24
(Mat 28:1-10; Mar 16:1-8; Jhn 20:1-10)
1 Zarh khat ni hmasa bik fingreicat ah khin an i damh ciami zihmui he thlan ah cun an va kal.
2 Cun thlankhar lung a rak i thawn kha an hmuh;
3 sihmanhsehlaw an va luh tikah ruak cu an hmu lo.
4 Cuti ar ko in an um lioah cun, zohhmanh u, thil puan rang cerhdut in aa hrukmi mi pahnih an dir ko kha an hmuh hna.
5 An òih tuk i vawlei zoh in an lu an khun. Cu mi hna nih cun; “Zeicahdah a nungmi cu a thimi lakah nan kawl?
6 Galilee ram i a um lioah khan
7 Mi Fapa cu misual hna kut ah chanh a si lai, vailam ah an tah lai i ni thumnak ah a tho òhan lai, timi kha nan cing ti lo maw?” an ti hna.
8 Cun a bia kha an lung ah a hung pem,
9 thlan in an òin i hleikhat hna le a dang hna zong kha an va chimh hna.
10 Lamkaltu hna a va chimtu hna cu Magdala khuami Mary, Joanna, Jeim nu Mary le nu dang hna an si;
11 sihmanhsehlaw biachawkvai sawhsawh ah an rel i an rak zum hna lo. + 24:11 Hlan caòialtu hna nih cang 12nak hi an rak chap.\xq \xv 12\xv* Asinain Peter cu a tho i thlan leiah a tli, a kun i thlan chung kha a zoh, puan than a ummi kha a hmuh, a cangmi thil ruangah khuaruahhar ngaiin inn leiah a tlung.\x*
13 Cu ni ah cun a zultu hna lak i pahnih hna cu Jerusalem in meng sarih a simi Emmaus khua leiah an kal;
14 thil a cangmi kong vialte cu anmah le anmah an i ceih.
15 Cuti an i ceih i an chim lengmang lioah cun, Jesuh nih khan a hun phanh hna i an sinah cun a kal ve.
16 Sihmanhsehlaw an hngalh khawh nakhnga lo an mit leh an si.
17 “Kal pah i nan i ceihmaimi kha zeihen a si?” tiah a hal hna. Cun ngaihchia in ar ko in an dir.
18 An kal i pakhat pa Kleopas timi nih a thawh i, “Jerusalem a tlawngmi lakah nangmah lawng maw atu lioah thil a cangmi vialte a hngal lomi na si?” a ti.
19 Anih nih “Zei thil hna hen?” a ti. Cun anih nih “Nazareth mi Jesuh kong hen ta, amah cu profet a si i thil a tuahmi le a chimmi hna cu Pathian hmai le mi hmaiah khuaruahhar an si;
20 kan tlangbawi upa hna le uktu hna nih hlawt awkin bia an khiah, an chanh i vailam ah an tah.
21 Israel mi tlanhtu a si lai tiah kan rak i ruahchanmi a si; Cu pinah nihin hi a ni thumnak a si cang;
22 ni thaizing ah khan kan nu hna a thlan ah an va kal i
23 a ruak an hmu lo; vanmi an va hmuh hna i cu hna nih cun a nung òhan cang an ti, ti te hna an chim i kan khuaruah a har ko.
24 Kan sinah a um vemi acheu zong thlan ah cun an va kal ve i nu rual nih an chim bantuk te khan an va hmuh ve, asinain amah cu an hmu fawn lo,” an ti.
25 “Maw mihrut hna, profet hna nih an rak chim cangmi kha a zumh nan i harh hringhran ko mu!
26 Khrih nih cu thil hna cu a in awk a si i cu hnu cun a sunlawinak ah a luh awk a si lo mei kha?” a ti hna.
27 Cun, Moses le profet hna chan thawk in Cathiang nih a chimmi amah kong vialte kha fiang tein a chim hna.
28 An kalnak ding khua cu an hun naih cang i anih tu cu a lan lai bantuk khin a um i,
29 “Kan sinah riak ko, khua a zanlei cang i ni zong a tla deng cang,” tiah an thlauh. Riah ding cun an sinah a lut.
30 An sinah zanriah a dum i changreu kha a lak, thla a cam, a cheu i a pek hna.
31 An mit a hung fim i amah kha an hun hliah; cun an mit hmuh ah a lo diam.
32 Pakhat le pakhat an i ceih i, “Lam i bia a kan ruah i Cathiang bia a kan chimh lioah khan kan lungthin mei alh in a alh lo mei kha?” an ti.
33 Cun an tho i zokzok in Jerusalem ah khan an kir colh. Hleikhat hna an hawile he an rak i pumh ko kha an va hmuh hna i,
34 “Bawipa cu a rak tho taktak ko, Simon sin zongah a lang,” an rak ti hna.
35 Annih zong nih lam i thil umtuning le chang a cheunak in an hun hliahnak kong kha an chim ve.
(Mat 28:16-20; Mar 16:14-18; Jhn 20:19-23; Lam 1:3-5)
36 Cu bia an chim lioah cun Jesuh cu an lakah a hung dir.
37 Sihmanhsehlaw an lau i an òih, mithla kan hmuh tiah an ruah.
38 A thawh hna i, “Zeicahdah nan khuaruah a har i lung awòawm in nan um?
39 Ka kut le ka ke hi zohhmanh u,
40 Keimah ka si ko; rak ka tawng u law zoh u; mithla nih cun ruh le titsa a ngeih òung lo, kei cu a ngei ti nan ka hmuh ko,” a ti.
41 An i lawmh tuknak ah an zum kho lo, an khuaruah a har tuk; an sinah, “Ei awk zeital nan ngei lo maw?” a ti hna.
42 Nga emmi fang khat an pek.
43 Aa lak i an hmaika ah cun a ei.
44 “Nan sin i ka um lioah khan hitihin pei kan chimh tawn ko hna kha Moses phung le profet hna le Salm cauk ah ka kong chim a simi vialte cu a tling lai,” a ti hna.
45 Cathiang an theih khawh nakhnga an lungthin kha a hunpiak hna.
46 An sinah, “Khrih cu temhnak a ing lai i a ni thumnak ah a tho òhan lai;
47 nunòhinhnak le sual ngaihthiamnak cu Jerusalem thawk in mi phunkip sinah amah min in chim awk a si, tiah rak òial a si.
48 Cu thil vialte hna a theitu cu nan si.
49 Cucaah ngai hmanh u, ka Pa nih an kamhmi hna kha nan cungah a rak thlah lai. Sihmanhsehlaw cunglei huham in thuamh nan si hlan paoh cu khualipi hin hngak ko u,” a ti hna.
(Mat 16:19-20; Lam 1:9)
50 Bethani tiang a kalpi hna i kuthler in thluachuah a pek hna.
51 Cuti thluachuah pek bu cun a kaltak hna i van in an run cawi.
52 Annih nih an biak i Jerusalem ah lunglawm ngaiin an kir;
53 Pathian thangòhat in biakinn ah an um zungzal tawn.