnga an lung chung i bia kha a chuahpiak hna. 13 Leihria i a tlami cu an theih cangka hlawptlo ngai in a co hlangmi an si; sihmanhsehlaw hram a thlak lo caah caan tlawmpal cu an zum ko nain tukforhnak a tlun tikah an tlu. 14 Hling lakah a tlami cu bia kha an cohlan, asinain, vawlei cung lungretheihnak, rumnak le nuamhhnaihnak nih a òemòawn caah an theipar bal lo. 15 Lei òha ah a tlami cu bia kha a theih i a lung chungah lungput ding le a òha in aa cinken i lungsau in a um i a tlaimi an si.”
(Mar 4:21-25)
16 “Ahohmanh nih meiinn vang zau in kheng an khuh bal lo, ihkhun tang zongah an chia bal fawn lo, a lutmi paoh a ceuh khawhnak hna hnga mei vannak ah an van tawn. 17 Zeitintiah thuhmi paoh langhter a si lai i biathli paoh phuan a si lai. 18 Nan bia theihmi ah i ralring u, zeitintiah a ngeimi cu chapchin a si lai i a ngei lomi cu ka ngeih tiah aa ruahmi hmanh kha zuh a si lai,” a ti hna.
(Mat 12:46-50; Mar 3:31-35)
19 A nu le a unau hna an ra i mi an tam tuk caah a sin an va phan kho lo. 20 “Na nu le na unau hna lengah an um ko, ton an in duh,” tiah an chimh. 21 A thawh hna i, “Ka nu le ka unau hna cu Pathian bia a ngai i a tuahmi hna hi an si,” a ti hna.
(Mat 8:23-27; Mar 4:35-41)
22 Ni khat cu a hnuzul hna le tiah lawng chungah an lut i, “Rili ral khatlei ah khin va kal u sih,” a ti hna. An chuak i an kal, 23 an kal lioah khan anih cu a it i aa hngilh. Thlichia a tho i rili cungah cun a hrang. Lawng chungah ti a khat hnik i thinphang ngaiin an um. 24 An va hlauh, “Bawipa, Bawipa, kan lo dih cang lai hih!” an ti. A tho i thli le tilet cu a hro a caak hna i an dai. 25 A thawh hna i, “Khoika ah dah nan zumhnak cu a si?” a ti hna. Òihphang le khuaruahhar in, “Hihi ahohen a si, thli le ti hmanh nawl a pek i a bia an ngaih dah ngai?” tiah pakhat le pakhat an i ti.
(Mat 8:28-34; Mar 5:1-20)
26 Galilee ram ralchan Gerasa mi hna ram an va phan. 27 Titlang i a hung chuah ah khan cuka khua, khuachia tuahmi, nih a ra fuh. Cu pa cu caan saupi inn hlum lo le hnipuan zong hruk loin thlan ah a ummi a si. 28 Jesuh a hmuh cun a au i a hmaiah a bawk; fak piin, “Jesuh, Cungnung Bik Pathian Fapa, zeiti tuah dah na ka timh? na ka hrem nakhnga lo kan nawl,” tiah a ti. 29 zeitintiah cu pa chung cun thlarau thur kha chuah awkah nawl a rak pek cang caah a si. (Thlarau thur nih cun voi tampi a tuaitam tawn caah hreng an khenh, thir cikcin in an hren i an veng tawn nain an hrennak cu a chah dih i ram lakah khuachia nih cun a kalter tawn). 30 Jesuh nih, “Na min ahodah a si?” tiah a hal. 31 “Ka min cu Bupi a si,” a ti, zeitintiah khuachia tampi nih an tlak. Donglo khor chungah a thlak hna nakhnga lo an nawl. 32 Cuka tlangpang ah cun vok runpi an tlonglen ko; cu hna chung i luh ding cun an nawl. 33 Luhnak nawl a pek hna. Khuachia hna cu cu pa chung cun an chuak i vok chungah cun an lut. Vok cu khumpang ah an zuang i rili ah an tla i an thi dih.
34 Vok cawngtu hna nih thil umtuning an hmuh cun khua chungah an zam i cu hrawng khua le ram vialte ah an chim dih. 35 Cun, zei ko dah a si hnga, tiah mi hna an va kal. Jesuh sin an va phan, khuachia tuahmi pa kha a rak òhu ko; thilpuan òha tein aa hruk i lungfim tein a rak um ko kha an va hmuh tikah an òih. 36 A hmumi hna nih cun khuachia tuahmi pa damnak kong cu an rak chim chin ve. 37 Gerasa ram mi vialte hna nih cun an òih tuk caah an ram chuahtak awkin an nawl caah lawng ah a cuang i a tlung. 38 Khuachia nih a chuahtakmi pa nih khan a sin um awkah a nawl, asinain inn tlun a fial, 39 “Inn ah va òin law Pathian nih zeitluk dah an tuahpiak ti kha va thanh deuh hna,” a ti. A òin i khuapi chung vialte ah cun Jesuh nih zeitluk dah a tuahpiak timi vialte kha a va thanh dih.
(Mat 9:18-26; Mar 5:21-43)
40 Jesuh cu a rak kir òhan i zapi nih an rak hngah i an rak lawmh. 41 Jairu timi sinakok uktupa a ra i Jesuh hmaiah bawk in a inn i rat awkah a ra nawl, 42 zeitintiah a fanu ngeihchun kum hleihnih hrawng a simi cu a thi dengmang.
A kal i a kenkip in mi nih an det lulhmalh. 43 Thichuah in kum hleihnih tiang a zaw i ahohmanh nih an damh khawh ti lomi nu pakhat 44 cu a hnulei in a ra i a puan hmum a hun tongh, a thi chuakmi cu chikkhatte ah a pit. 45 Jesuh nih, “Ahodah a ka tawngmi cu a si?” a ti hna. An dihlakin kan in tawng lo an ti tikah Peter nih, “Bawipa, mibu pi nih a zual in an in zual i an in but lulh ko hen cu,” a ti. 46 Sihmanhsehlaw Jesuh nih cun, “Aho nih dik an ka tawngh ko, ka chungin huham a chuak ti ka hngalh,” a ti. 47 Minu nih aa pheh khawh lo kha a hngalh i ther lengmang in a va chuak i a hmaiah a bawk; a tawnghnak sullam le chikkhatte i a damnak kong kha mizapi hmaiah cun a chim. 48 A thawh i, “Ka fanu, na zumhnak nih an damter, dai tein va kal ko,” a ti.
49 Cuti bia a chim len ko lioah cun sinakok uktu inn in mi pakhat a ra i, “Na fanu cu a thi cang, cawnpiaktu cu hnahnawh duh ti hlah,” a ra ti. 50 Jesuh nih a theih tikah, “Òih hlah, a zumhtu zum ko law a dam ko lai,” a ti. 51 Inn an va phanh cun, Peter, Johan le Jeim le a nu le a pa ti lo cu luh a sianh hna lo. 52 An rak òah i an ai lulh ko. Jesuh nih, “Òap hlah u, a thi lo, aa hngilh i a si,” a ti hna. 53 A thi ti an hngalh ko caah an nihsawh. 54 Jesuh nih a kut in a thawh i, “Ka fa, tho tuah,” tiah a auh. 55 A thlarau a kir òhan i hmakhatte ah a tho; ei awk zeimaw tal pek a fial hna. 56 A nu le a pa cu an khuaruah a har ko, sihmanhsehlaw thil umtuning kha ahohmanh chimh lo dingin bia a beoh hna.