3
(Mat 3:1-12, Mar 1:1-8, Jhn 1:19-28)
1 Tiberius siangpahrang a bawi kum kum hleinganak ah khan Pontius Pilat cu Judea ram mangki a si i Herod cu Galilee ram uktu a si; a nau Filip cu Iturea le Trakhonitis ram uktu a si, Lisantius cu Abilene uktu a si.
2 Annas le Kaiafas cu tlangbawi zik an si; cu caan ah cun ramcar i Zekhariah fapa Johan sinah Pathian nih bia a chim.
3 Jordan tiva hrawng vialte a tlawng; sual ngaihthiamnak caah nunòhinh in baptisma innak kong a chim.
4 Profet Isaiah cauk ah aa òial bantuk khan:
Ramcar i au aw nih cun,
“Bawipa lam cu rak remh u;
A kalnak ding lam rak dinter u.
5 A kuarhnak vialte chilh si seh law,
Fing le tlang paoh chimh dih si seh.
A kawimi zong dinter si seh law,
A bingbomi vialte zong remter si seh;
6 Pathian khamhnak cu mi kip nih an hmu lai,”
ti a si.
7 Baptisma in awkah a rami hna sinah cun, “Rul hrin hna! A ra laimi hremnak hrial awkin ahodah baptisma in awkah ralrin an pe hna?
8 Nan nun nan òhinhnak he aa tlak in theitlai ngei u. ‘Pa ah Abraham kan i ngeih,’ tiah nanmah le nanmah i ti hlah u; Pathian nih cun hi lung hmanh hi Abraham hrin ah a ser khawh ko, kan ti hna.
9 Atu thawk in thinghram paoh ah hreitlung chiah a si cang; zei thingkung hmanh tlai òha a tlai lomi cu hau i mei ah paih a si,” a ti hna.
10 Mizapi nih cun, “Zeidah kan tuah ve lai?” tiah an hal.
11 Anih nih, “Angki pahnih a ngeimi nih cun a ngei lomi òhen seh; cu bantuk òhiamòhiam cun ei awk a ngeimi nih a ngei lomi pe ve seh,” a ti.
12 Ngunkhuai khawltu hna zong baptisma in awkah an ra ve i, “Cawnpiaktu, zeidah kan tuah ve lai?” an ti.
13 A leh hna i, “Ngunkhuai khiahmi pinah zeihmanh la hlah u,” a ti hna.
14 Ralkap zong nih, “Kannih tah, zeidah kan tuah lai?” an ti ve. Hitihin a leh hna, “Hranhramlo le tlerhkhawnh in tangka va chut hna hlah u, nan lahkhah ah nan lung tling ko seh,” a ti.
15 Hnabeisei ngaiin an hmuh i Johan hi, Khrih a si ko hnga lo hlah i ti an ruah lioah, Johan nih a thawh hna i,
16 “Kei nih cun ti in baptisma kan pek hna; sihmanhsehlaw keimah nakin a ngan deuhmi a ra lai i kei hi cu a kedan hri phoihtu tlak hmanh ka si lo. Anih nih cun Thiang Thlarau le mei in baptisma an pek hna lai.
17 A òalawn cu a kut ah aa put i thiang tein a zah lai i a fang òha cu a buk ah a rawn lai, a vai tu mitlomei ah a khangh lai,” a ti.
18 Cuticun forhnak bia dang tampi he thawngòha cu a chimh tawn hna.
19 Ukbawi Herod cu a nau Filip nupi Herodias he an kong le òhat lonak a tuahmi tampi ruangah a sik i
20 a òhat lonak i chap chin lengmang in Johan cu thong ah a khumh.
(Mat 3:13-17; Mar 1:9-11)
21 Mi vialte nih baptisma an in i Jesuh zong nih a in ve i
22 thla a cam lioah van aa hung; Thiang Thlarau cu òhuro bantuk pum ngei in a cungah a rung òum i van in aw a rung thang i, “Nang cu ka dawt cikcekmi ka Fapa na si, ka lung na ka tong ko,” a ti.
(Mat 1:1-17)
23 Jesuh cu rianòuan hram aa thawk ah kum sawm thum hrawng a si cang i mi mithmuh ah cun Josef fa a si. Josef cu Heli fapa a si, Heli cu Matthat fapa a si.
24 Matthat cu Levi fapa a si. Levi cu Melkhi fapa a si, Melkhi cu Jannai fapa a si, Jannai cu Josef fapa a si.
25 Josef cu Mattathias fapa a si. Mattathias cu Amos fapa a si, Amos cu Nahum fapa a si, Nahum cu Esli fapa a si, Esli cu Naggai fapa a si, Naggai cu Maath fapa a si.
26 Maath cu Mattathias fapa a si, Mattathias cu Semein fapa a si, Semein cu Josek fapa a si. Josek cu Joda fapa a si.
27 Joda cu Joanan fapa a si, Joanan cu Rhesa fapa a si, Rhesa cu Zerubbabel fapa a si. Zerubbabel cu Shealtiel fapa a si, Shealtiel cu Neri fapa a si.
28 Neri cu Melkhi fapa a si, Melkhi cu Addi fapa a si, Addi cu Kosam fapa a si, Kosam cu Elmadam fapa a si, Elmadam cu Er fapa a si.
29 Er cu Joshua fapa a si, Joshua cu Eliezer fapa a si, Eliezer cu Jorim fapa a si, Jorim cu Matthat fapa a si, Matthat cu Levi fapa a si.
30 Levi cu Simeon fapa a si, Simeon cu Judah fapa a si. Judah cu Josef fapa a si, Josef cu Jonam fapa a si, Jonam cu Eliakim fapa a si.
31 Eliakim cu Melia fapa a si, Melia cu Menna fapa a si, Menna cu Mattatha fapa a si. Mattatha cu Nathan fapa a si, Nathan cu David fapa a si.
32 David cu Jesse fapa a si. Jesse cu Obed fapa a si, Obed cu Boaz fapa a si, Boaz cu Sala fapa a si, Sala cu Nashon fapa a si.
33 Nashon cu Amminadab fapa a si, Amminadab cu Admin fapa a si, Admin cu Arni fapa a si, Arni cu Hezron fapa a si, Hezron cu Perez fapa a si, Perez cu Judah fapa a si.
34 Judah cu Jakob fapa a si, Jakob cu Isak fapa a si, Isak cu Abraham fapa a si, Abraham cu Terah fapa a si, Terah cu Nahor fapa a si.
35 Nahor cu Serug fapa a si, Serug cu Reu fapa a si, Reu cu Peleg fapa a si, Peleg cu Ebner fapa a si, Ebner cu Shela fapa a si.
36 Shela cu Kainan fapa a si. Kainan cu Arpaksad fapa a si, Arpaksad cu Shem fapa a si, Shem cu Noah fapa a si, Noah cu Lamek fapa a si.
37 Lamek cu Methusela fapa a si, Mathusela cu Enok fapa a si, Enok cu Jared fapa a si, Jared cu Mahalaleel fapa a si, Mahalaleel cu Kainan fapa a si.
38 Kainan cu Enos fapa a si. Enos cu Seth fapa a si. Seth cu Adam fapa a si. Adam cu Pathian fapa a si.