23
(Mat 27:1-2, 11-14; Mar 15:1-5; Jhn 18:28-38)
1 An dihlak in an tho i Pilat sinah an kalpi.
2 “Hi pa nih hin kan miphun a pinglei kal awkin a kan forh i, Sizar siangpahrang sinah ngunkhuai pek a kan thlauh, amah hi Khrih Siangpahrang ka si aa ti kan theih,” tiah sual an phawt.
3 Pilat nih, “Judah Siangpahrang cu na si maw?” a ti. Anih nih cun, “Nangmah nih na ti ko cu ta,” a ti.
4 Pilat nih tlangbawi upa hna le mi zapi hna cu “Hi pa cungah hin sualnak zeihmanh ka hmu lo,” a ti hna.
5 Annih nih cun, “Hi pa nih hin hnahnawhnak chuak dingin Judea ram le Galilee thawk in hika tiang hi a forh hna i a cawnpiak hna,” tiah fak chinchin in an au.
6 Pilat nih cucu a theih tikah Galilee mi a si le si lo kha a hal hna. Herod peng chungmi a si ti a hngalh cun Herod sinah a hei thlah,
7 Herod zong cu Jerusalem i a um liote a si.
8 Herod nih Jesuh a hmuh cu aa lawm ngai; a konglam a theih lengmang caah hmuh a duhnak a sau cang i, khuaruahhar thil a tuahmi hmuh zong a hnabei a sei.
9 Bia tampi a hal nain zeihmanh a let lo.
10 Tlangbawi upa le phung cawnpiaktu hna zong cu an dir ve ko i sualphawtnak bia fakpi in an chim.
11 Cun Herod le a ralkap hna zong nih cun Jesuh cu cawhdehnak le caposaihnak ah an hman, hro a kual ngaimi puan an aihter i Pilat sinah a kirter òhan.
12 Pilat le Herod cu aa ertau ngaimi an rak si tawn; cu ni tu ah cun hawikom ah an cang.
(Mat 27:15-26; Mar 15:6-15; Jhn 18:39—19:16)
13 Pilat nih tlangbawi upa hna le uktu hna le mi zapi cu a auh hna i an sinah,
14 “Hipa hi lamping kal dingin mi a forh hna tiah ka sinah nan ratpi. Ka kherhlai tikah nan puhmi ah hin a sualnak zeihmanh ka hmuh lo.
15 Herod zong nih a sualnak a hmu ve lo i ka sinah a rak kirter òhan ko. Zohhmanh u, thih tlak in zeihmanh sualnak tuahmi a ngei lo;
16 cucaah ka velh lai i ka thlah ko lai,” a ti hna.
17 Cu puai ah cun thongtla pakhat thlahpiak phung a si. + Dal 23 cang 17 nak: Grik ca in òialmi cazual a cheu ah cun dal 23 cang 17 nak hi a um
18 Sihmanhsehlaw an dihlak in hmun khat ah an au i, “Hipa hi that law Barabbas kha kan chuahpiak ko,” an ti.
19 Cu pa cu khualipi chungah ralthawhnak tuah ruang le lainawn ruangah thong thlakmi a rak si.
20 Pilat nih Jesuh cu chuah a duh caah zapi sinah bia a chim òhan;
21 asinain, “Vailam ah tah ko,” tiah an au òhan.
22 A voi thumnak a ti òhan hna, “Zei ah hen, zeidah a sual? Thih tlakin sualnak a tuahmi ka hmu lo; ka velh lai i ka thlah ko lai,” a ti.
23 Fak piin an au i vailam tah awkah hranhram in an hauh; dai ko in an au hnawh.
24 Pilat nih cun an hauh bantuk cun bia a khiah.
25 Ralthawhnak le lainawn ruang i thong a tlami chuahter awk an halmi pa kha a thlah i Jesuh cu an duhduh in tuah awkah a pek hna.
(Mat 27:32-34; Mar 15:21-32; Jhn 19:16b—26b)
26 An kalpi i lam ah Sairin khua in a rami Simon an hmuh i Jesuh hnu leiin put awkah vailam cu an khinh.
27 Cun mi tampi hna le ngaihchiat in a òap thluahmahmi nu tampi hna nih an zulh.
28 Jesuh nih anmah lei a hun zoh i, “Jerusalem fanu hna, keimah caah òap hlah u, nanmah ca le nan fale ca tuah òap deuh u.
29 Zeitintiah zohhmanh u, hring lo le fa pawi bal lo le hnuk a dinh bal lomi nu cu thlua an chuak, an ti caan a phan te lai.
30 Cu caan ah cun tlang kha, ‘Ra kan nenh,’ nan ti lai i fing kha ‘Ra kan khuh,’ nan ti te lai.
31 Thing a hring lio hmanh ah cuti an ti ahcun a ro tikah zeidah a lawh te lai?”
32 Thah ding misual dang pahnih hna zong a sinah cun an kalpi ve hna,
33 ‘Luruh’ an timi hmun cu an va phan i cuka ah cun vailam ah an tah i misual hna zong cu a orhlei ah pakhat a kehlei ah pakhat an tah ve hna.
34 Cun Jesuh nih, “Ka Pa, ngaithiam ko hna, zeitintiah zei kan tuah ti an i hngal lo,” a ti. Cun, camcawhfung zuh in a hnipuan kha an i phaw.
35 Zapi nih dir buin an cuanh. Uktu hna nih cun an serhsat i, “Midang cu a khamh hna i Pathian Khrih, a Thimmi a si ahcun amah le amah i khamh tuah ngat seh,” an ti.
36 Ralkap hna zong nih zuthor pek pah in an nihsawh.
37 “Judah Siangpahrang na si ahcun nangmah le nangmah cu i khamh ngat,” an ti.
38 “Hihi Judah Siangpahrang a si,” ti zong a lu cungah khenhmi ca a um.
39 A sinah aa thlaimi misual hna lak i pakhat zong nih a hauh, “Khrih cu na si lo maw? I khamh law kanmah zong kan khamh ve ngat,” a ti.
40 Sihmanhsehlaw a dang pakhat nih cun a mawhchiat, “Pathian na òih lo maw? I tluk tein hrem kan si hih,
41 asinain kannih pahnih hi cu hrem awk hrim kan si, kan tuahmi ruangah kan tonmi a si ko; hi pa tu hi cu zeihmanh a sual òung lo,” a ti.
42 A thawh i, “Jesuh, na pennak na phak tikah rak ka philh hlah,” a ti.
43 Cun Jesuh nih, “Biangaite kan chimh, nihin ah Paradis ah ka sinah na um lai,” a ti.
(Mat 27:45-56; Mar 15:33-41; Jhn 19:28-30)
44 Chun suimilam pahleihnih hrawng a si i zanlei suimilam pathum tiang vawlei cung pumpuluk a mui dih;
45 nika a mui i biakinn puan zar cu a lai in cheu hnih ah aa cheu.
46 Jesuh cu fakpi in a au i, “Ka Pa, ka thlarau na kut ah kan chanh,” a ti. Cu bia a chim dih cun a thaw a dih.
47 Ral bawipa nih cu thil a cangmi a hmuh tikah Pathian a thangòhat i “Hipa hi a rak sual lo taktak a si ko,” a ti.
48 Cucu cuanh awkah a rami zapi hna nih cun cu bantuk thil an hmuh tikah an òang an i cum i an òin.
49 A theih hngalhmi hna le Galilee in a hun zulmi nu hna zong a lang in an dir i cu thil vialte hna cu an hmuh dih ve ko.
(Mat 27:57-61; Mar 15:42-47; Jhn 19:38-42)
50 Judah mi khua Arimathea timi ah Josef timi pakhat a rak um. Hipa hi khawngsil ah a telmi a si i miòha le miding ngai a si.
51 Amah hi Pathian pennak a hngakmi a si i an i tinhmi le an khuakhanmi kong kha a hna a rak tla lo.
52 Pilat sinah a kal i a ruak kha a va hal.
53 Cun a va òhumh i puan nem tein a zual i ahohmanh vui rih lonak lungkermi thlan ah a vui.
54 Cucu timhtuah ni a si i Sabbath cu aa thawk pah cang.
55 Galilee in a run zulmi nu hna zong nih khan an zulh lengmang ve i thlan le a ruak an chiahning kha an hmuh dih;
56 an òin i zihmui le sathau an vaa damh, Sabbath ni ah cun nawlbia bantukin an i din.